السلام عليكم
معايا مبلغ 1500 جنيه عايز اعمل بيهم صدقه جاريه وعايز اعملها قبل انتهاء رمضان ان شاء الله فلو اي حد عنده افكار او صدقات نفذها بالمبلغ ده يا ريت يقول لي عليها علشان اقدر اعلمها في خلال اليومين الجايين دول ان شاء الله وجزاه الله كل خير
عرض للطباعة
السلام عليكم
معايا مبلغ 1500 جنيه عايز اعمل بيهم صدقه جاريه وعايز اعملها قبل انتهاء رمضان ان شاء الله فلو اي حد عنده افكار او صدقات نفذها بالمبلغ ده يا ريت يقول لي عليها علشان اقدر اعلمها في خلال اليومين الجايين دول ان شاء الله وجزاه الله كل خير
تلاجة مياة ساقعة امام مسجد
ساهم في تجهيز عروسة يتيمة ، ١٥٠٠ يجيبولها بوتاجاز وكل طبخة بثواب
فعلا فكره جميله لكن الاقي فين عروسه عايزه بوتاجاز دلوقتي
يا ريت تستمروا في الأقتراحات وانا هكلم اخت فاضله بتشتغل في العمل الخيري اشوف موضوع العروسه ده
ممكن حشرتك تشوف مسجد محتاج سجاجيد جديدة وتغيرهمله
حد طالع العمرة يروح صيدلية النهدي يشتري لك كراسي بعجل تبرع للحرم للاستخدام المجاني للمعاقين و العجزة الكرسي ب 200 ريال
كمان ال١٥٠٠ تجيب بيها ٥ مواتير رفع مياة نص حصان (كالبيدا) وتديها لخمس اسر غلابة ساكنين عالي والمياة ما بتوصلش
كمان ممكن تجيب ١٠٠ شتلة مسك الليل وتزرعهم كل اللي حيشم الريحة تاخد بيها ثواب ان شا الله (الواحدة ب ١٥ جنيه)
ممكن تدفع لشاب غلبان ثمن كورسات انجليزي وكمبيوتر لما يشتغل بيهم ليك مع كل مرتب حسنة
ممكن منشار كهربا لنجار على باب الله
او مكنة خياطة لست غلبانة
او مقدم موتوسكل صيني لشاب عاطل عاوز يشتغل طيار
مصاحف فى مسجد اهلى ولك ثواب فى كل قراءة
انا ممكن افضل اقولك افكار لحد العيد :) :rolleyes2:
اصلي بتعامل مع جمعية خيرية بتعمل النشطات دي
مع احترامى للجميع بلاش موضوع السجاد والمياه والحاجات اللى نقدر نعيش من غيرها
مع تقديرى التام لاهمية هذه الاشياء لكن فى حاجات اولى
مثلا مستشفى الاورام ليها وقف خيرى
الاورمان ممكن تشارك فى جزء من جاموسة بيدوسها لام الايتام
تجهيز الفتيات فى جمعيات متخصصة فيه
الايتام والارامل_روح رسالةاو كلمهم وهما هيدلوك ان شاء الله بس قولهم صدقة جارية
الف شكر يا جماعه جزاكم الله كل خير والدال علي الخير كفاعله وادعي ان ربنا يوفقني انفذ فكره حد قالها هنا علشان ياخد مثل الثواب
حضرتك ممكن تروح معهد الاورام و تعمل هناك وقف خيري سرير مثلا للمريض او جهاز تكلفتة 1500 جنية محتاجاة المستشفى و ربنا يجازيك خير
بس نصيحة بلاش موضوع ثلاجات المية دة و المساجد لانة كثر اوي و اعتفد شفاء مريض اجسن
ساهم بيهم فى بناء مستشفى ودار ايتام جمعية الرسالة اللى بتبنيهم فى المقطم وهى بتقبل التبرع باى مبلغ
اكتر فكرة عجبتنى فعلا بوتاجاز لجهاز بنت , لانه تقريبا من اهم اجهزة البيت و حاجة اساسية .
