موقف مرعب اوى حصلى دلقوتى
كنت قاعد على نايل عادى وفوجت بسماع واحدة جمبنا بتصوت جامد الحقو العيال الحقو العيال نزلت جرى
بشوف فى اية لقيت الست لوحدها ومفيش حد فى الشارع لانها كانت ساعة الفطار
اول لما نزلت شفت الست وهيا عمالى تصوت بصوت عالى اوى الحقو العيال بقولها فى اية
اية الى حصل
قالتلى علبة الكهرباء بتولع ومش عارف اطفيها طبعا فهمت على طول ان دة ماس كهربى وطبعا لو مطفاش البيت كلة هيولع جريت بسرعة ناحية البيت ملقتش ولعة جواة غير اللوحة بس
من غير اما افكر فتحت شنطة العربية ولحسن الحظ العربية كانت تحت بيتهم
جبت طفاية الحريق وجاى اشغل الطفاية معرفتش لانى ساعتها كنت متعصب واعصابى بايظة خالص
اتالاينى نسيت البتاعة الصفراء دى علشان الحماية
المهم شغلتها وبعدين رشيت على اللوحة الاقى اللوحة تطفى وعقبال اما ادور وشى تولع تانى
وهكذا مع محاولات عديدة لحد انا الطفاية خلصت
رحت بعدها خدت البنسة من الشنطة ورحت على الكابلات العمومية علشان افصلها عن البيت معرفتش
لقيت كدة علبة فوق الباب عندهم الى تحت متوصل بعمود الكهرباء
قولت هو دة اكيد رحت افصل السلوك الى فية كلها وانا بفصل السلوك كان فية سلك عريان اتكهربت ووقعت من فوق
وانا بطلع لقيت الكهربائى جة راح فاصلهم مكانى بعد كدة افتكرت العيال جريت جبتهم والحمد لله ماكنش فية حاجة