الموضوع: شوية اسئلة عايز اعرفها قبل شراء الجيتا

المشاركة الأصلية كتبت بواسطة red_4_blood

هاي يا جماعة عندي كام سؤال كدة عشان ناويين ان شاء الله نجيب الجيتا

اولا ايه هي فئات الجيتا ؟؟

و كل فئة سعرها كام كماليتها ايه ؟؟؟

ايه احسن معرض ممكن اجيبها منو ... ( انا هجيبها فوري و كاش )


الفئة الاقل فيها جنوط كام ؟

هل الجيتا واطية ... يعني لو معايا 3 في العربية هتحك في المطبات ؟؟

اخر سؤال ... الكاسيت بيشغل ام بي ثري ولا لا .. و هل فيها فتحة يو اس ابي و ايه يو اكس ؟؟


شكرا جدااااااااا

شوف يا باشا انا هجاوبك على قد ما اقدر اولا فروق الاسعار بين الانواع المختلفه فى الكماليات مش عاليه اوى وفى جيتا خليجى وفيه جيتا توكيل

هما ثلاث فئات والله اعلم

base line ودى بيتبقى فاضيه من غير جنط ومفيهاش زينون ولا فتحة سقف

ودى بتبقى فيها كل حاجه ما عدا الفرش قماش مش جلد كراسى عاده مش كهرباء المرايات بتتقفل يدوى الطاره والطابلوه مش ابانوس الجنط 16 comfort line

high line ودى طبعا فيها كل حاجه تتمناها


الاسعار

base line start from 170.000

comfort line start from 185.000

high line start from 205.000

طبعا دى اسعار الجيتا توكيل


اما الخليجى سعر الكامله 2009 انا لسه شاريها 188.000 high line

بالنسبه للمعرض انا جيبتها من ناشيونال موتورز ودول ناس محترمه جدا

وبالنسبه للمطبات انا كان راكب معايا 3 وما شاء الله طلعت المطب عادى زى ما هو وبرضه ده بيعتمد على ارتفاع المطب (انا بتكلم على الخليجى وبتكون اصلا اوطى من التوكيل )

الكاسيت mp3 مفيهوش اى وصلات

المشاركة الأصلية كتبت بواسطة red_4_blood

هاي يا جماعة عندي كام سؤال كدة عشان ناويين ان شاء الله نجيب الجيتا

اولا ايه هي فئات الجيتا ؟؟

و كل فئة سعرها كام كماليتها ايه ؟؟؟

ايه احسن معرض ممكن اجيبها منو ... ( انا هجيبها فوري و كاش )


الفئة الاقل فيها جنوط كام ؟

هل الجيتا واطية ... يعني لو معايا 3 في العربية هتحك في المطبات ؟؟

اخر سؤال ... الكاسيت بيشغل ام بي ثري ولا لا .. و هل فيها فتحة يو اس ابي و ايه يو اكس ؟؟


شكرا جدااااااااا

كلامى عن التوكيل لأن عربيتى جبتها من التوكيل فرع العبور.

الأتوماتيك 3 فئات:
basic line: و دى فيها كل التجهيزات (ستيترونيك و تكييف ذو فتحة خلفية للمقاعد اللى ورا ) بس طاسات مش جنوط. الثمن 170.000

Comfort line: و دى تزيد على الفئة الأساسية حساسات ركن خلفى، و حساسات لضغط أطارات العربية، و مثبت سرعة، و عحلة قيادة Multifunction يمكن من خلالها نقل الغيار لو أنت مشغل الستبترونيك مانيول و رفع و خفض الصوت للراديو أو السى دى و ألغاء الصوت لو هترد على مكالمة تليفونية و أستقبال المكالمات فضلا عن زراير تعديل قوائم الكمبيوتر، كذلك جنوط اسبور 16) و فيه تجهيز البلوتوث بس مش راكب. الثمن 185.000

High line: دى تزيد عن الكمفورت لاين أطارات نيكل للأيواب و فتحة سقف كهربائية و أنوار ضباب زينون و ستارة للزجاج الخلفى و جنوط أسبور 17 و البلوتوث موجود فيها) و دى 205.000 (كان فيه منها ب 212.000 موديل 2008 لما أنا جيبت عربيتى كا نت المقاعدفيها جلد طبيعى بيج). بس أعتقد مش موجودة فى التوكيل دلوقت.

