تقبل الله صيامكم بإذن الله .. نويت إن شاء الله أشتري عربية ومعايا 70 ألف .. ومحتار أشتري إيه .. إيه العربية الأكثر إعتمادية وإمكانيات في الفئة السعرية دي ؟
وشكرا لأعضاء نايل موتورز الكرام
تقبل الله صيامكم بإذن الله .. نويت إن شاء الله أشتري عربية ومعايا 70 ألف .. ومحتار أشتري إيه .. إيه العربية الأكثر إعتمادية وإمكانيات في الفئة السعرية دي ؟
وشكرا لأعضاء نايل موتورز الكرام
انت ايه احتياجاتك و متطلباتك في العربية ؟؟
- بتسافر كتير أم مشاويرك كلها قصيرة و داخل المدينة
- عايز صالون واسع لعائلة كبير أم انك بمفردك أو عائلتك صغيرة
- احتياجك للشنطة الخلفية كبيرة أم صغيرة
- هل بتفكر في البيع بعد فترة أم انها سيارة للمدي الطويل
- هل بتهتم بالشكل الخارجي
- عايزها هاتشباك و لا سيدان
- الكماليات المطلوبة (اوتوماتيك - abs - air bags- زجاج كهرباء - مرايات كهرباء)
و أخيرا في حدود السعر اللي حددته أرشح لك العربيات التالية (زيرو) :
- لانوس
- لوجان
- بيكانتو
- سيريون (80000 جنيه)
- بونتو
و لو مستعمل بحالة ممتازة :
- نوبيرا
- النترا (الشكل القديم)
ده اللي في دماغي دلوقتي و شوف برضه أراء الاخوة
و تقبل خالص تحياتي
شكرا لسرعة ردكما
أنا عايز عربية زيرو .. شكلها مقبول - سيدان - لو حبيت أبيعها مثلا بعد 5 سنين تكون سهلة في بيعها وجيدة في سعر البيع
انا ارشحلك الرينو لوجان وهى عربية جيدة جدا فى فئتها السعرية ومنتظر لها انتشار كبير جدا سعر
اعادة البيع لسة موضحش نسبتا الى ان العربية لسة جديدة والمستعمل فيها نادر
وارشحلك اللانوس وهى عربية جيدة واقدم فى السوق المصرى من اللوجان وحتى الان سعر
اعادة البيع للانوس جيد جدا
غير العربيتين دول فى الفئة السعرية دى منصحكش بحاجة تانية وعشان الموضوع ما يتقلبش لمقارنة
بين اللانوس واللوجان ويبقى حاجة مكررة شوف الموضوع دة
http://www.nilemotors.net/Nile/89433-a.html
حتستفاد جدا من الموضوع دة
وربنا يرشدك للاختيار الامثل واى استفسار انا تحت امرك
على فكره اللوجان عربيه كويسه جدا
شوف البرسونا الهاف اوبشن
اللانوس تكسب طبعا عربية روعة وقطع غيارها رخيصة وسعر اعادة بيعها معقول وكل الميكانيكية تقريبا بيعرفوا يصلحوها