الموضوع: اسبرانزا 1300ccحد يعرف حاجه

ياباشا أنا يشرفني اني أكون واحد منكم بس أقولك على حاجه أنا نفسي أشتري اسبرانزا a113 بس المشكله ان احنا اتعودنا ان كل السلع الصيني مضروبه فمنين تقدر تجيب الثقه على عكس اي منتج ياباني مثلا او كوري او...الخ بتشتريه وانت مغمض وبرضه الفلوس مبتجيش بالساهل حتى لو طلعت وحشه وبعتها حتخسر فيها على الاقل 10000 جنيهوالحكايه مش مستحمله 10 جنيه اكيد فاهمني طبعا

العربيات الصينى عامله زى المطربين الجداد والفيديو كليبات
اشياء سيئه
بس بالتعود
والالحاح
والضغط
وبعد فتره الناس تتعود
وبعد فتره الناس تقتنع بالمطرب من دول او الكليب اياه اللى لما اول مره شافه قال
ايه القرف والمسخره وقلت الادب دى
الله ينتقم من كل جشع بيستورد بضاعه سيئه عشان يكسب اكتر ومش مهم المصريين
والله احنا نستحق معامله ارقى من كده بكتييير

أنا متعجب من الإنفعال الشديد عند بعض الناس في حالة إن واحد قال رأي ناقد للسيارة التي إشتروها
هو فيه إيه ؟ ؟ ؟ ؟ :?:
هو اللي بيشتري سيارة بيعتبر نفسه محامي عنها من أي نقد وخلاص ويقعد يتفنن في إظهار بعض محاسنها إن وجدت وإذا تحدث أحد عن عيب فيها نجد الدنيا إنقلبت واللي يقوله ما إنت عربيتك فيها كذا وكذا كأنهم عايزين يسكتوه وخلاص
أنا متعجب من الأسلوب ده

يا جماعة كل واحد يقول رأيه بمنتهى الحرية والصراحة وميتدخلش في رأي غيره
مفيش داعي نوصل لمرحلة دي من النقاش
واحد شايف الصيني كويس على قد فلوسة هو حر في رأيه
لكن لو واحد دخل وقال الصيني سيء جداً وميستاهلش نصف الفلوس اللي بتدفع فيه مفيش داعي نلاقي بعض ملاك الصيني وكأنهم يقولون حي على الجهاد . . . . . . . .
(يا جماعة سيبوا كل واحد يقول رأيه بحرية زي ما بتقولوا رأيكم وبلاش التلميحات من نوع ينقطنا بسكاته لأن كلنا زي بعض - كلامه زي كلامك وسكاته زي سكاتك ورأيه يحترم زي رأيك)

أتمنى نبتعد عن التعصب وسهولة الإستفزاز والحمية المفرطة لسيارات لمجرد أننا نمتلكها وقد أرانا الله بعض خيرها ولو لا قدر الله أرانا الله شرها لما قلنا فيها خيراً أبداً وهذا عن كل أنواع السيارات

فلا داعي للتعصب والإنفعال
والله الموفق

يا جماعة سيبوا كل واحد يقول رأيه بحرية زي ما بتقولوا رأيكم وبلاش التلميحات من نوع ينقطنا بسكاته لأن كلنا زي بعض - كلامه زي كلامك وسكاته زي سكاتك ورأيه يحترم زي رأيك

أنا معاك بس لما يكون الكلام كلة غلط وتضليل لازم ساعتها نرد ونهاجم حماية للقراء وهية دية مهمتنا فى المنتدى

المشاركة الأصلية كتبت بواسطة eng_mkhalaf

يا جماعة سيبوا كل واحد يقول رأيه بحرية زي ما بتقولوا رأيكم وبلاش التلميحات من نوع ينقطنا بسكاته لأن كلنا زي بعض - كلامه زي كلامك وسكاته زي سكاتك ورأيه يحترم زي رأيك

أنا معاك بس لما يكون الكلام كلة غلط وتضليل لازم ساعتها نرد ونهاجم حماية للقراء وهية دية مهمتنا فى المنتدى

انا مع المهندس مخلوف ان كل واحد يتكلم عن الصينى يكون بتجربة شخصية مش واحد سمع كلام يرددة
اويكون راى بدون تجربة او يكون جرب عروسة صينى ب 3 جنية ويقول اصل العربيات زى العروسة الى باظت
وبعدين لواحنا دورنا ورا كل عربية حتلاقى ليها عيوب مهما كانت