امبراطورية السياس

**تامر.محمد** · 15-09-2009 10:47 AM

السلام عليكم و رحمة الله و بركاته

موضوع مش جديد
و في نفس الوقت مازال ما اتحلش

السياس
كل واحد مالوش شغلانة و كسلان يدور له على شغلانة
يقوم رايح على اي حتة مافيهاش مساكن , و في نفس الوقت فيها عربيات بتركن كتير
و يرمي بلاه على اصحاب العربيات
كل واحد ينزل من عربيته
يلاقي اللي طلع له من تحت الأرض
و مالوش اي لازمة ولا ميزة غير انه ياخد اللي فيه النصيب

مثال ظريف جدا
في الشركة اللي انا شغال فيها

جايبين اتنين سياس , دول بيعملوا حاجة ظريفة جدا
اللي بيبقى دافع لهم ( شهري كمان تخيلوا ) , بيوصل قدام الشركة , يدي لواحد فيهم مفتاح العربية و السايس يركنها له , لو كان لحد كده كان ممكن تعدي
لكن لأ
اولا , هايركنها له في اي مكان ممكن , صف تاني عادي , فوق حفرة ولا بلاعة مافيش مشاكل , زي ما يكون , ده طبعا بالإضافة للمعاملة السيئة جدا للعربية اللي هو بيركنها
ثانيا , و دي الأسوأ , ان حضراتهم بييجوا كل يوم قبل ميعاد الموظفين بساعة , يرصوا حجارة قدام الشركة , و الرصيف المقابل و في اي حتة ممكن يتركن فيها , و طبعا اي حد يفكر يشيل الحجارة اللي هما حطوها و احتلوا بيها الشارع بيتخانقوا معاه , و حصل اكتر من مرة مع اكتر من واحد
و طبعا اللي مش هايهمه و هايتخانق معاهم , هايخاف برده على عربيته اللي هايسيبها بقية اليوم

خلص الكلام ؟ لسه
قدام شوية , و استمرارا للمهزلة , واحد , راجل كبير سنا , قرر انه يحتل الحتة اللي فاضلة في الشارع , ماركة اللي فيه النصيب اللي اتكلمنا عنها من شوية

و النتيجة , يا خناقة و عربية خايف عليها , يا راكن بعيد على مسافة 200 او 300 متر , ناهيكم عن الغيظ اللي جوة الواحد من المبدأ المزري أصلا

انا عارف اني طولت
بس الظاهر اني كنت محتاج افضفض كمان

السؤال , ايه الحل للأشكال اللي زي دي ؟
محتاجين نفكر في حل
بس انا مش عارف هو ايه

**lada2010** · 15-09-2009 12:56 PM

الحل منك انت تركن وتقول لة لو نزلت ولقت اى حاجة لمست العربية اعمل فيك

**egyptianmafia** · 15-09-2009 01:07 PM

if you have a relative who is in the police...he can bring a box and take them away.....

or just keep on calling the police and say that those men are harassing the women (ta7rarosh)

they will come quickly because now the ta7arosh is one of the thing that the police will act on....

were I live there is a halawany and Raya under my building so it is a heaven for those people...but thank god that we have modeer amn el sharkia and his brother 3ameed in amn dawla and they have scared away anyone who tries to stand at our building

and the good thing too is that any car that parks 2nd row and leaves (not a customer of raya or halawany) will have their cars towed or bolted

**pro_samir** · 15-09-2009 06:04 PM

الى بيفقعنى بقى بجد انة ولا بيطوء العربية ولا نيلة كل اللى يعملة انة يرفعلك المساحة ولما تيجي تركب يقولك مع السلامة يا باشا وعايز ياخد فلوس !! قمة الأشتغالات يعنى ماسك الفوطة منظر

حتى عند المسجد اللى بصلي فية التراويح والتهجد ظهر اتنين ولا تلاتة شغالين على العربيات بتاع الناس اللى بتيجى تصلي فقط ، وأصلا البواب بيبقى منضف العربية مبتكونش محتاجة تنضيف ودة برضو يرفعلك المساحة ، طبعا مرة بديلة وعشرة بقولة مفيش فكة

