تفـاصيــل إفطـــار البروتـونــاويــه الثـــانــى -رمضــان 2009-

**Ayman_52** · 16-09-2009 03:48 PM

السلام عليكم ورحمة الله وبركاته
------------------------

احلى صبــاح على احســن بروتوناويـــه

ايه الاخـــبار ؟؟؟ إن شاء الله كل حاجه تمام

----

يـــوم الاثنيــن - 14 . 9 . 2009 -

كان يوم تجمع الإفطــار الثــانـــى البروتونى ....

تم التحضير لليوم من تحديد المكان والزمان وتاكيد البروتوناويه للحضور - خلال يومين فقــــط -

----

الاتنين الساعه 3 عصرا ...

كان م. احمد فتحى .. اول الواصلين ... ولاول مره ... اوصل بدرى ويكون -ايـــمــن- ثانى الواصلين

.
.
.

-: المهم :-

روحت انا وا. احمــد ... المطعم اللى كنا حاجزين فيه -اورينتــــال- مدينة نصـــر

ودخلنا نعمل اتشيك على باقى الحاجات ... وبعد كده روحنا عند حديقه الطفل لانتظار باقى البروتوناويه ...

.
.
.

هيثم وصل ... وبعده ا/مصطفى صديق ... ثم كريم باشا ... ثم مهاب باشا ... وا/وليد فيصل وزميله من دمياط ... ثم جارجرين باشا ... ثم ميدو عبد العال من الاسماعيليه ... ثم ا/احمد رجب .... وقبل المغرب بربع ساعه وصل إسلام باشا وزميله من الاسكندريه .

ضبطنا نفسنا ... وعملنا جلسه تصوير مع العربيات ...

وكعاده الناس كانت طول ماهى ماشيه عماله تبص .. وعلامه الاستفهام على وشها

واللى يركن على جنب ويسالنا خير ياجماعه !!!!!!

----

وانا كنت خايف لنتمسك ولا حاجه ... !!!!!!

لان كان فى دوريه شرطه واقفه جنبنا ... وطبعا -عبد العال- مش متوصى ومعلى الكاسيت عالاخر بالحاجات الغربيه اللى بيشغلها دى... وانا اقوله يا بنى اقفله بدل مايجيوا ويمسكونا تجمهر فى الطريق العام وازعاج ... ؟؟؟؟؟؟؟؟

بس الحمد لله عدت على خير .. وروحنا بالسلامه

.
.
.

-: المهم :-

الادان ادن علينا .... وعلى طول طلعنا عشان نفطر ...

وكان المطعم حلو ... واكله كويس ... الا -المهلبيه الجيلى- اللى جبهلنا فى الاخر دى

----

وطبعا اكيد ... ميدو مشاكل مش هيعدى القعده من غير مايتحفنا بحاجاته الغربيه ... لقيناه بيطلع شنطه العجايب بتاعته وبيفتحها

وطلع منها ... مودم صغير تقدر تتكلم بيه دولى ببلاش بــ 150 $ ( بس هو قالى انه هيدهولى ببلاش بمناسبه عيد ميلادى)

وطلع اليكتريك كده وقعد يلعب بيه طول القعده ... غير التى شيرت اللى بينور ... وغيـــــــــــره

.
.
.

اكلنـــا وحلينــــا مهلبيه بالجيلى ... (وطبق كبيــــــــــــــــــر حلويات شرقيه)

... وحسابنـــا ونزلنـــــا

و فى اكتر من بروتونى مشى عشان يصلوا ...

واتبقى حوالى 6 روحنا قعدنا فى كافيه لحد 11 كده .... وقعدنا نتكلم فى كل حاجه ... ومافيش حد الا وجبنا فى سيرته (نمينـــا كتيـــر)

ومن ثم انطلق كل واحد على بيته.

----

بجد كانت قاعده جميله ... وبسيطه جدا ... وانا كنت مبسوط جدا

بشكـــر كل البروتوناويه اللى حضروا ... واللى لغى عزومه عنده او جه من محافظه مخصوص عشان نتقابل

----

ومعلش ياجماعه لانى مانزلتش توبيك ... بس اصلا الموضوع جه بسرعه ... ومالحقتش انزل توبيك بالتفاصيل

----

المهم ... انا اتكلمت كتير ... اسبيكم مع الصـــــور .....

