كنت في التوكيل امبارح بس و اكدوا المعلومه دي وقالولي ان فيه خبر كويس جدا ان حيسلموا الحاجزين لغاية شهر 8 بس مش مصدقهم وسالتهم هو السوق بتاع العربيه تراجع ولا الحكايه ايه مردوش عليا
انا استلمت عربيتى من يومين مش عارفه اقولكم ايه بس من كتر مانا متغاظه مش عارفه افرح بالعربيه اولا انا كنت عمله شكوه فى جهاز حمايه المستهلك الحقيقه هما اهتمواوكلمونى بس قالولى ان كل اللى معكى وصل بالمبلغ لا فيه تاريخ استلام ولا كل تمن العربيه ولا فيه عقد بس قالوا انهم هيكلومهم على اساس ان الوصل ده مش قانونى وفعلا كلموهم ورده الموزع قال انى طالبه لون معين ولسه مجاش وانه هيرد عليا خلال يومين كلمونى وقالوا ان عندهم عربيه لونها احمر ونزلها بدل ماكان طالب 120 الى 115 لقيت نفسى كنت زهقت ولانه قالى معرفش امته هتيجى عربيات جديده وانى فعلا مش ماسكه حاجه ضدهم القانون لا يحمى المغقلين اخدتها
ععلى فكره حهاز حمايه المستهلك كويس جدا ورجع كلمنى امبارح وقالى لو عرفتى تجيبى الاعلان بتاع المحمل الى قبل ماتحجزى كاتب فيه 110 ممكن اقدر ارجع ليكى فرق الفلوس
عقبالكم لما تستلموا عربياتكم بالاوان اللى تحبوها وعلى فكره العربيه جميله وواسعه وكل اللى يشوفها معجب بيها
الف مبروك علي الناس اللي استلموا -- هو صحيح ان الافراج كان 7 عربيات بس وعقبال ما نستلم احنا كمان
هي الدفعة الجديدة دي تتسلم اول 11 ولا 15-11
انا خايف لا البياع يكون بيسجدني مع اني حاجز من اول شهر 6
ابورواش قالوا اول 11 وهو بيقولي انها داخلة اول 11 بس تسليم 15-11
الله يبارك وعقبالك انا عارفه انك قدمت معى شكوى بس انا وانت وقعنا فى غلطه اننا مكتبناش على الفاكس رقم الشكوى وعملت كده تانى بعد تلات ايام اهتموا بالموضوع جدا وحتى بعد ماعرف انى استلمت وبفلوس اكتر مهتم
اما عن راى فى العربيه لو انك مش هتصدققنى من كتر مالغبوا بيه الموزع وكمان اللون مش حباه والاسوء ان الفرش بيج وانا عندى اطفال عندى سده نفس من العربيه بس بصراحه انا ركبتها من المعرض للبيت جميله وواسعه تكيفها تلاجه واجمل حاجه الوسع لانى طويله واللى قاعد ورا سعيد برده سحبها حلو هى حلوه وكذا حد من الجيران سال عليها واتنين اخدوها وجربوها وبيقولوا ممتازه اللى يعرف سعرها يقول رخيصه
شنطتها واسعه وليها رف ترفع الرف تلقى تقسيمات ومربعات اعتقد علشان لو مسافر لو فيه اكل او حاجات تتكسر ديه حمايه ليها
وان شاء الله عقبلكم كلكم بس على فكره انا ماخدتش من الدفعه الجديده لا لا هو نصاب لما بيجلوا الدفعه مش بيوزعها للجاجزين لا بيبعها ب 124 وهو سلمنى لما حس انى مشاغبه وهيئه حمايه المستهلك كلمته وكمان وجودى هنا فى الموقع خالى فاهمه حاجات كتير والدفعات جايه امته فحب يخلص منى
بس العيب الوحيد لحد الان مسند الايد ومفتحاها عادى مش ريموت