الموضوع: اسبرانزا 1300ccحد يعرف حاجه

لا انا و لا حضترك و لا اي حد يقدر يمنع اي حد عن الهجوم علي اي سيارة , طالما مراعي قوانين المنتدى , مفيش في قانون المنتدى حاجة اسمها متهاجمش السيارة قبل متجربها او حتى انك تنصح الاعضاء باي شيء .

انا محايد علي فكرة لا انا ضد الصيني و لا معاه , انا مع سيارة تلبي احتيجاتي و تامني بقدر الامكان من مخاطر الطريق
وبشتري السيارة علي اساس Best Value For Money

بس لو في سيارة صيني كويسة مش حقول وحشة , و في سيارة غير صيني برده كويسة وان اقل في الابشنز . واللاتنين متقاربين جدا في السعر , ليا او لي غيري حرشحله الغير صينية , وده مش هجوم ولا انحياز , ده اسمه منطق .. و علي الاقل في الفترة الحالية .

بس مش حلغيها كاختيار قدامه , بس حرشح التانية عنها .
و ده مش هجوم .. ده رأي شخصي , ياخد بيه الاخ الساءل او مايخدش دي حاجة ترجعلوا هو , مش انت ولا انا .

المشاركة الأصلية كتبت بواسطة HESHAM AMIN

برافو عليك يبقى من حقى انا كمان ادافع عن راى ومحدش يقول رابطة الدفاع عن الصينى
وفالاخر كل واحد بيشترى الى يناسبة وانا اشتريت الصينى ومش ممكن اقول لواحد اشترى اى عربية اى كانت
لان كل واحد لية ظروفة
وبردة مش بهاجم اى عربية لان زى ماقلت كل عربية ليها مميزات وعيوب
ولو حندور ورا كل عربية زى ما بندور ورا الصينى يبقى محدش يركب عربية اقل من100000 حم

انا مش بقولك متدافعش , انا بقولك مبيقاش كل هدف ممتلكي الصيني انهم يقنعوا الناس بيه , دي وظيفة الشركة مش حضرتك ,,

و لو لاحظت انا مرة هاجمت السيارات الفرنسية بأكملها وحصلت مشاداة بيني و بين الاستاذ حازم خضر , المهم مفيش حد لا دافع بالضراوة دي و لا اي حاجة بالرغم من نجاح السيارات الفرنيسة في بلدنا , و هو ده القصد , الي حيرد علي الناس دي كلها , اخبار السيارة و جودتها و مبيعاتها . مش انا و لا انت

معاك 100% , بس السبب الجوهري بالفعل موجود و حيفضل موجود .. ماركة غير مجربة , غير معروفة , جديدة , و قادمة من بلاد جديد في صناع السيارات المحلية ( اي تصنيع سيارة بالكامل مش ماركة عالمية ) .

و ده في حد ذاته اكبر سيبب جوهري .. يوقف اي واحد 1000 مرة قبل ميشتريها , كانت و حشة او حلوة .
زي الدايوو لما جات , والناس كلها شتمت فيها و بقت احسن سيارة مبيعاة في مصر !!
السبب ؟ الشركة و السيارة ! مش دفاع اي حد !