مساعده فى تسعير نيسان صنى

**foxking_369** · 15-09-2009 12:08 PM

السلام عليكم يا اخوانى الاعزاء فى المنتدى

رمضان كريم و عيد سعيد

ممكن مساعده فى تسعير سياره نيسان صنى موديل 2001 ( شكل 2002 )

مانيوال 1300 cc

عداد 53000 كيلو متر

تكييف - كاسيت - 4 زجاج كهرباء - مرايات كهرباء - 4 سماعات - سنتر لوك - جهاز انذار بريموت - وساده هوائيه للسائق - احزمه امان اماميه و خلفيه ( srs )

فابريكا دواخل و خوارج ( مش رشه اى جزء ) يوجد حكه فى الجانب الايمن و خدوش بسيطه فى الاكصدام الامامى و الخلفى

2 كاوتش امامى جديد - بطاريه جديده ( حوالى سنه )

حاله ممتازه جدا ( موتور - عافشه - صالون )

**محمد أنور** · 15-09-2009 05:04 PM

في حدود 45 الف جنيه

**M.FOUAD** · 15-09-2009 05:44 PM

المشاركة الأصلية كتبت بواسطة محمد أنور

في حدود 45 الف جنيه

هي اية دية الي ب45
دية متقلش ابدا عن 55 الف
بصراحة منتدى البيع و الشراء بقى كلة فتي و ياريت تلغوة احسن بدل حرقة الدم

**محمد أنور** · 15-09-2009 10:55 PM

عذرا انا قصدي اربعة و خمسون الف اصل الكيبورد كتبت الرقم بالانجليزية و المنتدى قلبه بالعربي

و محدش قصده يفتي ولا يحرق في دمك يا أ. فؤاد نور .. حضرتك اكتب السعر اذا كان عندك فكرة من دون الغلط في حد او طريقة الكلام الاستهزائية دي

و كل سنة و انت طيب :s :s

**foxking_369** · 16-09-2009 09:47 AM

شكرا لحضرتكم على الرد

**foxking_369** · 23-09-2009 03:22 PM

يا شباب مفيش حد تانى عندوا معلومات عن السعر

**kahlawey** · 23-09-2009 06:50 PM

اولا حضرتك مقولتش العربية مانيوال ولا اتوماتيك تانى حاجة عايزكم تخلو بالكم منها ان العربية دى 1300 سى سى ياعنى تعمله فى السوق 50 -52 اما ال 1600 سى سى توين كام تعملها فوق ال 55 حسب حالة السيارة وربنا يوفقك وخلى بالك ان الماتور ال1300 سى سى الطلب عليه قليل اوى فى مصر وسوقه ضعيف مع انه ماتور ممتاز توين كام بس مش مطلوب اوى فى مصر او محدش يعرف امكانياته..... بس العربية ممتازة وربنا يكرمك

**foxking_369** · 24-09-2009 03:29 PM

kahlaweyاولا حضرتك مقولتش العربية مانيوال ولا اتوماتيك تانى حاجة عايزكم تخلو بالكم منها ان العربية دى 1300 سى سى ياعنى تعمله فى السوق 50 -52 اما ال 1600 سى سى توين كام تعملها فوق ال 55 حسب حالة السيارة وربنا يوفقك وخلى بالك ان الماتور ال1300 سى سى الطلب عليه قليل اوى فى مصر وسوقه ضعيف مع انه ماتور ممتاز توين كام بس مش مطلوب اوى فى مصر او محدش يعرف امكانياته..... بس العربية ممتازة وربنا يكرمك

foxking_369
مانيوال 1300 cc

حضرتك انا اول حاجه قولتها انها مانيوال
و ثانيا مين قال ان الطلب على 1300 ضعيف دا حتى فى ناس بتدور عليه علشان مضمون ان العربيه يابانى من تجميع مصرى

انا سالت تانى لسبب انى لقيت اسعار غريبه شويه على كونتكت و car100100 فى ناس عارضه ب 66000 و 63000 و 61000 و 59000 و 58000 لحد 50000 .