أما عن الخليجى ففئاته متعددة يصعب لى حصرها، بلاقى اللى فيها فتحة سقف و أنوار زينون و ضباب بس مش فيها حساسات الركن الخلفى و لا Multifunction steering wheel،و منها الكاملة اللى فيها كل اللى أنا قلته مع حساسات المطر و الأضاءة و مرايات ضم كهرباء، و منها ما هو أكثر أكتمالا بعدة التليفون المجهزة و الحساسات الأمامية ايضا، فواضح أن الخليجى فئاته متعددة جدا لا أستطيع حصرها.
عموما أنا ضد الخليجى على طول الخط فرغم جودة العربية الملحوظة أيش ضمنى يكون من نصيبى واحدة فيها عيوب صناعة و تقع فى نصيبى ماذا سأفعل و قتها و أنا مش معايا ضمان.

عن المطبات العربية فعلا واطية و لكن أنا بأحملها غالبا 5 راكب و شنط و لا احس بالمطبات لأنى تعودت الدخول عليها بالراحة و أخذها بمنتهى البطء (ده لا ينفى أن فيه مطبات غبية عالية جدا زى الجبل و هنا العربية أكيد هتحك من أسفل و لكن ده لا يحدث كثيرا).

العربية مجهزة بسى دى (لا يوجد كاسيت) و اللى عندى موديل 2008 لا يوجد بها USB و لا AUX، بس مش عارفة 2010 فيها و لا لأ لسه ما شفتهاش.
أرجو أن أكون افدتك و تحت أمرك فى أى سؤال.

العربيه فيها aux فى المخدع اللى فى النص ...

المشاركة الأصلية كتبت بواسطة islamaboelnaga

العربيه فيها aux فى المخدع اللى فى النص ...

+111

جيتا 2009 خليجي باسيك (من غير كماليات) من عند ناشيونال موتورز ب
159000
بل الشراء سألت كتير و اعرف ناس بتفهم في الميكانيكا و نصحوني بالخليجي لان مواصفات الامان افضل (تاني مواصفه بعد الاوروبي) كمان التهويه و تبريد الموتور افضل و الدهان بيستحمل الحراره . فوق كده فيها حساسات ركن خلفي و زجاج ملون و جنوط اعرض و فوج لايت كمان ارخص من التوكيل ب10000 جنيه. ولو ان الوكيل عربيته فيها كاسيت و تكييف احدث و حساب استهلاك الوقود بالتفصيل.
بالنسبه لموضوع الضمان الكل اكد ان الجيتا نادرة العيوب و مفيش خوف منها كمان المعرض مديني ضمان ضد عيوب الصناعه (سنه او 20000 كم)

السلام عليكم ورحمة اللة وبركاتة
يا ريت يا جماعة لو حد عندة معلومات عن الجيتا التربو 1400 .. من حيث افضل معرض بيبعها وكمان نزل منها موديل 2010 ولا لأ ... ومن حيث الكماليات والسعر ... وشكرا لكم وكل عيد وانتو طييبين

المشاركة الأصلية كتبت بواسطة maamska

جيتا 2009 خليجي باسيك (من غير كماليات) من عند ناشيونال موتورز ب
159000
بل الشراء سألت كتير و اعرف ناس بتفهم في الميكانيكا و نصحوني بالخليجي لان مواصفات الامان افضل (تاني مواصفه بعد الاوروبي) كمان التهويه و تبريد الموتور افضل و الدهان بيستحمل الحراره . فوق كده فيها حساسات ركن خلفي و زجاج ملون و جنوط اعرض و فوج لايت كمان ارخص من التوكيل ب10000 جنيه. ولو ان الوكيل عربيته فيها كاسيت و تكييف احدث و حساب استهلاك الوقود بالتفصيل.
بالنسبه لموضوع الضمان الكل اكد ان الجيتا نادرة العيوب و مفيش خوف منها كمان المعرض مديني ضمان ضد عيوب الصناعه (سنه او 20000 كم)

انت متاكد من مصداقيتهم...

المشاركة الأصلية كتبت بواسطة maamska

المعرض مديني ضمان ضد عيوب الصناعه (سنه او 20000 كم)

طيب سؤال بعد الشر لو طلع فيه عيب من عيوب الصناعة (و أنا أتفق معك أنه نادر) ممكن تقول لى المعرض اللى أداك الضمان هيعمل لك ايه و اين سيتم الأصلاح و من اين قطع الغيار و من سيدفع ثمنها و هل يملك المعرض فنيين مدربين على اصلاح القولكس......مجرد اسئلة؟؟!!