الموضوع: لو انت عضو جديد لازم تدخل قبل ما ترد على اى موضوع ...مهم

الى الامام يا نايل موتورز

فية ناس كتير بتتدخل تتصفح المواضيع وتخرج بدون صوت والى عاوز يعرفهم (يكون تاريخ تسجيلة فى المنتدى قديم ومشاركاتة قليلة جداا وتواجدة كتيير) وبعتلهم على الخاص وسالتهم وكانت معظم اجابتهم انهم مابيعرفوش يعملوا اية فيسجلوا علشان يشوفوا المواضيع بس مش اكتر وفية الى قالوا انهم مابيعرفوش يردوا باية فالموضوع دة علشانهم وعلشان المنتدى يتقدم الى الامام اكثر فاكثر وطبعا مش هايتقدم لوحدة لا لازم كلنا نساعد بعض علشان نرتقى درجات السلم (....مثقف...... )

المهم
نبدا الحصة كلة يفتح كتابة على الصفحة 9876798 السطر ال900

طبعا فية كذا نوع من انواع المواضيع فى المنتدى ودى اهمها

1- موضوع عام
2-موضوع اجتماعى
3-موضوع استفسار
4-موضوع استطلاع
5-موضوع تعليمى
6-موضوع بيع او شراء
7-موضوع اقتراح
8-موضوع ادارى
9-موضوع شكوى

ويلا بينا نشرحهم واحد واحد

1- موضوع عام

دة بيكون بيتكلم عن فكرة او ترفيهىى او معلومة عامة اى عضو ممكن يستفيد منها بوجة عام ودة الرد علية يا اما ب الثناء (شكرا او جزاك الله كل خير او...) او اضافة للمعلومة

2-موضوع اجتماعى

دة بيكون بيتكلم عن مشكلة اجتماعية او خبر اجتماعى بخصوص الحاياة اليومية زى تعديل فى القانون او خبر منشور فى الجرايد اووو ... ودة الرد علية بيكون بمناقشة المعلومة وكيفية الاستفادة منها او الثناء

3-موضوع استفسار
دة بيكون استفسار او سؤال عن حل مشكلة او وصف مكان او سعر او معلومة او ... ودة الرد علية بيكون للعضو الى متاكد من المعلومة دى 100% اما العضو الى مايعرفش ياريت يسكت او يرشحلة عضو من الاعضاء ممكن يساعدة اما يرد بكلام من دماغة فكدة يبقى كلام مرفوض

4-موضوع استطلاع

دة بيكون العضو عامل استفسار وعامل صندوق استطلاع والهدف من الموضوع هو معرفة نسبة الاعضاء الى مؤيدة او رافضة للاستفسار او الاعضاء بتفضل اية (فى حالة المقارنات) وممكن ترد بس الرد يكون عن رأى تانى مش موجود فى الاستطلاع طبعا بعد المشاركة فى الاستطلاع

5-موضوع تعليمى

دة بيكون عضو حاطة وبيشرح حاجة معينة زى طريقة تركيب كاسيت او قطعة معينة او افادة للاعضاء وفى الحالة دى الرد بيكون بالثناء او الاستفسار عن جزئية من الموضوع ويتعهد صاحب الموضوع بالرد على الاستفسارات

6-موضوع بيع او شراء
دة العضو بيكون حاطة علشان يعرض حاجة للبيع او يطلب حاجة للبيع فالرد هنا بيكون ياما الاتفاق على البيع او الشراء او الاستفسار عن السلعة المعلن عنها او المديح فى السلعة (وممنوع اعلانات البيع من الشركات الا عن طريق الادارة)
7-موضوع اقتراح
دة بيقا بيكون صاحب الموضوع مقترح على الاعضاء او الادارة اقتراح ايجابى للتطوير والايجابة عنة الموافقة اى الايجاب او السلب اى عدم الموافقة مع ذكر السبب فى الحالتين

8-موضوع ادارى
دة بقا بيكون موضوع من قبل الادارة والاغلبية من المواضيع دى بتكون مغلقة والهدف منها الالتزام بالقوانين

9-موضوع شكوى
دة بيكون صاحب الموضوع هوة الوحيد الى بيتطلع على الموضوع ولازم يبين وجهة الاختلاف بينة وبين الخصم ويطلب من الادارة التعامل وفض النزاع




وكدة تقريبا نكون خلصنا السطر الاخير فى الصفحة دى علشان تعرفوا انا قد اية مدرس شاطر (يلا تعالوا احجزوا عندى دروس سنة 2030 من دلوقتى ههههههههه)
ياريت اكون وضحت الموضوع للاعضاء الى بيكون عندكه لخبطة فى الموضوع دة ولو انا نسيت حاجة ياريت حد يفكرنى

وعلى فكرة انا مش عارف الموضوع دة نوعة اية لانة فية استطلاع وكلام مفييد وايجابية التطوير ههههههههههههههههههههههههه هههه

كل سنة وانتم طيبين