العربية لوالدى
المبلغ فى حدود 170000 جندى فالفورد هاتكون اخر فئة و الفانتزيا اول فئة
لازم توكيل فمحدش يقول خليجى
مشوار معظم ايام الاسبوع من المعادى للقرية الذكية
رجاء من الى يختار يقوللى السبب
فما رأيكم دام فضلكم
عرض للطباعة
العربية لوالدى
المبلغ فى حدود 170000 جندى فالفورد هاتكون اخر فئة و الفانتزيا اول فئة
لازم توكيل فمحدش يقول خليجى
مشوار معظم ايام الاسبوع من المعادى للقرية الذكية
رجاء من الى يختار يقوللى السبب
فما رأيكم دام فضلكم
لو عايز الاداء المتميز فورد هاى لاين عن تجربة مش هتعرف تركب اى عربية بعدهاااا
انا من راي الفنتازيا
انا كمان محتاج نتيجة المقارنة دي بالرغم من اني ميال للفورد شوية علشان الفارق السعري و لأن
تابلوه الفوكس و تجهيزاتها الداخلية روعة و باين فيها لمحة فخامة الالماني
- فورد جيا اس ال بي (165000 جنيه)
تتميز ب (4 وسادة هوائية - فرش جلد - سخان كراسي - فتحت سقف - جنوط سبور - ستائر ابواب خلفية -فتح و اغلاق الزجاج من الريموت )
القوة(حصان/ لفات المحرك):119/6000
العزم(نيوتن.متر/لفات المحرك):155/4180
ناقل الحركة:ستربيترونيك-4سرعات
- abs + ebd.
- مرآة داخلية ذاتية التعتيم.
- فوج لايت.
- جنوط 16 إنش.
- حساسات مطر.
- مخرج كهربائي 12 فولت.
- تكييف تتش.
- ريموت كنترول للفتح و الغلق و فتح الشنطة.
- حساس لإضاءة الأنوار اوتوماتيكيا.
- مثبت سرعة.
- باركينج سنسور.
- 8 سماعات للفورد
بحب شكل الفورد
لكن الكماليات فى صالح الفنتازيا
وكمان
سعر اعاده البيع والعمر الافتراضى
الفتازيا لان الاسكودا عربيات جامدة جدا واعادة بيعها سلسة جدا
احب اقول ان احنا مش هانبيع العربية ابدا
العربية بنعد عندنا للابد
لو الحال كدا يبقي خليييييييك في الفورد ...
وكيل محترم نسبيا
قطع غيار معقولة جدا
اداء ممتاز
تجهيزات و كماليات متطورة
تشطيب داخلي و خارجي فخم و مريح
و فوق كدا عامليين عرض دلوقت لتقسيط 50% من ثمن السيارة علي سنتين بفائدة 2% او علي سنة بفائدة 0%
كل ده في مقابل
سعر اعادة بيع منخفض نسبيا (و ده عيب انت مش حتتعرضله كما اشرت سابقا)
علي فكرة بيعملو تست درايف للراغبين في الشراء ... نصيحة روح جربها و شوف بعدها
جرب العربيتين لأن المقارنة صعبة فعلاً
العربييتن تحفة .
بس أنا لو مكانك أدفع فى الفورد والأوبشنز الأكتر. كفاية انى يوم ماشترى ...أشترى حاجة محترمة وأعلى حاجة فى الفئة.
يعنى مش يادوب راكب دى أو دى
honda civic اعلى فئه حاجه مشكله مشكله عربيه من الاخر
إسمحلى سيفك برة المقارنة دى لأن المنافسة أوروبية قوية والسيفيك مش هتقدر على المنافسة دى لأن بمنتهى البساطة سواء الفورد أو الفانتازيا أحسن من السيفك فى الرفاهية وجودة الخامات والأمان والمتانة والعمر الطويل والعفشة القوية والصاج التقيل و و و ، أما مميزات السيفك تنحصر فى الشكل الشبابى والتسارع القوى وإستهلاك بنزين أقل ، فى رأيى اليابانى الوحيدة اللى ممكن تنافسهم هى السوبارو عشان نظام الدفع فقط لا غير
بالنسبة للمقارنة ده رأيى :
الشكل: الإتنين 10/10 من الداخل والخارج ، تابلوه الفورد يتميز بنواكل حول العدادات وشكل الكروز كنترول والدراعات تحفة ، أما الفانتازيا إضاءة العدادات ممتازة والشاشة حجمها جميل والكاسيت الجديد بشاشة 2 دين فرقت جامد فى الشكل وزودت الإحساس بالتكنولوجيا
الموتور : الفورد أقوى بس مش عامل حاسم فى المقارنة لأن الفانتازيا بتعوضه فى الجيربوكس
الجيربوكس : الفانتازيا أفضل بكتير وممكن يبقا عامل حسم لأنه 6 سرعات أمامية يعنى الموتور دايماً شغال على عدد لفات منخفضة = عمر طويل للموتور وإستهلاك أقل وكمان ستيبترونك زيه زى الفورد
متانة الصاج : أعتقد الإتنين كويسين جداً ، أنا شخصياً شوفت حوادث للسكودا تقول إن العربية دى حديد وشوفت كمر حديد خلف الإكصدام الخلفى والأمامى وده مطمئن جداً فى الحوادث الصغيرة اللى دايماً تحصل فى الإشارات ، ممكن السكودا تبقا أفضل
الأمان : الإتنين مواصفة أوروبى وآمنين بشكل كويس
العفشة ، عفشة الفانتازيا هى الجيتا والجولف يعنى تقريبا نفس الأداء والثبات ، عفشة الفوكاس بتاعة مازدا3 وفولفو s40 تقريباً ، أعتقد الإتنين ثابتين كويس ، بس عيب عفشة الفورد إنها باينة من ورا العربية بشكل مستفز يحسسك إن العربية مرفوعة لفوق بس هى مش مرفوعة ولا حاجة ، وعموماً ده مجرد عيب شكلى
إستهلاك البنزين : متقاربين ومش عامل حسم
التسارع : متقاربين ومش عامل حسم
إعادة البيع : الفانتازيا أفضل كتير
الوكيل : الفورد أفضل
الإنتشار : الفورد أقل بكتير = برستيج أعلى عند اللى بيفهموا ! ولكن قطع غيار خارج التوكيل أقل
فتحة سقف : الفورد فيها ، الفانتازيا لأ
الكماليات : الإتنين مليانيين بشكل مايخلكش تسأل هم فيهم إيه !!
