كل الناس بتكرهنى ......وانا مش غلطان......
انا هادخل فى الموضوع على طوول
انا كل الى اعرفهم من اصحاب او اقارب (مفيش حد كويس ابدا معايا) بيقولوا عليا مغرور ومتكبر وكل يوم التعليقات بتزيد ولو رديت عليهم يقولو قلة ادب ولو سكت خالص يقولوا اصلة مغرور
المشكلة انى انا مش مغرور ابدا وطيب جدا بس انا باهتم بنفسى فى اللبس والهدوم يعنى لو كنت رايح السوبر ماركت حتى لازم اكون لابس تمام والبرفان والساعة والجيل ووو.... وطبعا كلهم بيقولوا عليا مغرور لانى شايف نفسى وواثق من نفسى وكلهم بيتكلمو عن ثقتى الزيادة بنفسى (مع انى تخيين جدا ومخنوق والثقة ضايعة نهائيا ) انا بس كل الى فيها انى بحب اهتم بشكلى ومظهرى وكل خروجة عندى مهما كانت لازم اكون فى احسن شكل مش اكتر وهما بيترجموا الموضوع دة على اساس انى عاوز اظهر احسن منهم مع انى فهمتهم الموضوع وقلتلهم انا بحب النظام والى عاوز يعمل زىى يعمل انا مامنعتش حد يقولولى لا دة انت الى فاكر نفسك جاى من المريخ وارجع واقولهم الى مش عاجبة يخبط راسة فى اى حيط يقولولى شفت انك مغرور
حتى فى التجمعات العائلية والافراح باسمعهم بيتكلموا عليا ومن كام يوم خالتى كانت جاية لينا زيارة فى البيت وانا استقبلتهم وكنت لابس ومتشيك لقيت اولادها (قبل ما يردوا السلام) انت لابس كدة لية انت رايح فرح....و بعد ما وصلتهم كنت نازل اجيب هدوم العيد فقالولى انهم كمان رايحيين يجيبوا هدوم العيد فخالتى قالتلى تعالا معانا ورحنا وانا باشترى الهدوم يفضلوا يعلقو تعليقات سخيفة زى
هوة بيقيس كل حاجة لية دة لو وزير مش هايقيس كل الهدوم (وانا لازم اقيس الهدوم قبل ما اشتريها مش هاخدها بالشبة يعنى )
وزى مثلا : يابنى انت مش عندك هدوم كتيير ارحم نفسك بقا (مع انهم مش ناقصهم حاجة والحمد لله وعندهم بدل العربية 4 موديل السنة اللهم لا حسد)
وزى: انت بتدقق قوى فى الهدوم كدة لية ماتكونش رايح تشتغل ممثل ولا حاجة ( قلتلهم انا هاشترى الهدوم دى ولا هاشحتها مش لازم اعرف انا اشتريت اية)
وحاجات كتيييييييير لدرجة انى ماشتريتش غير تيشيرت بس وروحتهم ورجعت جبت باقى الحاجة لوحدى
وعلى فكرة بس مش خالتى واولادها بس دة كل الى يعرفونى بيقولو كدة
انا عاوز اعرف هوة انا الى غلطان ولا هما بس انا عمرى ما كلمت حد بطريقة وحشة اوى حتى بصيتلة بطريقة مختلفة انا كل الى عندى انى بهتم بشكلى بس مش اكتر ...عاوز اجابة انا غلطان ولا لا ؟؟؟