محتاج مساعدة خبراء السيفيك فى الاختيار

**sab3aawy** · 17-09-2009 10:10 AM

عندى شوية اسئلة لخبراء وملاك السيفيك ياريت اعرف اجابتها لأنها هتكون عامل هام فى حصر اختيارى لسيارتى القادمة بالنسبة

1- ما هى بلد تصنيع السيارة وايه موضوع تركيا ده؟
2-هل الشئ الموجود فى التجمع الخامس على الدائرى هو مركز صيانة ام منفذ بيع ام كلاهما
3- هل السيفيك نزلت موديلات 2010 وللا لسة 2009
4-ما هو سعر السيارة وماهى الكماليات المتاحة لها (الفئة ال basic)
5-هل السيارة basic موجودة تسليم فورى ام بالحجز؟ لو بالحجز ما مدة الانتظار المتوقعة
6- عند تجريتى للسيارة(موديل 2008 عاملة 25 الف كيلومتر بحالة المصنع خاصة بصديق) حسيت ان نقلات الجير مش ناعمة اوى، يعنى لو انت مش باصص على عداد الRPM هتعرف برضه ان العربية بتنقل، بالمقارنة بالمازدا 3 مثلا مكنتش بعرف ان حصل اى نقلات غير من عداد الRPM ،فهل ده طبيعى وهل كل سيارات السيفيك كدة
7- ما هو ارتفاع موديل 2010 عن الأرض بعد تعليتها
8- بعد طرح الكورولا بجير اوتوماتيك عادى وانتهاء مشكلة ال mmt ، ايه فى وجهة نظركم الاسباب اللى تخلينى اشترى سيفيك ومشتريش كورولا غير ان الكورولا جنوب افريقى وغير ان السيفيك عداداتها شكلها حلو

ياريت اللى يقدر يفيدنى بأجابة هذة الاسئلة او اى عدد منها يتفضل مشكورا، واشكر تعاونكم مقدما

**SAMEH_FOUAD** · 17-09-2009 02:35 PM

ا:اللى اعرفة ان مافيش هوندا دلوقتى بتنزل هنا او فى الخليج يابانى كلها متقفلة برة المصنع بس المكونات يابانى 100*100
2:دة مركز صيانة السيارة بس ماعرفش فية منفذ بيع ولا اية بس مااعتقدش
3:الشكل لم يتم تغيرة فى 2010 وهو اللى موجود دلوقتى
4:سعر السيارة 149 الف الفئة العادية ,عندك لحد 177 الف وتقريبا الاستلام بتاع السيفيك بيبقى ب143 الف الكاش
5:موجودة وفيها استلام فورى وفيها حجز بس مش متاكد اوى من النقطة دية لانها بتبقى حسب اللى انت بتتعامل معاة او اللى هاتشترى منة
6:شوف دة فعلا موجود شوية بس عشان حاجة واحدة ودية هوندا متباعها من زمان ,ان دايما بيخلى الاربى ام عالى شوية ,عن المعدل الطبيعى عشان مايخليش فية اى ضعف فى النقلة اللى بعدها وتقدر تسحب معاك عادى جدا مقارنة بالسيارات الاخرى
7:شوف انا اللى شايفة ان الشكل الجديد بقى احلى بكتير وتم تعديل الطنابير الخلفية الى ديسكات ,والارتفاع ماتغيرش غير فرق بيسط جدا لان الجنط مساحتة كبرت ,بس بردة مقاس الكاوتش قل فاميش فرق وبردة عيبها انها واطية جدا
8:شوف الكورولا حلوة واعلى من السيفيك ,بس فى وجهة نظرى ,السيفيك شكل ,اسرع ,اثبت وبردة اركل العربيتين واللى ترتاح فيها توكل على الله

**SAMEH_FOUAD** · 18-09-2009 01:06 AM

ياباشا انت لو زى مانت بتتكلم وان السيفيك كلها يابانى 100*100 يبقى فعلا العربية الواحد يجيبها وهو مغمض وتبقى اختيارة بس انا مالقتش اليابانى دية دة حتى ماتورها ,كامة واحدة بس وانا شايف ان دة عيب كبير جدا فى حق هوندا بس اللى اعرفة ان دة ماتور نازل لمصر بس ,يبقى ازاى بقى متقفلة فى اليابان

**ahmad--ezzat** · 18-09-2009 02:56 AM

kimooo اللى هيفيك فى الموضوع دة يا استاذ سبعاووووووى......

