مخالفه فى المشايه المنصوره بس مش فاهم حاجه

**pro_samir** · 17-09-2009 07:10 AM

والله يا باشا انت غلطان انك اتكلمت معاة اصلا ، كان يكفى انك تبصلة شذرا وهوا مش هيعمل المخالفة لأنة هيبقى عارف انها زي قلتها

على فكرة هيا واصلة عندى 300 جنية كمان مش 200 بس ، لكن كلة هيطلع فى الغسيل ان شاء الله

**dr-mohamed** · 17-09-2009 07:50 AM

انا بقة خبطتي اكبر منك
عسكري معفن هبدني واحدة عكس الاتجاه رغم ان البعيد كان واقف بعيد عن الشارع اللي عايزني الف منه ومفيش اي اشارة او علامة موجودة بتقول ندخل من شارع مين اتجاه اجباري
ولما سالت واحد معرفة ظابط مرور قالي للاسف مش عسكري ده اسمه مندوب والدفتر اللى معاه سليم ولو حتي عسكري ومعاه دفتر ابيض بيكتب النمر فيه والمخالفة والظابط بينقلها في الدفاتر الرسمية
بس اللى مهديني شوية انى نزلت مسحت بيه الارض وقلت له انت حتة عسكري تعملي مخالفة عكس اتجاه فين الظابط اللى معاك قالى في الكشك رحنا الكشك طلع امين شرطة اللى موجود والباشا الظابط ناموسيته كحلي دخلت على الامين طلعت فيه غل الشاي والسجاير والصيام والمخالفة الغبية قالي لا يا باشا خلاص مش هتتعمل ولا حاجة
مشيت وكلمت المعرفة تانى يوم قالي غلط زمانها اتعملت
قلت له بس دي حبس او 1200 جنيه قالي عادي بتتعمل لك وتظهر لك لما تيجي تجدد الرخصة

**KSA2011** · 17-09-2009 07:19 PM

المشاركة الأصلية كتبت بواسطة pro_samir

والله يا باشا انت غلطان انك اتكلمت معاة اصلا ، كان يكفى انك تبصلة شذرا وهوا مش هيعمل المخالفة لأنة هيبقى عارف انها زي قلتها

على فكرة هيا واصلة عندى 300 جنية كمان مش 200 بس ، لكن كلة هيطلع فى الغسيل ان شاء الله

غسيل ايه بس

ربنا يطمنك
كل سنه وانت طيب يا باشا

**KSA2011** · 17-09-2009 07:21 PM

المشاركة الأصلية كتبت بواسطة cairo2005

انا بقة خبطتي اكبر منك
عسكري معفن هبدني واحدة عكس الاتجاه رغم ان البعيد كان واقف بعيد عن الشارع اللي عايزني الف منه ومفيش اي اشارة او علامة موجودة بتقول ندخل من شارع مين اتجاه اجباري
ولما سالت واحد معرفة ظابط مرور قالي للاسف مش عسكري ده اسمه مندوب والدفتر اللى معاه سليم ولو حتي عسكري ومعاه دفتر ابيض بيكتب النمر فيه والمخالفة والظابط بينقلها في الدفاتر الرسمية
بس اللى مهديني شوية انى نزلت مسحت بيه الارض وقلت له انت حتة عسكري تعملي مخالفة عكس اتجاه فين الظابط اللى معاك قالى في الكشك رحنا الكشك طلع امين شرطة اللى موجود والباشا الظابط ناموسيته كحلي دخلت على الامين طلعت فيه غل الشاي والسجاير والصيام والمخالفة الغبية قالي لا يا باشا خلاص مش هتتعمل ولا حاجة
مشيت وكلمت المعرفة تانى يوم قالي غلط زمانها اتعملت
قلت له بس دي حبس او 1200 جنيه قالي عادي بتتعمل لك وتظهر لك لما تيجي تجدد الرخصة

يا باشا الواحد والله زهق
البلد اصلا بايظه
وقبل ما يتكلموا فى مخالفات و قانون جديد
يوسعوا الشوارع يحطو لافتات
ما هو اكيد لو حضرتك كنت شفت لوحه ارشاديه ما كنتش دخلت غلط
بس هنعمل ايه بس
مفيش غير انك تقول حسبى الله ونعم الوكيل
كل سنه وانت طيب