اول 4 سيارات مصرية التصميم !!!

**MOSHAKS** · 17-09-2009 01:32 AM

هو احنا كده فى البلد ديه مبعجبناش حد بشغل دماغه ومبنئدروش
و الكلمة المعتادة (هو احنا هنفهم اكتر من الخواجه) وهو ايه الخواجه مش شخص زينا ليه عقل بيفكر ووينتج بس الفرق ان فى موارد متاحه ادامه وهما بره بينموه ويخلوه يطلع كل اللى عنده علشان يبئو هما فى الطليعه
انما احنا هنا ماشين ورا التلفزيون والكليبات والموبايلات نادرا اوى لما تلائى حد بيفكر فى شئ اكننا ترس فى ماكينه ليه عمل محدد معندوش طموح انه يبئا ترس اكبر واقوى و وهو ده احد اسباب تخلفنا ولو كلامى كان غلط مكنش زويل وغيره خلعوا بره
لانهم لائوا اللى يئدرهم
فبدل منئول كلمة حلوة ليهم وربنا معاكم ونتمنى ليكم مستقبل باهر لا نئولهم ديه نسخ مقلده وى وى وى ونصب عليهم حمم احباط
اللى عنده كلمة حلوة يئولها واللى معندوش يسكت احسن على الاقل هما احسن من غيرهم كتيييييييييييير مبيعملوش حاجه
وعايشين كالموتى
مني ليهم خالص التقدير والاحترام وربنا يعوض تعبكم خير وكفاية انكم رفعتم اسم مصر فى بعض المنتديات والصحف واثبتوا للعالم اننا لسه عندنا القدره اننا تفكر ونبدع ومش اقل من حد والمشوار بيبدأ بخطوة

**dr-mohamed** · 17-09-2009 02:01 AM

المشاركة الأصلية كتبت بواسطة blazer

اولا السلام عليكم
ثانيا انا كنت عملت موضوعين عن الموضوع دا
وللأسف التجاوب من اعضاء المنتدى مكنش زى ما كنت متوقع اللهم الا من بعض الناس القلائل اللى اهتموا بلموضوع وشافوه بدايخ جديده او بارقه امل لبدء مشروع صناعه سياره مصريه
ودى اللينكات
الموضوع الاول
http://www.nilemotors.net/nile/76258-a.html
الموضوع التانى
http://www.nilemotors.net/nile/86922-a.html
ثالثا بقى ودا الاهم
انا من الكليه دى "فنون تطبيقيه دمياط "
وشاهد على كم الجهد والتعب والتفكييييييير والفلوووووس "140 الف جنيه تقريبا ما تم صرفه على ال 4 عربيات"اللى اندفعت فى العربيات دى
يجى حد من الاعضاء الكرام ويقول انهم سارقين التصميمات
حضرتك بقى بتقول الكلام دا على اساس ايه
سهرت معاهم تعب سنه كامله على العربيات دى من اول ما كانت تصميمات على ورق لحد ما بقت عربيات كامله وبتمشى -مرورا بلهياكل الخشب والنماذج المصغره والتعديلات على المواد الخام اللى هيتم استخدامها و على التصميم -
لو لاقيت عربيه زى دول ياريت سيادتك تجيب صور ليهم
او حد قبلهم عمل الفكره دى فى افريقيا او الشرق الاوسط حتى
ياريت بدل اما نهاجل و نتكلم عن ناس زى دول اجتهدوا و شغلوا دماغهم لحد ما عملوا كدا نبقى نفكر قبل كدا
طلاب الكليات التانيين فين منهم
ياريت حد يجاوبنى -مع الاحترام الكامل ليهم طبعا - الطالب منهم بيخرج الكليه ى ماهو يمكن بس بيكتسب حبه خبرات فى شرب السجائر و الاكتئاب المزمن
انما دول مصممين مبدعين
على الاقل كل عربيه من العربيات دى متكلفه مواد خام 35000
35 الف جنيه
خمسه وثلاثون الف جنيه مصرى
يعنى كل طالب دافع حوالى 7000 جنيه مصرى

وهل التعب والمجهود والفلوس كمان مسروقه اذا كان اصلا الكروز مكانتش طلعت ايام التصميمات دى ما اتحطت !!!
انا مش شايف اى تشابه بين العربيات اللى اتصممت والعربيات اللى حضراتكم بتذكروها
يعنى على كلامكم شركه نيسان سارقه فانوس البومه
والنيو سيراتو سارقه فانوس السفيك