بس السيفيك يابانى 100 فى 100 ودى الحاجه الوحيده اللى بتخلينى افضلها عن اى عربيه

**NaBeLeOn** · 18-09-2009 08:07 AM

1/ العربية فى التوكيل يابانى بالكامل مكونات و تقفيل .... كنت سمعت ان بعض الموزعين بيجيبوا سيفيك تقفيل تركى
2/ مركز التجمع هو مركز صيانة و فيه سيارات للعرض .. مش متأكد فيه مبيعات و لا لأ لكن 90% فيه
3/ لسه 2009 ... عموما الشكل واحد
4/ الbasic فيها مثبت سرعة...4 زجاج كهرباء و زجاج السائق فقط اوتو...2 ايرباج...abs & ebd...العادى بقى تكييف و باور و خلافه
5/مش عارف
6/ انا فعلا بحس بالنقلة .. دى اول اوتوماتيك اركبها و مجربتش المازدا فا مش عارف بصراحة .. جربت اوتو تانى بس بيكانتو و فيرنا و كده و نفس القصة
7/ التعلية كانت من اول 2009 ... يعني 09 و 10 اعلى من 07 و 08 ... لكن الفرق 0.5 سم ... الارتفاع الحالى تقريبا 15.5 سم
8/ الشكل ... الثبات ... الموتور ... التسارع .... يابانى 100 % ....الاتساع الداخلى للصالون....

**hlmnz** · 18-09-2009 02:52 PM

المشاركة الأصلية كتبت بواسطة NaBeLeOn

1/ العربية فى التوكيل يابانى بالكامل مكونات و تقفيل .... كنت سمعت ان بعض الموزعين بيجيبوا سيفيك تقفيل تركى
5/مش عارف
6/ انا فعلا بحس بالنقلة .. دى اول اوتوماتيك اركبها و مجربتش المازدا فا مش عارف بصراحة .. جربت اوتو تانى بس بيكانتو و فيرنا و كده و نفس القصة
7/ التعلية كانت من اول 2009 ... يعني 09 و 10 اعلى من 07 و 08 ... لكن الفرق 0.5 سم ... الارتفاع الحالى تقريبا 15.5 سم

المشكله اني كل ماادخل المنتدى ده بخلاف كل المنتديات اللي انا عضو فيها اشوف كل واحد بيكلم بثقة مش عارف جايبه من نين بدل ما يتاكد
يا مان مين اللي قال ان مكونات السيفيك ياباني ميه في الميه !!!!!

حضرتك فكيت كل حاجه منها وشفت ان مكتوب عليها made in japan
طيب هقولك ابسط حاجه فك الكاسيت بتاع السيفيك 2009 وهتلاقي صيني وده على مسئوليتي الشخصيه

ايه حكايه التعليه والتوطيه اللي طلعه موضه ؟؟؟؟؟

يا عم نفس الارتفاع بتاع 2009 زي 2008 كل اللي فرق الجنط الاسبور وبعدين العربيه المحترمه في الثبات والتسارع لازم تكون واطيه اما لو شوفت البورش باناميرا اللي انا شفتها هطلتم ولا هطب ساكت

الحكايه التانيه نقلات الجير مش ناعمه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !
اللي بيحس بيه الناس هو safety بتاع الجير وده بيتشال وبيرجع بجهاز جي في الطريق من اليابان مخصص للحكايه ديه بس لو شلت safety العربيه اول ما تحط رجلك على الدواسه هتنط وده مش عملي في مصر علشان كده في جهاز بتختار بيه mode اللي انت عاوزه حسب الحاله

**SAMEH_FOUAD** · 18-09-2009 06:23 PM

مافيش هوندا سيفيك 1600 سى سى بتخرج من المصنع فى اليابان اللى بيخرج دلوقتى من مصنع اليابان اكيد الmugen والسيفيك 1800 سى سى والhrv الجديدة والهوندا جاز 2009 ,والهوندا insight الهجينة الجديدة والسيفيك si كوبية 197 حصان
لكن ماحدش يقولى ان الهوندا سيفيك نازلة من اليابان بماتور 1600 ومش بتاع هوندا كمان ,لانة كامة واحدة بس ,لكن ماتور 1800 سى سى كامتين حتى الvti كامة واحدة بردة

-

الموضوع: محتاج مساعدة خبراء السيفيك فى الاختيار

LinkBack

أدوات الموضوع

عرض

محتاج مساعدة خبراء السيفيك فى الاختيار - انشر الموضوع فى :

-

-

المواضيع المتشابهه

محتاج مساعدة خبراء هوندا

محتاج مساعدة من خبراء السوبارو

محتاج مساعدة كل الاعضاء فى الاختيار ده

محتاج مساعدة كل الاعضاء فى الاختيار ده

هجيب هوندا سيفيك و محتاج مساعدة اصحاب السيفيك و اهل الخبرة

الكلمات الدلالية لهذا الموضوع

المفضلات

المفضلات

ضوابط المشاركة