الموضوع: كل الناس بتكرهنى ......وانا مش غلطان......

المشاركة الأصلية كتبت بواسطة walidadel

والله انا كنت عايز اضيف حاجه للناس الجميله اللي اتكلمت دي
هيا ان انا بردوا زيك بس بلبس عادي في واحد صحبي زي كده بردوا بس بيلبس ايييييييييه تحس انه رايح يغني في حفله والله
الطخن مش عيب و مش الحاجه اللي تداريها بلبس الكويس و البرفان النظيفه الاصلي مثلا لان اللي مليان هتلاقيه باين كده و الناس واخده بالها منه
حاول تبقي بسيط في كل حاجه هتحس انك بني ادم عادي
دي حاجه الحاجه التانيه خالي عندك ثقه في نفسك حكاية انك مليان دي مش سبب لاي حد يقولك كلمه بايخه علي فكره ممكن تكون معزه و خوف عليك اصله في المستقبل هايبقي وحش علي الصحه
و لما حد يقولك كده فعلا زي ماقالوا احرجوا بادبك قوله ياعم انت هاتقر علشان مش لاقي تاكل كده يعني خاليييك ظريف و اضحك مع اللي يقولك كده حسسه انه اهبل لانه بيعلق عليك كده
و بعدين ياخي يعني هما الرفيعين زياده عننا في ايه ماشيييين بيضربوا مدافع :f_eyeb1[1]:

بخصوص الرجيم و كده انا بقي استاذ في الموضوع ده حاولت اخس مرتين و الحمد لله الحمد لله فشلت فشل ذرييييييييييييييع
اول مره عملت فيها السبع رجاله و قولت هاروح و اعمل و الرياضه و بتاع روحت لواحد ورا المريلاند شوف كان بيعفأني 3 ساعات كل يوم لمدة شهر و واجبه واحده بس في اليوم و خسيت 10 كيلوا بس و كنت في ثناويه عامه ارجع زي الخروف من التعب انام لحد تاني يوم اصحي اروحلوا و هكذا لحد مازهقت و فشلت كانوا اغلي 10 كيلوا خاسيتهم الصراحه ب 350 جنيه
ثاني مره قالك نظام غذائي بقي و هاتخس وانت قاعد في البيت و نص ساعه مشي بس قولت زي الفل خسيت 40 كيلوا تمام بس خالي بالك لما خسيت كنت ضعيييييييف اووووووووي اللي هو كنت تايهه كده و مش مركز في حاجه و جسمي هامدان و مش قادر اشيل حاجه و اجي اشيل كرسي احس اني شايل جبل و اجي ارفع حاجه مش قادر و بتاع خالي بالك الطخن عموما بيدي عزم كده فلما تخس هاتبقي ضعفان لدرجة اني و الحمد لله عملت حادثتين موووووت في مدة شهريييييين بس و طلعت سليم منهم الحمد لله لمجرد اني سايق مش مركز و خالي بالك بردوا نظام الريجيم لازم يكون معاه فيتامينات و الحمد لله بطلت و رجعتهم تاني
ثالثا بقي اللي ماشي فيها دلوقتي بقالي 4 شهور الجيم و ساعات مشي نص ساعه مع نظام غذائي عادي (تحديد كميات و سلطه و كده ) التمرين ساعه الا ربع بس و المدرب فاهم ازاي يخسس واحد مليان اينعم انا خسيت 10 كيلوا في اربع شهور بس انا ورايا اييييييه ولا العروسه مستنيه ولا حاجه اينعم الموزز بيساوموني دلوقتي علي اني اخس بسرعه بس يعني اخس براحتي علشان مرجعهمش تاني
و علي راي المثل " اللي يخس بسرعه يرجعهم تاني بسرعه بردوا " لانك لو ماشي علي نظام غذائي مانت محروم ياعيني من الاكل هاتبقي مستني اليوم الفري دا بفارغ الصبر و ايه تقعد تفرتك فييييه كميات اكل فظيعه و لو بطلت هاتقعد تاكل كتير مانت بقالك كتير مابتاكلش فهاتعوض بقي لازم حجم المعده يصغر مع الوقت علشان تتعود علي كميه اكل صغيره
و ربنا يثتب اقدمي في الموضوع ده و الحمد لله بخس و بابني جسم و صحتي كويسه الحمد لله و دي مهمه
حاجه اخيره ماتلعبش في البيت اي رياضه ليييييييييه بقي
ممكن يوم تكسل و هاتبقي عزيمتك في الاول كويسه و بعدين هاتقل تدريجيا و في الاخر هاتوصل لمافيش الرياضه تبقي في الهواء كده او مع حد يسليييييييك اومال هما الصحاب فين رووح اشتغل واحد صحبك كده قوله تصدق شكلك طخنان شويه ماتيجي ننزل نمشي سوا نتفرج علي الناس و كده
و ممكن ممكن يعني لو حضرتك قريب من ميدان الف مسكن تبعتلي علي الخاص و نروح الجيم سوا
ولو عايز اي حاجه في الرجيم ممكن تستشيرني لاني حاسس اني بقيت خبره في الموضوع ده :u_thin1[1]:
اوعي تفتكر ان قلة الاكل تخسس او الرياضه الكتييييييييير تخسس

