أكبر معدة نقل ثقيل على الاطلاق (تعديل بالصور )

**ainshouka** · 17-09-2009 06:09 AM

المشاركة الأصلية كتبت بواسطة sameh

أنا شغال فى المجال ده ، وكبت عربيات زى اللى فوق دى بس أصغر شوية اللى هى 777 مش ال 797 لأن ال تلات سبعات ده أكبر موديل وصل مصر وعلى فكرة سواقتها وركوبها ممتع جدا لأن الكابينة بتاعتها فخمة ومكيفة والعزل بتاعها رهيب والكرسى على مساعدين هيدروليك فى منتهى النعومة وده لأن اللى بيركب عليها بيسوقها يا 8 يا 12 ساعة فى ظروف تشغيل سيئة جداً وبالتالى محتاج أكبر قدر من الرفاهية داخل الكابينة عشان يقدر على الشغلانة دى ، وهى فتيسها 7 سرعات أمامية بالمناسبة بينقلوا أوتوماتيك طبعاً بس ممكن تختار إن الفتيس يوصل عند نقلة معينة وماياخدش اللى بعدها إنشالله لو كانت الأولى بس
لما بنيجى نغير فردة الكاوتش بتاعة العربية من دول (إسمها دامب تراك بالمناسبة off road dump truck ) بتحتاج تجيب فورك ليفت اللى هو الكلارك عشان يشيل الفردة ويدخل بيها على العربية عشان تركب مكانها

ياراجل وبعد مسوقتها كده قادر تركب نوبيرا
انت احسن حاجة تجبلك هامر بتاعة الجيش عشان يعنى تبتدى متلاحظش انه كان فيه فرق

**أبو عبدالله** · 17-09-2009 06:53 AM

على فكره لسه من يومين كان في حلقة على قناة ناشيونال جيوجرافيك ابو ظبي في برنامج مصانع عملاقة كانوا جايبين تصنيع المعدة دي من الألف للياء وازاي بيعملو الكاوتش بتاعها وازاي بيركبوها والمحرك بتاعها مصنوع ازاي وكل حاجه
بصراحه حلقة جامده جدا جدا جدا
ويعتبر تصنيعها في كتير حاجات يدوي
وعلى فكره قبليها بيومين كان في حلقة من نفس البرنامج مصانع عملاقة كانوا جايبين مصانع بي ام دبليو
وكيفية تصنيع عربية بي ام z4
وكانت برضه حلقه مالهاش حل
جايبين كل حاجه وازاي بتتصنع والماتور والدهان والجلفنة والجامات والتجميع

**Ahmed Nouh** · 17-09-2009 07:13 AM

المشاركة الأصلية كتبت بواسطة madooo

دى اضخم معده شفتها

مش عارف دى بيشغلوها ازاى

انا لو ماشى مكان العربيه الحمراء دى وكان المعده دى بتتحرك قصادى هلسع فرامل اليد والف وارجع وهتصل بكل الناس اقولهم فيلم war of the worlds اتحقق يا جدعان

شكلها مخيييف جدا

**nabaster** · 17-09-2009 11:07 AM

A.Yakout

**A_H_M_A_D** · 17-09-2009 02:07 PM

في منها 10 في منجم الدهب بمرسي علم
واحد صاحبي شغال في التوكيل مانتراك كان بيجمعهم هناك

**EslaM_NagY** · 17-09-2009 05:09 PM

المشاركة الأصلية كتبت بواسطة maag

أعتقد إن دي أكبر معدة نقل على الاطلاق ، و الشركة دي كل يوم بيزيد احترمي ليها ، دي مش معدة نقل دي عمارة بعجل .

و في الآخر بتسوقها واحدة ست .

@@@@ ودي المكنة :-

[]

حد يقولهم العجلة محتاجة تتزود ههههههههههههههههههه

**evoo90** · 17-09-2009 05:53 PM

انا ركبت التريكس اللى فوق ده جوه شركه الحديد والصلب الكابينه بتاعته اوضه وبتطلعله بسلم

**evoo90** · 17-09-2009 06:13 PM

المشاركة الأصلية كتبت بواسطة madooo

دى اضخم معده شفتها

مش عارف دى بيشغلوها ازاى

زى دول واكبر استخدموا فى بناء
استاد العش الطائر فى الصين ومطار هونج كونج ومطار بيجين
غير الحفارات والاوناش الثابته اللى كانت بتتركب فى شهور وتفكك فى شهور
ناس عندها امل وتحدى مش اللى بيرفع دكاك بتاع الظلط بتاع الاسفلت بونش تليسكوبى صغير ومن غير ماينزل الركايز وبواير صلب واحد وراح الدكاك من تقله على كاوتشات الونش راح وقع وقلبه
اه يابلد

**nabaster** · 17-09-2009 10:09 PM

المشاركة الأصلية كتبت بواسطة evoo90

زى دول واكبر استخدموا فى بناء
استاد العش الطائر فى الصين ومطار هونج كونج ومطار بيجين
غير الحفارات والاوناش الثابته اللى كانت بتتركب فى شهور وتفكك فى شهور
ناس عندها امل وتحدى مش اللى بيرفع دكاك بتاع الظلط بتاع الاسفلت بونش تليسكوبى صغير ومن غير ماينزل الركايز وبواير صلب واحد وراح الدكاك من تقله على كاوتشات الونش راح وقع وقلبه
اه يابلد

فيديو المهزله والجهل

YouTube - ‫ط£ظƒظٹط¯ ظپظٹ ظ…طµط± ظٹط§ ط¹ظ… ط§ظ„ط.ط§ط¬‬&lrm;

الله يكون في عون صاحب الدايو

A.Yakout

الموضوع: أكبر معدة نقل ثقيل على الاطلاق (تعديل بالصور )

LinkBack

أدوات الموضوع

عرض

-

-

-

-

-

-

-

المواضيع المتشابهه

تعديل تابلوه السيراتو (تعديل جديد )بالصور .موضوع 5 نجوم.

شرب الماء على معدة خالية

تعديل فرامل النوبيرا بالصور

تعديل فوانيس صني الخلفية بالصور

الكلمات الدلالية لهذا الموضوع

المفضلات

المفضلات

ضوابط المشاركة