الموضوع: اكتسااااااااااااااااااااا ااااح في اول يوم حجز للسيارة A213

ايها السادة اليكم ما حدث يوم الخميس في حجز السيارة الجديدة في فرع المعادي و المهندسين

كنت في فرع المعادي الساعة 10 صباحاً و قمت بمشاهدة السيارتين هناك بعين فاحصة و بتمحص

اولاً : السيارة :- السيارة العائلية في فئتها 1300
السيارة شكلها الخارجي جميل جدا و التقفيل جيد جدا و الشكل الداخلي جيد و توزيع الميكانيكا جيد و اذا فتحت الكابوت الامامي وجدت الموتور ظاهر و يظهر من فوقه و بوضوح مجموعة اسلاك البوجيهات واضحة و يظهر الشاسية بشكل واضح و يتبين ان الشاسية من النوع الجيد جدا و من الداخل فالصالون و اسع و الكراسي جيدة و التابوه جيد الي حد كبير و شكل العدادات جميل و الكونسول شكله حلو بس مش اوي و حامل الاكواب في الوسط كما في 516 و الكاسيت مستورد من الصين و طبعا نوعه شيري اما الشنطة مش مصدق لحد الآن وسعها و حلاوة الشنطة و جمالها و وسعها كبير جدا و الكاوتش المستخدم هو نوع good year و الملاحظة اللي و جدتها في السيارة ده هي ان الفتيس شخن شويه و ده كانت اهم ملاحظتي نقلتها لكم بكل دقة و وضوح و امانة
اما السعر 52000 جنيه لموديل 2007

يوم الخميس تم فتح باب الحجز في المعادي فقط و علمت ان عدد السيارات موديل 2007 الموجودة و التي يتم الحجز عليها 60 سيارة فقط و يتم حجزها بمبلغ 20000 جنبه و الباقي عند الاستلام و الاستلام خلال شهر اما السيارات موديل 2008 فيتم حجزها الآن بمبلغ 20000 جنيه و الاستلام خلال 3 شهور و لكن السعر غير محدد الي الآن و كمان اكيد اكيد اكيد اغلي من موديل 2007 بحوالي 2000 الي 4000 جنيه و ده كان كلامهم اما فرع المهندسين ففتح الحجز يوم الجمعة و السبت لموديل 2007 فقط اما 2008 فمن يوم الاحد و ايضا في فرع المهندسين لابد من دفع المبلغ كاملاً لموديل 2007 لتستلم خلال اسبوع او اسبوعين علي اقصي تقدير اما موديل 2008 فيتم الحجز بمبلغ 20000جنبه و الاستلام خلال 3 اشهر و عدد السيارات موديل 2007 التي تتبع فرع المنهدسين هم 40 سيارة فقط

هذا ما حدث معي في اول يوم حجز و للعلم فقد تم غلق باب الحجز في المعادي علي السيارة A213 موديل 2007 الساعة 10.50 صباحا اي بعد حوالي ساعين من فتح باب الحجز و ايضا مش عارف اقول ايه علي كمية الناس اللي كانت موجودة هناك عدد رهيب و كانو في الصبح نظراً لكثرة الناس بيدخلهم حبة حبة
شكرا لكم

هيثم علي