هل فى علاج لتقل الزجاج الكهرباء فى القفل؟

**akramlail** · 16-09-2009 05:50 PM

السلام عليكم انا عندى الزجاج الكهرباء بتاع السائق بقى بطئ وتقيل فى القفل وصوت المكنة عالى بعكس التانى هل دة لية حل واقدر اعملة بنفسى عشان كرهت الصنايعية قوى وبالنسبة للسنتر ساعات يعلق بمعنى لما اجى اقفل بالمفتاح الابواب كلها تفتح ما عدا اللى بقفلة والعكس اجى افتحة كلة يقفل اضطر اقفلهم كلهم بايدى وممكن اكون سايق قلاقية قفل لوحدة اظاهر فى عفريت واسف على الاطالة

**samirayad** · 16-09-2009 07:40 PM

بالنسبه لتقل حركة الأزاز داخل الجوان بتاعه
حاول وأنت منزل الأزاز على الآخر
تفتح الجوان من بعضه ورش بودرة تلك من بتاعة الأطفال داخل المجرى
وطلع الأزاز ونزله كذا مره وجرب

وبالنسبه لموضوع السنتر
شوف كهربائى كويس يراجعلك على الدايره الكهربيه

**ehab1eg** · 16-09-2009 08:59 PM

موضوع بودرة التلك ده فعال فعلا وحل جامد
اما بالنسبه للسنتر ياريت تراجع بطاريات المفتاح لانه غالبا انتهت

**waleedrahmy** · 16-09-2009 10:53 PM

وممكن نقطتين زيت يضبطوا الدنيا برضه

**ENG\AHMED** · 17-09-2009 12:57 AM

المشاركة الأصلية كتبت بواسطة akramlail

السلام عليكم انا عندى الزجاج الكهرباء بتاع السائق بقى بطئ وتقيل فى القفل وصوت المكنة عالى بعكس التانى هل دة لية حل واقدر اعملة بنفسى عشان كرهت الصنايعية قوى وبالنسبة للسنتر ساعات يعلق بمعنى لما اجى اقفل بالمفتاح الابواب كلها تفتح ما عدا اللى بقفلة والعكس اجى افتحة كلة يقفل اضطر اقفلهم كلهم بايدى وممكن اكون سايق قلاقية قفل لوحدة اظاهر فى عفريت

واسف على الاطالة

رش مجارى الزجاج ب wd-40 وفك فرش الباب ورش على الماكينة من جوة وعلى اى مفصلات فيها واقفل وافتح كذا مرة علشان الاسبراى يمشى فى كل الاماكن

بالنسبة للسنتر ممكن تكون سلكة مهزوزة

**Strong** · 17-09-2009 06:40 AM

الزيت وال wd40 هيبوظوا الدنا في الحركة لأنهم الإتنين هيخلوا حركة الزجاج سريعة جدااااااااا وكويسة وممتازة بس في الأول بس وبعدين هيلموا ترب وهيتحولوا لمادة صمغية واللي مش مصدق عندي الإزاز بتاعي باب منهم مكنش راضي يتحرك وأدمن الwd40 ، وكان كل أسبوع على الأكثر لازم أرش عليه الwd40 لغاية لما خليت الراجل في البنزينة يغسل الضلفة ببنزين علشان المادة الصمغية تروح

أفضل حل إنك تشوف وتحاول تلاحظ المكان اللي بيتقل فيه وهتلاقي فرش الباب معاكس معاه روح عند كهربائي ووريه المكان هيعملهولك في دقايق

**akramlail** · 17-09-2009 12:12 PM

يا جماعة مفيش مكان معين بيتقل فية هوة تقيل بس لما بيقفل مع الفتح سريع وتمام وصوت المكنة اعلى من التانية اما السنتر انا معنديش ريموت فى المفتاح انا مش فاهم هوة السنتر دة لة علاقة بالكهرباء؟؟وهل لما اقفلة من نحية السواق من جوة مش المفروض محدش يعرف يفتح الابواب التانية من جوة بردة زى الاطفال او كدة انا عندى اى باب يفتح و يقفل زى متكون فيات وشكرا على اهتمامكوا

**mohelmy** · 17-09-2009 04:45 PM

الزيت وال wd40 هيبوظوا الدنا في الحركة لأنهم الإتنين هيخلوا حركة الزجاج سريعة جدااااااااا وكويسة وممتازة بس في الأول بس وبعدين هيلموا ترب وهيتحولوا لمادة صمغية

+111111

**abzoabzo** · 17-09-2009 10:03 PM

ده مشكلة جامدة ومعقدانى مع انى بنظف مكن الازاز بنفسى

هجرب بودرة التالك شايفها كلام سليم

الزيت فعلا هيلم تراب بعد فترة بسيطة وده لطبيعة الطقس فى البلد