-
السايس في الأصل ببعتمد على فلسفة إنك راجل محترم وعندك إللي تخاف عليه وهو (اي السايس) ايش تاخد الريح من البلاط..وطبعا جنيه مش هايأثر معك...بس المستفز فعلا السايس إللي بياخد خمسة جنيه في الركنة طول النهار وبعدين تيجي تركن يركنك بمزاجه في اي داهية وبعد الصف (او الصفوف ما تكمل) يروح تيجي تخرج تلاقي العربية مزنوقة زنقة مهببة...
مرة واحد في جاردن سيتي زنقني من الجانبين..ما عرفتش ادخل العربية..ناديت عليه قالي مش انا السايس بس عارف إنه هو..بيعاقبني البيه علشان بروح متأخر مش مع باقي الموظفين وبالتلي مابدفعش وردية السايس بليل!!!!! قمت رايح جايب امين شرطة من الشارع (وظبطه طبعا) عمل فيلم ابن 60 في 70 في السايس وبقيت ببرطع في المكان بعد كده بمزاجي
اغرب السياس في مصر..داخل الجراج متعدد الطوابق بتاع عمر مكرم!!!! اي والله داخل الجراج إللي اشتراكه 450 جنيه في الشهر ..واقل ساعة فيه بستة جنيه...السياس دول بقى ابتكروا حركة عبقرية، وهي انهم بيحجزوا اماكن في الدور الأول وينقوا العربيات إللي تركن في الأماكن دي...انا بقى لما الاقي الحجز ده اقوم اشاور لهم يشيلوا الحاجز علشان اركن...وعلى الله حد يفتح بقه معاي...دول 450 جنيه يا معلم مش هبل
-
السياس اللي عند الجامعة برده محتلين المنطقة حوالي اربعة خمسة انا بروح قبل ميجوا اصلا وبركن لوحدي وبعدين لما اخرج الاقي العربية مزنوقة وراها تلات عربيات وعايز ياخد فلوس وخلاص وكل واحد ليه سعر لوحده بس كويس في واحد عارفني بيعملي تخفيض ببقي حاسة اني بشحت منه والمشكلة ان دخول الجامعة بالعربية عايز تصريح انا جبته بالعافية بس عايز يتجدد
بس انا رأيي انك تاخد السايس علي قد عقله وخلاص لانك مهما دفعت مش هيبقي اغلي من العربية وعشان كمان متحطش نفسك في مشاكل مع ناس زي دي عايشة بالبلطجة
-
الله يخرب بيوتهم .. شوية بلطجية وبيعملوا علينا بنى أدمين وعلى رأى اللى قال الواحد بيرضخ ليهم علشان يعرف يركن وعلشان مايلاقيش العربية مزنوقة او حاصلها حاجة وكل ده من الحكومة اللى مش عاملة أماكن للركن وخاصة فى الاماكن اللى فيها مصالح للناس لدرجة انهم ييجوا والله زى فى المعادى كده حتة كلها مصالح ( ميدان المحطة ) ويقف الظباط ويمنعوا أى ركن والمنطقة كلها بنوك ومعارض وصيدليات مش عارف الواحد يعمل ايه فى عربيته لما يكون ليه مصلحة .. حسبنا الله ونعم الوكيل .
Content Relevant URLs by
vBSEO 3.6.0 PL2