الموضوع: بالصور شيفروليه كروز - الأمريكية - من دايو موتورز الكورية

مع الاعتذار لمافيا

العربية في بورسعيد بـ140 للغرب (أقل من كده للحبايب)

و كاملة من كله (مش ناقصة هفوة)

و مترخصة ملاكي يعني مدفوع جماركها ..


مش هاقتنع ان التوكيل ما يعرفش ينزلها بالسعر ده على الأقل بالإمكانيات دي

للأسباب الأتية :

1 - هو توكيل يعنى هياخد العربية بخصم من الشركة الأم مباشرة <> تاجر بورسعيد شاريها فرداني من تاجر تاني في كوريا يعنى في مكسب زيادة في النص

2 - العربية لما تتشحن وسط 100 عربية مرة واحدة تكلفة الشحن بتقل عن ما تدفع لعربية واحدة

3 - منصور لأنه توكيل برضه بياخد خصم جمركي 15% غير متاح للأفراد

4 - منصور منزل العربية بموتور (((قديم))) مش بتاعها وده طبعا مالوش سبب غير ضغط التكلفة <> التانية جاية بموتورها الأصلي



طبعا هانقول ده توكيل و عنده مراكز خدمة و ضمان و كلام من ده

اولا : قطع غيار الكروز موتور و فتيس هاتلاقيهم موجودين أساسا في المخازن مش هايستورد جديد يعني

ثانيا : لو استورد جديد هو هايحطه ببلاش ولا من جيبه ؟؟؟؟؟ الضمان بتغطيه الشركة الأم وياريته حاطط ضمان 100 الف ولا خمس سنين حتى .

ثالثا : أي قطعة غيار خارجية للعربية هي سبوبة للوكيل و مكسب ممتاز (يعني ما تحسبهاش من المصاريف)





السبب الواضح وضوح العين اللي مش هاتعرف تدافع عنه ولا تخبيه

منصور مش قادر ما يكسبش كتييييييييير في العربية دي

هو كده ...حتى لو في منافس قوي ؟؟؟ أيوة هو كده

طب حتى لو كان رخصها أو كتر كمالياتها كان هايبيع أكتر ؟؟؟ أيوة هو كده


تقول ايه بقى ...كل واحد عقله مريحه

و الغاوي ....ينقط

المشاركة الأصلية كتبت بواسطة ahmed samy

السبب الواضح وضوح العين اللي مش هاتعرف تدافع عنه ولا تخبيه

منصور مش قادر ما يكسبش كتييييييييير في العربية دي

هو كده ...حتى لو في منافس قوي ؟؟؟ أيوة هو كده

طب حتى لو كان رخصها أو كتر كمالياتها كان هايبيع أكتر ؟؟؟ أيوة هو كده


تقول ايه بقى ...كل واحد عقله مريحه

و الغاوي ....ينقط

بالظبط كدا , منصور من اعلى هوامش الربح بين كل التوكيلات العاديه فى مصر

والعربيه لو نزلت كدا مكسبها مش هيكون كفايه بالنسبه له , فكره بقا انها لو بكماليات اكتر هتبيع اكتر وكدا معلش يا دكتور ده ولا غاوى ولا بينقط

ده اسمه غبااااااء تسويقى