صباح الفل
انا عندى عربية 127 مو 82 والنهاردة الصبح لقيت الكاوتش بتاع قاعدة الموتور مقطوع
عايز اعرف ما هو سبب انقطاعة وهل يؤثر على العربية ومنين اشترية ؟
وشكرا
عرض للطباعة
صباح الفل
انا عندى عربية 127 مو 82 والنهاردة الصبح لقيت الكاوتش بتاع قاعدة الموتور مقطوع
عايز اعرف ما هو سبب انقطاعة وهل يؤثر على العربية ومنين اشترية ؟
وشكرا
السبب الرئيسي هو الزمن و العمر الافتراضي
و تاثيرة انك هاتحس باهتزازات اعلي من الموتور
مكان البيع عند اي محل قطع غيار
طيب انا غيرت قاعده الماتور الكاوتش فى فيات 128 ومن ساعتها و انا بحس باهتزاز فى الدركسيون جامد ونفس الاهتزاز فى الفتيس على اى سرعه ولما سالت المكيانيكى قالى لسه القاعده بتريح و تاخد وضعها مع العلم انى مغيرتش القاعده القديمه غير لما لحظت ان الماتور ساقط لتحت .........
يعنى اعمل اية انفض للميكانيكى اللى عمال يقلى دا القاعده بتاخد وضعها و اروح لمكانيكى تانى ولا اعمل ايه
القاعدة مش طنبورة ولا تيل هاتاخد وضعها او تلين او تطبع القاعدة عبارة عن قطعة من الحديد بداخلها كاوتشوك ووظيفتها انها تمتص الصدمات و تمنع انتقال كامل اهتزاز الموتور لجسم السيارة و بالتالي مع الوقت الكاوتشوك بيتقطع و تبقي محتاج تغيرها ايه بقي الي هياخد وضعه فيها مع الوقت اذا كانت هيا اصلا ببتاكل مع الوقت
روح لميكانيكي تاني و برده اعرف ان فيه قطع غيار مضروبة كتير خصوصا للـ 128 يعني ممكن تكون القاعدة اصلا الكاوتش الي فيها ناشف و مش يتادي الوظيفة الصح و ممكن تكون فيه قاعدة تانية عاوزة تتغير و ممكن تكون كل المشكلة في مسمار في قواعد الفتيس عاوز تربيط خلي حد تاني يشوفهالك
طيب لو المقصات الاماميه عاوزه جلب و علبة الدركسيون عاوه حشو و العربيه عاوزه تتظبط زوايا هل دا بياثر برضو على الاهتزاز فى الدركسيون و خاصتا ان موضوع الاهتزاز دا مبنش معايا بعد مركبت القاعده على طول لا بعدها بيوم كامل
كل سنه و انت طيب بقى الدنيا صيام و الواحد هيحس باية ولا اية ............يعنى السبب اية بالظبط برضو معلشى استحمل غبائى
اعتقد ان السبب هو القواعد الجديده لانها اخر حاجة ركبت
ممكن تكون مش متركبه كويس او فى واحده تانية محتاجة تتغير برده
روح لميكانيكى تانى و استفسر منه