My Mitsubishi Magna

**shereifonline** · 15-09-2009 01:46 PM

السلام عليكم
الحقيقة دة اول مرة اشترك معاكم في المنتدي الجميل ده..بجد ربنا يكرمكم علي المعلومات القيمة..بس للاسف انا مش قادر استفيد منها اوي لان انا سيارتي نوعها ميتسوبيشي ماجنا..(علي فكرة انا عايش في الكويت) و نفسي اعمل تعديلات فيها و مش عارف ابدأ منين..خايف اروح لحد في الحرفيين اسالة و يلاقي العربية جمرك فيروقني..و انتم فاهمين.
مبدئيا..انا عايز اعمل فرامل رياضية و يمكن عفشة رياضية..لان العربية من ساعت مجيت بيها مصر و العفشة راحت في داهيه من المطبات الجميلة..فاللي يقدر يدلني علي واحد يكون فاهم في النوع ده من العربيات في القاهرة او اسكندرية يتفضل يقول لي و جزاكم اللة خيرا.

**MMamdouh** · 15-09-2009 06:26 PM

طالما معاك متسوبيشى يبقى عليك و على عادل وجدى فى الحرفيين

MMamdouh

**eslamrace** · 17-09-2009 02:06 AM

والاسكندريه فى عندك محروس فى شارع 45 دماغه عاليه برضه انا مجربه انسان محترم وفاهم شغله والمواعيد بتاعته ساعه

**shereifonline** · 22-09-2009 09:26 AM

فين بالظبط في شارع 45 ؟ و لو معاك تلفونة يبقي تمام اوي.

**eslamrace** · 22-09-2009 09:34 AM

فى شارع 45 بس مش من ناحيه البحر لا من عند الراس السودا هو فى شارع على قمته قهوه اسمها اخره العرب لو سالت هناك هيدلوك ولو رحتله قوله انا جى من طرف اسلام وكريم بتوع البرايد الدهبى و ححاول اجيبلك نمرته

**m_elkhishin** · 11-10-2009 04:09 PM

أخي العزيز
انا عايش في السعودية فنصيحة لوجه الله متعملش أي حاجة فى العربية في مصر (ليس تشكيكا في الصنايعية في مصر لا سمح الله) ولكن احسبها كدة
قطع التعديل اللي عاوز تضيفها لو حتجيب حاجة نضيفة و أصلية حتبقى غالية جدا أكتر بكتير من قيمة العربية في الكويت. يعني لو العربية لوحات مصر كنت قولتلك اصرف زي مانت عاوز لأن عربية زي دي قيمتها حتكون كبيرة جدا فبالتالي نسبة المصاريف بالنسبة للسعر النهائي حتكون مش كبيرة.
ولكن عربيتك مثلا عندنا في السعودية سعرها من 15000-25000 ريال حسب النظافة والموديل(2000-2004) فبالتالي لو حتدفع 5000 توضيب عفشة وفرامل ، لو بعتها وحطيت ال5000 على تمنها حتجيبلك حاجة سبور تكن كويسة زي الموستنج أو الكامارو(97-2002)

**Hossam.Hamdy** · 11-10-2009 04:16 PM

معلش حضرتك فى الكويت...يبقى تعمل كل حاجه على اصولها عندك وهتلاقى الناس المتخصصه جدا عند وغالبا بيكونو فلبينين و هنود زى السعوديه كده..شوف منتديات الكويت و الشبابا بيعدل فيين

**safeeagent** · 13-10-2009 10:00 PM

نصيحة بلاش تعملها هنا لان في حاجات مضروبة ولو اصلية هتبقى غالية وكمان عربية حضرتك ما شاء الله ونمرها جمرك فهتبقى مصنعيتها غالية جداً
ممكن حضرتك تروح شارع كندادراي في الكويت اكيد حضرتك عارفه وهتلاقي هناك كل اللي بتحلم بيه
كان عندنا جالانت 91 2000cc في الكويت كنا مظبطنها

**mahmoud_magdy** · 09-12-2009 07:07 AM

وانت داخل على اي صنايعي او ورشه وخلاص متأكد انك هتعمل شغل عنده
فك النمر الاول قبل ما تعمل اي حاجه
تفاديا للمصنعيات الغاليه والمبالغه في الفلوس اللي هيطلبها
بس زي ما قالوا الاعضاء
مادام العربيه جمرك يبقى عدل في الكويت براحتك
وتقدر تسأل هنا على أي حاجه انت عاوزها وتجيب قطع الغيار من هناك وتركبها هناك