ايه هى الجامعات اللى فيها صيدله خاصه هنا فى مصر ؟؟

**m7nsh** · 16-09-2009 06:20 PM

السلام عليكم يا جماعه
كنت عاوز استفسر من حضراتكم على حاجه
واحده معرفه كانت راجعه من الخليج و جايبه 96 ونص و ملحقتش صيدله (التنسيق نتيجته لسه امبارح باينه )
المهم هى عاوزه تدخل صيدله خاصه
ايه هى الجامعات اللى فيها صيدله خاصه هنا فى مصر ؟؟
وايه اخبار الدراسه فيها ؟و المصاريف ؟ و الناس عاملين هناك ازاى خصوصا انها بعيده عن القاهره فالموضوع هيكون فيه سكن ؟ يعنى لو حد اتعامل فى الجو ده عن قرب ياريت يقولى
و اسف لوكنت طولت على حضراتكم
و شكرا مقدما على ردودكم و تفاعلكم :)

**Eslam.Elrefaey** · 16-09-2009 06:32 PM

بس أنا إبن خالى فى صيدلة جامعة سيناء وهى تقريبا أفضلهم حتى الآن وأفضل من 6 أكتوبر دى فى شمال سيناء تبع صاحب قناة المحور لسه جديدة هيا عامة جامعة حلوة وعلى البحر وكده بس أنا مشجعهاش تروح هناك لأنها مش هيبقى فى رقابة بس لو هتروح هيا حرة بالنسبة للدراسة شرح حلو فى العريش من غير مذاكرة بتنجح فى 6 أكتوبر بتسقط وبيبقى فى سمر المادة بتاع 10 بواكى والترم تقريبا عامل 30 ألف وفى سكن جامعى هناك فندق وهيا منطقة شبه حية وده تقريبا تقييم لجامعة سيناء أما لو 6 أكتوبر ممكن أفيدك برده بس إنتا أطلب وأقلى وأنا أقولك على كل الحوارات

**Islam_galal** · 16-09-2009 06:32 PM

في جامعه فاروس في اسكندرية
السنة بـ 35000 جم تقريبا
و توجد في اسكندرية بيوت مغتربات كتير بس لا أعرف أسعارها

**m7nsh** · 16-09-2009 06:51 PM

eslamvip2008
متشكر جدا ياباشا ,, بس قصدك ايه ان مفيش رقابه هناك فى سينا ؟ و هى مكانها فى العريش و القعده فى فنادق ؟
و ياريت تكلمنى شويه برده عن 6 اكتوبر و لو فى غيرهم معلش عارف انى بتقل عليك بس ده من العشم يابن بلدى :))
=====
شكرااااا لرد حضرتك يا Islam_galal
لو حضرتك عندك فكره برده عن نظام الدراسه هناك ياريت تفيدنى

**Terrible_DaRsH** · 16-09-2009 07:56 PM

MIU

Misr International University

**أحمد كمال** · 16-09-2009 08:02 PM

يا خبر اثود

خمثة و تلاتين باكو في الثنة؟؟؟؟؟؟؟؟

**asbeats** · 16-09-2009 08:17 PM

وفيه جامعة مصر للعلوم والتكنولوجيا
ودي جنب مستشفى دار الفؤاد
المستوى التعليمي فيها متميز جدا وعايزة مذاكرة ناااااااااااار لأنهم بيتهروا امتحانات طول السنة

المصاريف اظن 25 الف وثابتة طول الخمس سنين

وعندك
جامعة الأهرام الكندية

**okacha** · 16-09-2009 08:19 PM

الله الموفق بس بالنسبه للجامعات عن تجربتى انا فى 5 طب بشرى بالنسبه ليا و لزمايلى افضل جامعه خاصه من حيث الاعتماديه و الاعتراف بها فى الخارج هيا جامعه 6 اكتوبر و دى ملحق بها فندق بحوالى 12 الف فى السنه و مصاريف صيدله حوالى 30000الف و السكن للطالبات سهل جدا حول الجامعه لأنها منطقه حيه جدا و المستويات فى الجامعه مختلفه (يعنى الرك على اللسان الحلو و التعامل الكويس و الصحبه الكويسه) غير كده الجامعه ممتازة من حيث اساتذه التدريس و الامكانيات و نظم الامتحانات و برضه فى سمر كورس فى الصيف و الماده ب 1000 جنيه و و و و و ... الكلام كتير و اى تفاصيل انا تحت امرك ,و بالنسبه لكليات صيدله فى جامعات خاصه اخرى فى msa بتاع نوال الدجوى فى اكتوبر و فى جامعه مصر للعلوم و التكنولوجيا برضه فيها صيدله برضه فى اكتوبر و فى الجامعه الالمانيه ....بس فى الاخر برضه افضلهم من وجهه نظرى جامعه 6 اكتوبر و بالتوفيق..

**د.أحمد سمير** · 16-09-2009 08:44 PM

جامعة مصر الدولية الأفضل من كل الوجوه .. لكنها صعبة في الدراسة جداً للطالب العادي
امتحانات مستمرة وتكليفات كل يوم ..
جامعة 6 أكتوبر جامعة محترمة ويستطيع فيها الطالب أن يدرس ويعيش حياة جامعية في الوقت ذاته
والاتنين اشتغلت فيهم وعارفهم كويس
جامعة الأهرام الكندية كذلك جامعة محترمة ومتطورة
الجامعة الألمانية
جامعة مصر للعلوم والتكنولوجيا كويسة جداً وأقل منهم في الفلوس

جامعة mti جامعة جديدة ولسه لم تختبر
جامعة msa مفيهاش دراسة ومش هاتعجبك

جامعة فاروس وجامعة سيناء جامعات تسعى لاكتساب مكانة ولسه الطريق قدامها شوية
وأنا معاك في أي استفسار
تقبل خالص مودتي

الموضوع: ايه هى الجامعات اللى فيها صيدله خاصه هنا فى مصر ؟؟

LinkBack

أدوات الموضوع

عرض

ايه هى الجامعات اللى فيها صيدله خاصه هنا فى مصر ؟؟ - انشر الموضوع فى :

-

-

-

المواضيع المتشابهه

الكارينز فيها البتوعتين اللى فوق دول اللى عاملين زى الشبكة

يا رب زيل الغمه اللى احنا فيها ديه

ايه العربية الصغيرة اللى فيها Abs

اية العربيات اللى فيها توربو؟؟؟؟؟؟؟؟؟؟؟؟؟؟

هام جدا لمالكى سيارات هيونداى و خاصه الجديد اللى عامله فوق العشرين

الكلمات الدلالية لهذا الموضوع

المفضلات

المفضلات

ضوابط المشاركة