بسم الله الرحمن الرحيم
شكرا لناقل الموضوع ولكل الردود سواء المشجعه او الناقدة
وشكرا لزميل الكلية اللى قدر يرد عننا
لكن عندى ملحوظة صغيرة ،،احد اللى نقدوا الموضوع وقال : ني بفهم في العربيات على ادي يعني ان الشغل ده اسمه تعديل (تظبيط) ترويق ( ترويش)
اتمنى محدش يحكم بفهمه هو لان مجال العمل تخصصات يا باشمهندس وحضرتك مشفتش بنفسك عشان تقدر تحكم ولو التصميمات مش عاجبه حضرتك دى حرية شخصية والسوق ملىء بالتصميمات ،،،كل شخص
وله ذوقه الخاص بيه
اما حكمك على انها معدلة او زى ما قلت تنفيخ فانا اقدر اعرض صور لمراحل المشروع من اول ما كان شوية ورق بنختار منهم تصميم مناسب للبيئة نقدر ننفذه،،،وتانى هقول مجال العمل تخصصات الحمدلله ربنا قدرنا نعمل تخصصنا وذيادة عن تخصصنا لاننا نفذنا لحد ما شفنا العربية قدامنا بتمشى بدون اى مساعدة من حد والحمدلله
واتمنى من اللى بينقدوا انهم لو قادرين يوفروا امكانيات تطلع نتيجة افضل من اللى قدرنا نوصلها بامكانياتنا الذاتية يبقى كتر خيرهم اوى،،لكن لما يكون فى شباب قدروا يعملوا حاجه بمجهوداتهم الذاتية وحسابهم الشخصى المفروض ما يقابلهمش احباط وترجعوا تقولوا مصر عمرها ما هيبقا فيها صناعة محلية
انا بلاحظ اصلا كلمة مستورد بقت محل ثقه،،،مثلا لما مصانع السيارات فى مصر بتستورد استمبات التصميم من الخارج بنفقات عالية وتجمعها هنا،،،ولما يكون قدامنا طريقه نعمل بيها استمبات فى مصر ونصنع هيكل سيارة من الداخل والخارج بتكلفة قليلة جداااااااااااااااااا يبقى ايه الافضل؟
الافضل بقى،،،،،،،احنا فريق متخصص فى تصميم وتنفيذ بتكلفة قليلة،،،شجعوا فريق متخصص فى الاجزاء الميكانيكية ينضم لينا وساعتها نقدر نعمل سيارة مصرية 100% ويكون عندنا حرية فى التصميم اكتر من اننا كنا بنصمم على اساس الامكانيات المتوفره فقط
وشكرا جداا لكل اللى قدروا تعبنا وشجعونا
جزاكم الله خيرا
____________________________
أهلا بحضرتك فى نايل موتورز
اللون الاحمر مخصص فقط للمداخلات الإدارية
مشــــــــرف عام - 2