شراء تلفزيون lcd محتاج مساعده

**amir** · 16-09-2009 10:42 AM

السلام عليكم
ناوي ان شاء الله اشتري تلفزيون 32 بوصه lcd
ممكن الناس الفاهمه تنصحني بالماركات ما بين الماني مجمع في الصين و صيني و خلافه من الماركات المتوفره بالمحلات و برضو فيه سوني (و ان كان بسعر اغلي طبعا مع العلم انه صيني برضو)
و لو ممكن اماكن البيع في مدينه نصر
و شكرا

**Mohamed.Ramah** · 16-09-2009 05:51 PM

سونى وباناسونيك والى جى وسامسونج دول افضل حاجة عاوز تشوف اطلع التوكيلات الموجودة فى ستى ستار وشوف اية الانسب ليك وعلى قد ميزانيتك وقارن

**Sherif Khalifa** · 16-09-2009 06:05 PM

حضرتك هتشغل علية اية ؟

**kareemhisham** · 16-09-2009 06:19 PM

الموضوع و ما فيه ,, انهم فى المحلات بيبقوا مشغلين على التلفزيونات افلام من جهاز DVD high definition عشان كدة حضرتك مش هتحصل على الصورة البتشوفها فى المحل غير :

1- لو بتتفرج على جهاز DVD .. و بردو لازم يكون فيه مخرج HD و تكون عندك الوصلة (تمنها حوالى 130 جنيه)

2-او يكون عندك ريسيفر فيه مخرج HD و القناة كمان تكون HD

طبعا من افضل الانواع .. السونى و الباناسونيك و السامسونج ..

انا جبت واحد سونى 32 بوصة HDMI من كارفور تمنه 5000 جنيه

و دة لينك هيساعدك

http://www.nilemotors.net/Nile/95202-a.html

**mr_kenawy** · 17-09-2009 05:47 AM

لو سمحنوا عايز توضيح لموضوع الهاى ديفينشن ده , و امثلة للرسيفر الهاى ديفنشن , و لو الرسيفر هاى دفنشن هيدينى صورة بجودة الهاى ديفنشن فى كل القنوات و لا لازم القناة ذاتها تكون هاى ديفنشن , و ايه امثلة القنوات اللى على النايل سات هاى ديفنشن؟

**Ahmed_Gadalah** · 17-09-2009 06:00 AM

السلام عليكم
معذرة في السؤال يعني ايه hd?

**shico_aveo** · 17-09-2009 07:57 AM

hd اختصار لكلمة هاى ديفيناشن وهى تقنية حديثة تعطى حجم صورة كبير يتناسب مع الشاشات الوايد سكرين يعنى الشاشة lcdtv تعتبر تقريبا اربع أضعاف مساحة كادر التلفزيون العادى وان الكاميرات hd بتصور بنفس الحجم وعشان كدة الصورة من على dvd عالية الجودة لأنها تم تصويرها بتقنية هاى ديفيناشن ومن الريسىفر جودة منخفضة بسبب ان كادر التلفزيون العادى مفروض على مساحة lcdtv فيحث فقد فى جودة الصورة ومعظم القنوات الأجنية على النايل سات هاى ديفيناشن مثل dw ونوع الوصلة من الجهاز للريسيفر لها عامل كبير فى جودة الصورة

**CryptonX** · 17-09-2009 10:54 AM

بصرف النظر HD او لآ .

نصيحة اخوية ابعد كل البعد عن الماركات المجهولة .. عن تجربة .

ماركات مثل : JAC - Caira - PLUTO - KONIKA - NOKIA EGYPT - UNIVERSAL - FIVE STAR

و كل ماهو عك من القبيل ده .. نصيحة ابعد عنهم . اولا فرق السعر مش جامد حتلافيه 400 - 500 جنيه .

ثانيا صورتهم اذا كانت HD او عادية زي الزفت و الالوان زي الزفت .

طبعا الماركات المعروفة احسن ,و باختصار Samsung / Sony
لان دول اكبر مصنعي LCDs في العالم .

انا اشتريت Samsung 32 بوصة Series 4 تقريبا ب 4150 بعد ماعانيت مع ماركات مثل الي ذكرتها فوق .