بحييكم على مجهودكم في فنون تطبيقية دمياط وانا معجب جدا بشغلكم بجد واتمني انك انت وزمايلك اصحاب التصميمات تبقوا من كبار مصممي السيارات مش في مصر بس لا في العالم كله ان شاء الله
ومتزعلش لما حد يقول ان التصميم مشابه لتصميم عربيات تانية كل العربيات دلوقت بيبقي فيها حاجات شبه بعضها و دي شركات ما بالنا بطلبة لسة
وللاسف مشفتش موضوعاتك دي قبل كدة لكن شفتها في موقع تاني فيه واحدة من المصممين عضوة فيه

**Mosmafa** · 17-09-2009 04:53 AM

هو الموضوع مش سرقة و مش تريقة ومش كل حاجة وحشة بتتقال
الموضوع ببساطة ان الشغل ده شغل تنفيخ
والمشروع الصح انك تاخد حاجة تعدلها لاحسن
تغير في ايرو ديناميكس بتاعة عربية مثلا
تغير في حاجة تأثر على اداء العربية في الموتور في العفشة
بحيث التعديل ده يتكتب باسمك مش تركب شوية فبر و شوية فوانيس وتقول انا عملت ديزاين
ده اسمه شغل تثبيت وضحك على العقول
ما تروحو لاسلام مشهور ولا الناس الجامدة دي
هتلاقو بلاوي سودة متعدلة شكل بس على كده الراجل ده يبقى عبقري و جبار و ما اتخلقش زيه في مصر
الموضوع قديم و العربيات شكلها مش جامد
وايه المانع لما نعمل ورش تظبيط تبقى جامدة و تبقى ماركة مجرد ان اسمها يتحط على عربية اتعدلت فيها
زي البينا (بي ام) ولا نيسمو (نيسان) مثلا يعني
لوجو البينا لو اتحط على بي ام تبقى البي ام دي حاجة وهمية لانهم مزودينلها باور و ايرو دينامكس واسمهم محفوظ بعيد عن بي ام

**Mosmafa** · 17-09-2009 04:56 AM

ديزاين مصري تعديل مش تصميم

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 700x525 .

**blazer** · 17-09-2009 05:22 AM

ياسلام على التعديلات!
اسمحلى
تعديل ايه وديزاين ايه !
هو تركيب الجنوط و الدوكو والزجاج الفاميه بقى تعديل !

**mohamed777** · 17-09-2009 05:24 AM

اية الحلاوة دى
انا عندى ال 127 أرحم منهم ....هم كتر خرهم الصراحة بس مش للدرجادى

**Terrible_DaRsH** · 17-09-2009 05:29 AM

عادى لما يصمموا عربية من دماغهم و تفكيرهم و تطلع شبه عربيات مشهورة .

مادام مش تقليد يبقي مفيش مشكلة.

**Mosmafa** · 17-09-2009 05:45 AM

ياسلام على التعديلات!

اسمحلى
تعديل ايه وديزاين ايه !
هو تركيب الجنوط و الدوكو والزجاج الفاميه بقى تعديل !

هو مش ده اللي في الخير الاساسي
؟؟!!!!!!!!!!!!

جايبين 28 ومركبينلها جنوط وفبر وفوانيس وقالك ده او ديزاين مصري في التاريخ
ده هو هو اللي انا حاطط صوره على سبيل المثال مش الحصر
ان هو هو اللي عملوه بس شكله احلى بمراحل و ماخدش ال 140 الف جنيه و السنة
تعب وسهر و الكلام الحماسي بتاع الاتحاد الاشتراكي الشغل الحلو والله اشجعه لانه فيه فكر
لكن بجد انا لاني بفهم في العربيات على ادي يعني ان الشغل ده اسمه تعديل (تظبيط) ترويق ( ترويش)
اختار اللي يريحك في دول

**eslamrace** · 17-09-2009 08:20 AM

يا جماعه هما يشكروا على اللى عملوه المفروض بقى يكون فى تعاون بينهم وبين كليه الهندسه عشان شغل الميكانيكا و بعدين يراعوا الامان ومقاومته العربيه للهواء والانسيابيه وبعدين يبدا التصنيع وعند التصنيع يبقى مصر صنعت عربيه

-

الموضوع: اول 4 سيارات مصرية التصميم !!!

LinkBack

أدوات الموضوع

عرض

-

-

-

-

-

المواضيع المتشابهه

--- يبقي انت اكيد فتوكيل وشركة سيارات مصرية تتجاهل الشركة الام من اجل المالـــ----

عيب فى التصميم ولا تهيوأت ؟

تغرم شركة سيارات مصرية كبرى 70 الف جنيه

مواقع سيارات مصرية

الكلمات الدلالية لهذا الموضوع

المفضلات

المفضلات

ضوابط المشاركة