الموضوع: باسم الحرية.. مغاربة يروجون (جماعيا ) للجهر بالإفطار

المشاركة الأصلية كتبت بواسطة cairo2005

والله يا اخي لما كتبت راي مشابه في موضوع الداخلية وملاحقتها للمجاهرين بالافطار واحد من الاعضاء اتهمني اني مندوب عن الداخلية وانى مش بفهم وان الكلام معايا جدل عقيم وانه مش هيلف الموضوع يقراه علشان يعرف يرد عليا مع انه كان بيتهمني انى مش قاري الموضوع واتضح انه له راي ولازم يفرضه واي مخالف يبقي عميل للداخلية وغيرها من الالفاظ التي يعف اللسان عنها
هقول ايه ربنا يهدي الجميع

و الله انا مازلت باقول ان اللي الداخلية عملته حق اريد به باطل
و ربنا يستر
و ما يكنش اللي الداخلية عملته ده عشان يدي حجة لبداية نفس الحملة الحقيرة عندنا هنا
انا كنت باقول اني مع الموضوع ده ان اتطبق صح بحيث ما يظلمش حد
و بعد ما قريت الخبر ده
فانا بقيت مع القانون ده بصورة أشد


ربنا يرحمنا من اللي الصلاة و الصوم ما يلزموهمش دول

المشاركة الأصلية كتبت بواسطة motorizer

لو ده حقيقي يبقي الدولة بتفرق بين مواطنيها حسب دينهم و ده ضد الحرية
لأن المجاهر بالإفطار في الشارع ده إنت متعرفوش .. إنت شايف واحد بياكل و خلاص

متعرفش هو مسلم .. مسيحي .. ملوش ملة .. ده بالنسبة للمجتمع المفروض يكون واحد ماشي في الشارع بياكل .. و بس
دينه إيه و هو بيطبقه ولا لأ .. ملناش دعوة .. إحنا مش في السعودية

و إلا يبقي أي أجنبي مفسد في الأرض .. لأنه ماشي ياكل في الشارع .. طب الأجنبي و باين علي شكله إنه أجنبي
إنما إزاي واحد فاطر في الشارع بيشجع الناس تفطر ... و هي الناس تعرف منين إنه مسلم أصلاَ ؟!
هل ماشي شايل لوحة و بيقول يا جماعة انا مسلم بس فاطر رخامة بس !

الكلام ده لو إنت في دولة إسلامية 100% مبيدخلهاش غير المسلمين .
إنما طالما بلدك فيها عقائد غير الإسلام .. و فيها أجانب .. و فتحت في شوارعها محلات الخمرا و الكباريهات و ختمتلها التصاريح بختم النسر .. متجيش تقول اللي فاطر مفسد في الأرض ! لأن اللي عامل القانون و بينفذه أصلاَ مفسد في الأرض .

و بلاش نتكلم عن لعب الساسة بالدين و خدمة الدين للسياسة عشان ده موضوع طويل و ممل .

انت ليه مصمم انك متقراش ردودنا على رايك ومصمم انك تكمل حتي لو وضعنا ضوابط
قلنا ان
وطبعا علشان تطبق العقوبة لازم المفطر يكون مسلم وعاقل وبالغ وله اهلية وليس له عذر شرعي في الافطار

وطبعا مش هطلب من المفطر يمسك لوحة يقول فيها دينه ايه
المفروض ان اي حد يتقبض عليه كمفطر يتم معرفة ما اذا كان مسلم ام لا ومعرفة ما اذا كان هناك عذر شرعي لديه للفطر ام لا
غير ذلك يكون مجاهر بالمعصية ومخالف كمان للقانون الوضعي ويجب عقابه
ولو مش عاجب الناس المعترضة ان يتم العقاب لانه امر سماوي خلاص يتم العقاب لانه امر القانون ويجب طاعته
واي مقيم في الدولة يجب عليه احترامه والا توقع عليه العقوبة زي بالظبط ما اي حد مقيم في الغرب ملزم بطاعة قوانين الغرب ايا كانت حتي لو بتتعارض مع معتقداته الدينية زي المسلمات في فرنسا وباقي اوربا اللى القانون بيمنعهم يدرسوا وهما محجبات عاجبهم عاجبهم مش عاجبهم يعاقبوا وبالقانون
ولا احنا نحترم القوانين اوي ما دامت قوانين من وضع بشر
ونحترم القوانين اوي لو كانت غربية او لو كنا في بلد غربية
انما القوانين الالهية نقول كل واحد حر وحرية شخصية
وحتي القوانين الوضعية ما دمنا في بلدنا نخالفها
ومحدش يقول الناس كلها بتخالف القانون كل واحد يبدا بنفسه الاول
وعلى فكرة بخصوص اخواننا المسيحيين والله ملتزمين جدا او دول الى اعرفهم بانهم لا يشربوا ولا ياكلوا في رمضان بشكل علني وكتير اشتغلت مع مسيحيين في رمضان كانوا لو واحد منهم عايز يشرب كوباية مية ولا سيجارة يروح ابعد مكان علشان ميضايقش حد فبلاش نخليهم حجة المسلمين الذين يتعمدون الافطار جهرا بما في ذلك من تحدي ومعصية لاوامر الله ورسوله بالصيام