تجربة تغير بلى عجل خلفى لنوبيرا 2008 فى الضمان
انا يا شباب لسة راجع من توكيل او الرواش دلوقتى حالا وقلت اقول لكم على تجربتى دى
اولا العربية كان فى صوت حاجة بتحك ورا طول منا ماشى (انا الاول كنت فاكر ان الكاوتش بيحك فى الكرتيرا ولا حاجة ) والصوت دة كان ورا يمين وبيروح احيانا مع الملفات الشمال وبيزيد مع الملفات اليمين
ثانيا : العربية بحس فيها بصوت خبطة فى العفشة ورا الناحية اليمين بردة
المهم دخلت على مهندس التوكيل (واحد جديد) كل مرة اروح الاقى واحد شكل قلتلة عايز اعمل صيانة 15الف وقلتلة على الكلام دة وبعد يجى ساعتين كدة رحت سالتة قام اكلم فى التليفون وقالى هنغير بلى العجل الخلفى فى الضمان والمساعدين كويسة مفيهاش حاجة بعد التغير صوت الاحتكاك دة راح بس لسة صوت الخبط الى ورا موجود بس مش خبط جامد بسيط
الملاحظات على التوكيل
1- رحتلهم الساعة 7 الصبح كنت رقم 4 وشيت من عندهم الساعة 1 الظهر
2- طلعوا جربوا العربية برة التوكيل بتاع 4 مرات و العربية عملت حوالى 20 كيلو لية معرفش وكانوا مشغلين التكيف ولا اكنها عربيتهم
3- دة بقة حاجة كويسة النمر عندى بتاعت العربية كانت معوجة وممكن تعور اى حد فكوها وعدلوها لوحدهم
4- دى بقة مصيبة بكل ماتحملة الكلمة كان فى حوالى 3.5 جنية فضة وريال فى الدرج الصغير الى جنب السواق ابنى خالتى قالى شيلهم قلتلة مين يعنى هيسرق كام جنية وفى رمضان الصبح كمان بعد ماستلمت العربية والحمد الله اتسرقوا والظريف فى الموضوع انة ساب الريال مكانة انا مش عارف الناس جرلها اية
وانا اسف جدا لو كنت كتب كتير وطولت عليكوا بس قلت اقوللكوا التجربة بتاعتى