الموضوع: حتى النمر الجديدة سوداء!!!!!!!!

المشاركة الأصلية كتبت بواسطة Mosmafa

الطيارين دول ليهم معاملة خاصة في اي مكان
لانهم بني ادمين تانيين بغير بتوع الشرطة ميجوش جنبهم حاجة في البلد
وهي مسءلة اهمية والطيار اهم من ظابط الشرطة عشان مصروف عليه كتير اوي
يعني تمنه اغلى مني ومنك لانه على ااقل تقدير بيتصرف عليه في تعليمه 2 مليون جنيه
ومش هتيجي على نقيب في الكلية الجوية نقيب فايتر هو
معاه جين 2 لازق عليها كلها صور بنات مودلز و شفايف و احمر في احمر
وعربية تشوفها حاجة مطلعة لسانها للخلق كلهم
ووالله العظيم حال مصر دي مش هيتعدل الا اما نبطل نطنطط على بعض وكله واحد يعمل فيها عنتر فجلة

لا يا مصطفي معلش بختلف معاك شوية
محدس احسن من حد يعني الطيار ده من غير الفنيين والعساكر اللى بيجهزوا له الطيارة مش هيطير
والدكتور من غير تمرجي مش هيعرف يشتغل وبردو المهندس من غير عمال
كله بيكمل بعضه
كل واحدة عبارة عن ترس في ماكينة العمل بتاعه اللى هي نفسها ترس في ماكينة عمل اكبر منها
ومعلش تمنه مش اغلى مني لانى بردو الدولة بتصرف على تعليمي وانا كمان بصرف عليه وزمايلي في الشغل اتصرف عليهم كتير بردو وسافروا بعثات وكله على حساب الدولة علشان الكل يفيد في عمله مش علشان نتمنظر على بعض

المشاركة الأصلية كتبت بواسطة lancerevolution

بسرعة يا كبير هات الفكترا

يا ريت موافقك يا لانسر بس انت اعمل جمعية كبيرة وانا اقبضها اول واحد واكمل على فلوس اللانسر بتاعتي واجيب فيكترا 2010 وغالبا هزوغ من الجمعية بعدها

المشاركة الأصلية كتبت بواسطة hossam_chixo

مش عارف والله احنا فى زمن الكارنية غلب الجنية
ولا الجنية غلب الكارنية
ولا الاتنين بيضربو فى بعض ولا اية بالظبط ؟؟؟؟؟

المفروض القانون يضرب الكل بيد من حديد لكن هنقول ايه بس الله يسامح كل واحد يخرب في البلد

[QUOTE=lancerevolution;3871994629]كله بينط على كله إذا كان المعيد الى متخرج قبلى بسنة بيتنطط عليا يبقى هتنيها خربانة[/QUOTE

معلش يا لانسر بس ده بردو عنده عقدة نقص وبيطلع اللى بيعمله فيه المشرفين بتوعه والاساتذة الكبار على الطلبة وفرحا بنفسه مسيره يقع في اللى يعرف مقامه كويس

المشاركة الأصلية كتبت بواسطة x_gomgom

اولا ربنا يهدي الجميع ....
مش كل الناس و حشين و زبااله البلد لسه فيها ناس بخير...
المشكله مش في انه شغال في ايه ولا منصبه ايه المشكله كلها في الاخلاق و التربيه السيئه و اجزم انه حتي لو اشتغل بواب هيكون متسلط ....
نعيب زماننا و العيب فينا... وما لزماننا عيب سوانا...
اللهم اهدي الجميع

والله عندك حق في كل كلمة قلتها

المشاركة الأصلية كتبت بواسطة MoToRiZeR

العيب مش عليه .. العيب عاللي سايبه ماشي كدة .. هو مش من حثالة المجتمع .. البلد كلها علي بعضها بقت من حثالة بلاد العالم .

حرام عليك اذا كان الرسول قال استوصوا باهل مصر خيرا فانهم على رباط الى يوم الدين يبقي نقول عليهم حثالة العالم
طب هقول لحضرتك واقعة حقيقية وقريبة جدا من شهرين تلاتة واحد صاحبي راح امريكا وتحديدا ولاية ايوا بيحلف لي انه بيخاف يخرج من السكن بعد المغرب بسبب حوادث السرقة المنتشرة بشكل رهيب وبيقولي ان الولاية فقيرة جدا والبيوت معظمها العريبات الكرفان ولما بقوله بس ارحم من مصر قالى والله الدويقة ارحم منها
هل معني كدة ان امريكا كلها بالمنظر ده
لا طبعا بس كل ما في الامر ان كل بلد وكل مهنة فيها السيء وفيها الجيد لكن للاسف السيء هو اللى بيبقي ظاهر جدا علشان جدا بيبقي مستفز
وعلشان كدة قلت في كلامي ان بعض اللى بيشتغلوا كذا مقولتش كل لان كل مهنة فيها الكويس وفيها الوحش