**تامر.محمد** · 15-09-2009 10:57 PM

المشاركة الأصلية كتبت بواسطة lada2010

الحل منك انت تركن وتقول لة لو نزلت ولقت اى حاجة لمست العربية اعمل فيك

هو ده اختيار الخناقة , و انا بصراحة عملته جزئيا مع الراجل الكبير بتاع اول الشارع النهارده , بس ما اتخانقتش
انا ركنت العربية , لقيته ناطط لي يقول بنفس الطريقة كده صباح الخييييييييييييير

قلت له صباح النور

, و قفلت العربية و مشيت
بس برده بقيت قلقان

Casio2000
محميين , يعني الموضوع محتاج واسطة جامدة في القسم فعلا

**تامر.محمد** · 15-09-2009 11:04 PM

المشاركة الأصلية كتبت بواسطة egyptianmafia

if you have a relative who is in the police...he can bring a box and take them away.....

Or just keep on calling the police and say that those men are harassing the women (ta7rarosh)

they will come quickly because now the ta7arosh is one of the thing that the police will act on....

Were i live there is a halawany and raya under my building so it is a heaven for those people...but thank god that we have modeer amn el sharkia and his brother 3ameed in amn dawla and they have scared away anyone who tries to stand at our building

and the good thing too is that any car that parks 2nd row and leaves (not a customer of raya or halawany) will have their cars towed or bolted

ده بقى اللي ممكن يحصل لعربية واحد دافع فلوس عشان سايس يركنها له
شيء

الفكرة
الحل اللي حضرتك قلته برده
واسطة في الداخلية
الخلاصة كده ان هو ده الحل ؟
طب لو فرض و عايزين حل للظاهرة دي ؟

**تامر.محمد** · 15-09-2009 11:10 PM

المشاركة الأصلية كتبت بواسطة pro_samir

الى بيفقعنى بقى بجد انة ولا بيطوء العربية ولا نيلة كل اللى يعملة انة يرفعلك المساحة ولما تيجي تركب يقولك مع السلامة يا باشا وعايز ياخد فلوس !! قمة الأشتغالات يعنى ماسك الفوطة منظر

حتى عند المسجد اللى بصلي فية التراويح والتهجد ظهر اتنين ولا تلاتة شغالين على العربيات بتاع الناس اللى بتيجى تصلي فقط ، وأصلا البواب بيبقى منضف العربية مبتكونش محتاجة تنضيف ودة برضو يرفعلك المساحة ، طبعا مرة بديلة وعشرة بقولة مفيش فكة

لا انا اقول لك حاجة اظرف , دول بقى مش بيرفعوا المساحات حتى
:))))))))))

مازلنا عايزين حل للظاهرة دي
هل نعمل حملة و جروب مخصوص على الفيس بوك زي ما عملوا مثلا في موضوع الاستخدام العادل بتاع الانترنت ؟

المشاركة الأصلية كتبت بواسطة amrrr

كنت هقول لك ركن وادفع - دا حل سلبي
الحل الايجابي بصراحة انك تبلغ وانك تهدده - بصراحة لما قريته فوق قلت فعلا ممكن

طب حد جرب الحل ده من غير واسطة و جاب نتيجة ؟؟؟

المشاركة الأصلية كتبت بواسطة a.elsheikh.01

لو مكانك اقوله وانا نازل هظبطك اديهملو واقوم مبلغ النجده وفى اللحظه الى تيجي النجده تكون رحت للعربيه بتاعتك وتتلككله علشان يعمل اى حاجه وانجده تمسكو

لا يا باشا
انت فاكرهم طيبين كده ؟
لا لا لا
الكلام ده كان زمان
الجماعة بتوع الحجارة , بياخدوا شهري , مش بتوع يوم بيوم و كلام من ده
اما الراجل الكبير , فهو بيقعد لحد الساعة 11 ولا حاجة لما يكونوا كل الموظفين جم , و بيتكل بعد كده
ناس اخر تنظيم بصراحة

-

-

الموضوع: امبراطورية السياس

LinkBack

أدوات الموضوع

عرض

امبراطورية السياس - انشر الموضوع فى :

-

-

-

-

المواضيع المتشابهه

امبراطورية سامسونج

قصة صعود وانهيار امبراطورية مبارك الرئاسية

حمله ضد السياس والشحاتين

الكلمات الدلالية لهذا الموضوع

المفضلات

المفضلات

ضوابط المشاركة