هي اسمها جمعيه الرساله ولا جمعيه رساله ...انا لقيت موقع لجمعيه رساله http://resala.org يا تري هي دي اللي تقصدها ؟
في جمعية الباقيات الصالحات عندك في شارع 9 في المقطم و صاحبتها الداعية عابلة الكحلاوي أنت ممكن تروحلهم و هما هايدلوك علي أفكار كتير و أسرررر كتيرة محتاجة المساعدة و ربنا يجازيك خيررر أنشاء الله
جزانا واياكم انا فعلا عمال افكر كان فيه جمعيه في المقطم لداعيه محترمه مش فاكر اسمها ايه ودخلت علي الموضوع لقيتك بتتكلم علي الجمعيه دي سبحان الله
الف شكر يا جماعه والله فعلا كما قال الرسول الأكرم الخير في امتي الي يوم الدين جزاكم الله كل خير
ممكن تساعد في في بناء جامع بلاش موضوع كولدير المية الساقعة ده عشان الامراض المنتشرة او فعلا تشارك في جهاز اي عروسة يتيمة او فقيرة بس اهم حاجة الصدقة دي تكون في مكانها يعني لو انت متعرفش ناس خلي اي حد يسألك ويكون واثق ان فعلا الناس دي محتاجة وتستاهل
و علي فكرة كانت لسة الداعية الجميلة عابلة الكحلاوي بارك الله فيها بتيدعي للمتبرعين لا نهم في الجمعية عاندهم أسررر كتيرة جدا محتاجة كذا حاجة زاي السرايرر و البطاطين علشان دخلة الشناء و في كذا واحد ربنا يبارك فيهم أتبرعو بكفالة أسرر بأكملها فأكيد المبلغ بتاعك هيساعيد كتيرر في الخدمات اللي هما بيقدموها و ربنا يجازيك خيرر و يكتررمن أمثالك
فى التليفزيون اعلانات عن صدقة جارية للمياه باسعار مختلفة صنبور واحد واثنين وثلاثة .. واعلان جمعية الاورمان من تجهيز البنات اليتامى وتسقيف البيوت وتوصيل المياه للبيوت المحرومة منها .. وجمعية رسالة التبرع بالملابس علشان العيد .. ومستشفى 57357 كفالة سرير . الأفكار كثيرة وتقبل الله منا ومنكم .
جزاك الله كل خير يا افندم فعلا تقبل الله منا ومنكم وانا فعلا دخلت النهارده علي سيت 57357
علشان اشوف كفاله السرير(كفاله السرير هو مبلغ شهري يدفع لكفاله سرير في المستشفي او بأدواته او السرير بأدواته بالتحاليل بالعلاج بالكامل وفيه جدول بالنسبه لكفاله السرير موضح لو دفعت مبلغ اد كذا شهريا هيتصرف في انهي مجال والناس تختار اللي يناسبها) او مشروع الوقف الخيري و المشاركه في اجهزه او معدات المستشفي
بجد حسيت اني معايا 5 قروش وعايز اتبرع بيها لان لقيت ما شاء الله والله اكبر فيه ناس متبرعه ب300 الف جنيه لبناء جامع المستشفي واللي متبرع ب100 الف جنيه لشراء جهاز واللي ب30 الف واللي ب50 الف ربنا يتقبل منهم ويجازيهم كل خير ده غير اللي متبرعين بمبالغ توصل للملايين ما شاء الله عليهم وربنا يتقبل منهم (فيه اجهزه علي سيت المستشفي ثمن الواحد 58 مليون جنيه مطلوب التبرع لشرائها)
المهم لقيت ان المبلغ اللي معايا بيتهيأ لي مش هقدر اتبرع بيه هناك كصدقه جاريه (اجهزه المستشفي المطلوبه دلوقتي بكل انواعها تبلغ تكلفه ارخص جهاز او اداه فيها حوالي 2000 جنيه) علشان كده قلت استشيركم وفعلا اتضح ان ممكن تعمل صدقه باي فلوس وفي كل نواحي الحياه مش لازم اجهزه طبيه غاليه نسيب دي للي يقدر عليها )) وربنا يتقبل من الجميع هي الفكره اساسا مش في مبلغ الفلوس بنسبه 100% ولكن الفكره في مبدأ الكفاله والصدقات والعمل الخيري نفسه بأي فلوس او مجهود وتقبل الله من الجميع يا رب
أفكار رائعة جزاكم الله خيراً عليها
عايز نصيحتي؟
57357 ناس كتير يعرفوها وبيتبرعوا ليها مش من مصر بس لأ ده من الدول العربية كمان
حاول تزور معهد الاورام كده وشوف ايه الاخبار
هتلااقي ناس محتاجة فعلا ومش لاقية اللي يتبرع لها وقائمة الانتظار هناك طوييييييييييلة
مش بقول ان الناس ما تتبرعش ل 57357
بس بالعقل
ممكن جزء في مستشفي الاورام او اي مستشفي اخري محتاجة وممكن جزء في 57357
وربنا يلهمك الصواب ويشفي كل مريض