---------------------

تصـــويـــر :-

الفنـــان : مهـــاب , الفنــــان : هيثــم , الفنـــــان : احمــد فتحــى
--------------------------------------------------------

.
.
.
.

**Ayman_52** · 16-09-2009 03:49 PM

.
.
.
.

تحيــــــــــــــــــــــ ـــــــاتـــــــــــــــى

**damasry** · 16-09-2009 03:59 PM

ما شاء الله تجمعاتكم دايما جميلة.
ربنا يديم المودة والحب بينكم.

**أحمد كمال** · 16-09-2009 07:21 PM

بجد بجد يا أيمن

انت برنز ...... و الله العظيم برنز

و قسم بروتون ده قسم جامد تنين

**densfog** · 16-09-2009 08:22 PM

ايه ياعم ايمن مالك مصورلنا عربيتك ولا كأنها ميريام فارس ولا علشان انتى المنظم يعنى

, وليه تفكرنى بطبق المهلبيه الجبار وطبق الحلويات الشرقيه اللى كان قطره متر ونص كده تألب عليا المواجع

, بس سيبك انتى كان يوم زى العسل بصراحه وناس كلهم فخور انى اتعرفت عليهم وان شاء الله تتكرر

.... وبالمناسبه انا اتعلمت حاجه مهمه من اليوم ده ان ماينفعش واحد اسمر وحليوه زيى يلبس تيشيرت اسود حتى لو كان بتاع بروتون لأن النتيجه زى مأنتوا شايفين فى حته ضلمه فى الصوره موصلهاش فلاش مش بنى ادم واقف

_ عامه الواحد مبيتعلمش ببلاش ... الله ينور يامون والله

**gagareen** · 16-09-2009 08:59 PM

كانت مقابله حلوه فعلا واحسن حاجه ان الواحد اتعرف على ناس محترمه كان نفسى اتعرف عليها من زمان بس ظروف السفر اللى كانت مش ملائمه مع مواعيد المقابلات السابقه

ان شاء الله تتكرر تانى وتحياتى لكل الناس اللى حضرت المقابله: ايمن - ميدو - مهاب - هيثم - احمد فتحى - محمد صديق - أأ حمدى - دينسفوج - كريم - وليد

تحياتى للجميع

**jisso82** · 16-09-2009 10:11 PM

المشاركة الأصلية كتبت بواسطة mohamed_3abdel3al

اخيرا يا وديييييييييع كل دا علشان تنزل التوبيك يا راجل دا انا قولت انك بتخترع توبيك جديد ..... بس بصراحة كانت مقابلة ممتازة

هى كانت مقابلة حلوة بس هنقول إيه فاتك انت الخناقة اللى كنا هنعملها فى الكافيه بعد ما مشيت
يا الله الحمد لله على كل شىء و أهى عدت على خير

**jisso82** · 16-09-2009 10:25 PM

و فى صور متاكلة كمان يا أيمن على فكرة يعنى عاجباك أوى العربية بتاعتك تنزلها 4 صور لوحدها و الصورة بتاعة ميدو ما تنزلهاش
حسبى الله و نعم الوكيل فيك و فى المهلبية و فى طبق الحلويات الشرقية الكبييييييييييييييييير و فى الكافيه و الويتر الرزل

-

-

الموضوع: تفـاصيــل إفطـــار البروتـونــاويــه الثـــانــى -رمضــان 2009-

LinkBack

أدوات الموضوع

عرض

تفـاصيــل إفطـــار البروتـونــاويــه الثـــانــى -رمضــان 2009- - انشر الموضوع فى :

-

-

-

-

-

المواضيع المتشابهه

البروتـونــاويــه أيـه رايكــم ... غمــره ولا العبــور ؟؟؟؟

فطــــار قســـــم رينـــــو في رمضــان - 2009

-:: تفـاصيــل المقـابلــه البــروتـونــاويــه رقــم (5) ::-

الكلمات الدلالية لهذا الموضوع

المفضلات

المفضلات

ضوابط المشاركة