الإرتفاع عن الأرض: الإتنين مناسبين جداً لمصر
حجم الشنطة : الفانتازيا أكبر
إتساع الصالون : ماركبتش الفوكاس بس الفانتازيا مش واسعة أوى من الخلف
البرستيج بشكل عام لدى العامة والمرور وانت داخل كمين مثلا : الفانتازيا توحى إن صاحبها باشا أكتر من الفوكاس ! وبالتالى ممكن يقصر معاك ويلم الدور أكتر !!
نمط القيادة : أعتقد الفوكاس أنسب فى الزحمة والمدينة عشان الموتور الأقوى = طلعات أنشط ، أما الفانتازيا هتبقا أجمل فى السفر عشان الغيار الخامس والسادس هيريحوا الموتور تماماً من غير حرق ولا دوشة
أنا لو هحط نفسى مكانك هفضل 3 سنين أفكر ومش هعرف أجيب أنهى فيهم !!
بس انا سامع ان الاستهلاك فى الفورد عالى شويةاقتباس:
إستهلاك البنزين : متقاربين ومش عامل حسم
رأيى فانتازيا ..
اوسع
افخم
و اثبت
و برستيج اعلى
و اسمع عن وكيل فورد كلام مش تمام
على عكس وكيل سكودا الى انا مجربه بنفسى
ده غير ان قطع غيار الفانتازيا هتبقى اسهل فى الوصول اليها من الفورد و ممكن ارخص كمان بسبب انتشارها ....!!!!
والله اعلم
شكرا يا استاذ سامح علي المقارنة المتميزة ...
و عن نفسي .. انا ارجح الفورد فقط للفارق السعري و لتكلفة قطع الغيار
نظرا لأن سعر الفورد الهاي لاين (slp) = الاوكتفيا بييزلاين
و لو سني اكبر 5 سنين بس كنت اخترت الاوكتافيا
سكودا فانتازيا تحفة بجد
و علي فكرة هذا هوا تابلوه الفانتازيا
http://www.nilemotors.net/uploads/Sk...via-2009-3.jpg
و هذا هوا تابلوه الفورد
http://www.ford.co.uk/cs/BlobServer?...442&blobkey=id
http://www.ford.co.uk/cs/BlobServer?...251&blobkey=id
مع العوامل والاحتياجات الى قلتها فورد :11:
ربنا يوفق
i agree with honda
honda is the best
buy honda we ed3eli
the only thing i advice to change in honda is the brakes .
شكرا يا باشا على رأيك بس انا بحب الاوربى بساقتباس:
i agree with honda
honda is the best
buy honda we ed3eli
the only thing i advice to change in honda is the brakes
اللي ما ركبش أوربي يبقي ماركبش عربيات
الفورد و الفانتازيا متقاربين في حاجات كتير
بس في السعر لأ
يبقي المقارنة محسومة .. أعلي فئة طبعا في الفورد بدون كلام
و علي فكرة نسب الترس الرابع في الفوكس زي الأخير في الفانتازيا .. يعني و انت مسافر واحد
بس الصوت و الاستهلاك يعني يمكن يبقي أحسن في الفانتازيا
بس الموتور في الطلعة متواضع جدا ياجماعة .. دي من أقل ال 1600يات أمام الفوكس من أعلي ال 1600 يات
فورد و طظ حتي في إعادة البيع لو كنت حتبيع .. اشتريت الميجان و أجمل عربية كيفتني و ممكن ابيعها السنة الجاية بفرق 20 % عن مثيلاتها بس كنت متكيف و مبسوط و برستيج 5 سنين قصاد .. واحد من الناس !
العربيتن حلوين بس خلى بالك الفورد فوكس شكلها حيتغير
Google Image Result for http://pictures.topspeed.com/IMG/crop/200811/next-generation-ford_460x0w.jpg
تما شكل الاوكتافيا فحيغير فى 2012
خد بالك
أنا طبعا أفضل الفورد ... مش بقبل الأوكتافيا قلبا و قالبا ...