معلش طولت عليك بس انت اللي جيت علي الوتر الحساس و لامؤخذه

ايه يا وليد الكلام الكبير ده انا بقي جنبك في منشيه التحرير انت بتروح جيم فين

ابقى مرمغ نفسك في الطين قبل ما تقابل حد
وقولهم أيه رأيكوووووووووو !!!!!!!!!!!!!!!!!!!!!!!!!!!!!!!!
فككككككككككككككككككككككك
انت كدا تمام وزود ثقتك في نفسك واللي مش عاجبو يخبط دماغو في أي حاجه
او اقولك ابقى اخبطهالو انت (خلي معاك قلل كتير عشان تكسرها )

مافيش انسان مغرور ومتكبر وبالأوصاف اللى انت قلتها دى ويحكى اللى انت حكيته
يعنى ايه الناس بتكرهك ؟؟ هيقطعوا عنك الهوا ؟ مش هيأكلوك ؟؟ مش هايشربوك ؟؟ انت عايز ايه تانى
معلش سامحنى لو بصيت للناس يبقى انت عايش عشانهم نصيحه لو انت عايش لنفسك وبتدور على نفسك ومستقبلك حد فى دماغك ان مافيش بنى ادم على وجه الكره المستديره ( قصدى الكره الارضيه ) يقدر يفيدك بشيئ او يضرك بشيئ
انا زيك بالظبط وصلت فى مره بنت وقفتنى فى الشارع وبتقولى ايه التناكه دى وراحت بصالى من فوق لتحت وماشيه !!!!!
اتاريها معجبه ياعم وعماله تلف وتدور عشان اكلمها وانا منفض عشان مش فى دماغى الكلام ده
سبحان الله تنفضلهم يقولوا عليك تنك وشايف نفسه تعد تكلم دى ودى ودى يقولوا عليه بتاع بنات
ولا الشباب اللى بيحاولوا يجروا شكلى بأى طريقه والسبب بيغيروا انى انضف منهم وبحب الشياكه والمظهر الكويس دايما وطبعا اسباب تانيه كتير لكن ايه يعنى ولا كأن حاجه بتحصل ولا حد يقدر يعطلنى عن اللى عايز اوصله
قصه اللبس والشياكه دى شيئ طبيعى وماحدش يقدر يكلمك فيها
انا عندى شبشب بقالوا شهرين ولا تلاته ماعديتش بيه رصيف الشارع على طول كوتشيات
لما بنزل اغطى العربيه بلبس بنطلون وتيشيرت
عادى يعنى ماتحطش فى دماغك ونفض وخليك بارد ده للأسف احسن اسلوب تتعامل بيه دلوقتى مع الناس ...

المشاركة الأصلية كتبت بواسطة MoToRiZeR

انا أتفق و أختلف مع justs

أتفق معاه بأنك المفروض تاخد بالنصيحة و تنزل الجيم و تهتم بصحتك و وزنك بس لنفسك عشان تحس بشعور أحسن جسدياَ لأن الرياضة فعلاَ بتفرق و بتحس بنشاط و تفتيح في جسمك غير عادي .

بس متحاولش تستمد ثقتك في نفسك من شكلك و جسمك .. أصل اما تلاقي حد كان بيتريق عليك .. أو بلاش .. مكنش مهتم بيك قبل ما يبقي جسمك رياضي .. و فجأة بقي مهتم بعد ما بقيت رياضي و جسمك مشدود .. فا هتحس إن .. إيه ده خلاص دلوقت بقيت كويس ؟ طب ماهو انا نفس البني أدم بنفس الصفات .. بس اللي قدامك مكلفش خاطره إنه يعرفك معرفة كويسة و إكتفي بالمعرفة السطحية .. متهمتش بحد مش قادر يشوف أكتر من جسمك و شكلك .

حرر دماغك من موضوع الشكل و الجسم ده .. إهتم بنفسك بس متبتنيش ثقتك بنفسك عليه .. خلي ثقتك بنفسك مستمدة من شخصيتك .. الجسم و الشكل ده مجرد packaging فيه وراه كتير .. و خلي بالك الجسم الكويس لا يضمنلك الثقة بالنفس برضه .

تسمحلي أحييك عالرد ده
أنا كمان قريب من جسر السويس يا ريت نعمل مجموعات من كذا منطقه و نروح نضرب اللي بيزعلو الراجل صاحب الموضوع ههههه لأ بجد نعمل مجموعات تروح تتدرب معا بعض نروح نجري أي رياضه يا رب حتي نصطاد سمك

احنا كده تلاته من جسر السويس
walidadel +
hamedo0
+TIMODAX

كن كالمسمار لاتزيدك المطرقة الا ثباتا