الموضوع: الرخصة انتهت

المشاركة الأصلية كتبت بواسطة kemo0o

السلام عليكم
انا رخصة العربية انتهت وعاوز اروح اجددها
هل فيه شهر مهلة ولا خلاص اتلغى ولا ايه ؟؟ وبعدين عاوز اعرف الخطوات والاجراءات اللي هعملها

وهل حد يعرف النمر الجديدة نزلت بنها ولا لسه ؟؟ ولو حد يعرف ترخيص العربية 1600 مو 2008 سنتين أو سنة واحدة بيتكلف كام ؟؟

الرخصة كانت تصريح مؤقت ولا رخصة عادية؟
لو تصريح يبقى مافيش مهلة
لو رخصة عاجية يبقى ليك شهر سماح و بعدها هايحسب غرامة

الخطوات:
1-تروح على الخزنة تشتري ورق تجديد و فحص
2-تروح على كشك التصوير تشتري ملف وورق تجديد (غير الأولاني) و تصور بطاقتك صورتين
3- تملى النماذج اللي تقدر عليها
4- وإطلع على عامل البصمة عشان يرفعلك رقم الشاسيه و الموتور
5- خد الورق منه و وديه لمهندس الفحص عشان يمضي عليه و هايمضي على ورق الطفاية برضو
6- لازم تكون مطلع شهادة مخالفات
7- إطلع على شباك التجديد و قدم كل الورق ده في الملف هناك و هايعملك تقدير رسوم و ضرائب
8- تاخد الرسوم اللي هايقولك إدفعها (حوالي 700 جنيه لل 3 سنوات)
9- ترجعله تاني بالوصل
10- تروح على شباك إستلام النمر و تستنى من ساعة ل 19 ساعة حسب التساهيل...هتلاقيهم بنادوا عليك عشان تستلم الرخصة و الستيكر و النمر(لو متوفرة)

بس كده...براءة يا معلم

نادر باشا قام بالواجب .. انا بس هضيف إن المهلة دي مهلة للتجديد بدون غرامة .. إنما مش مهلة للتسيير
بمعني لو قابلت كمين و كان رخم ممكن يعملك مخالفة رخص منتهية .. لذلك جدد في أقرب فرصة .

مرة وفت ف بوابة طريق القاهرة الإسماعيلية وكنت سالف عربية من واحد وكان اليوم ده هو اخر يوم فى الرخصة بتاعة العربية لقيت الأمين بيوقفنى وبيقولى ده لنهارده اخر يوم ماجددتهاش ليه؟ طيب حانعملك مخالفه عشان تبقى تجددها قمت نازل ن العربية وانا معطل الطريق ورحت للظابط قام مزعق للأمين عشان معطل الطريق من غير لزمه وخدت بعضى وطرت انا

كل اللى اتقال تمام
بس الرخضه بتاعه حضرتك منتهيه وحتجدد فقط ولا فيه فحص
شوف الرخصه مكتوب فيها ايه
الرخصه حتى 9-2009 مثلا والفحص 2011
ولا الرخصه 9-2009 والفحص 9-2009

بالنسبة للنمر المميزة ...سمعت ان فيه والدخل للجهات الخيرية
سؤال باه....لو تجديد رخصة وتسجلها باسمك من غير فحص ايه الاجراءات ؟...وهل هايبص علي حاجة في العربية؟

انا رخصة القيادة بتاعتي انتهت 17 سبتمبر
ايه الإجراءات للتجديد؟ و الورق المطلوب؟
وهل لي مهلة و لا....؟