لماذا لا تتطور محركات السيارات؟

**Hegazio** · 17-09-2009 01:30 PM

سؤال مر علي بالي
حيث ان كل اختراع فات عليه 50 سنة مش أكتر من مية زي محركات السيارات .. طرأ عليه الكثير من عمليات التطوير الي درجة الإحلال النهائي بتكنولوجيا مختلفة تماما !!
أمثلة مثل : التلفزيون - التليفون - الإضائة - تكنولوجيا الكمبيوتر - الاتصالات
.
و أنا لا أقول انه لا يوجد تطوير في المواتير .. بس مش قد كده .. برضه هي هي البساتم و البنزين و الكرنك و الكبالن و الكورونة .. تعديلات خفيفة جدا .. أو معدومة في الفكرة نفسها
.
فيه واحد من كام سنة هو الوحيد اللي اخترع موتور يستطيع توظيف طاقة حرق البنزين بطريقة تراكمية و ليس ترددية هو ( توينكل ) و المحرك علي اسمه أو ( روتاري ) و المحرك كان 1300 سي سي بيطلع بتاع 250 حصان !
و قالو مشاكلة كتير و لا يصلح و اتركن علي الرف .. اللهم إلا مازدا بتعمل ال أر إكس من باب الرخامة
.
غير كده .. الموتور هو هو .. و فيه مواتير بقالها 50 سنة مش عارفين نعمل زيها
كلامي مظبوط ولا إيه ؟؟

**elansary** · 17-09-2009 01:59 PM

كلامك مظبوط بس متنساش ان في تطوير جامد بردو زي مثلا استهلاك البنزين قل عن زمان وكمان صوت المحركات اهدا في الصوت وكمان حجمها قل عن الاول ونظام التبريد اختلف كتير ومتنساش ان المحرك زمان كان بيشغل العربية بس دلوقتي عاد فية باور وتكييف وغيرة بس انا معاك ان فكرة المحرك نفسها التطوير فيها مش كبير زي مثلا نظام الوقود لية ميكونش باي شئ ارخص من البترول لية مثلا مايكونش بمياه البحر معروف ان المياه فيها اوكسجين وهيدروجين واعتقد ان العنصرين ليهم قابلية علي الاحتراق وكمان مياه البحر فيها صوديوم كمان لية قدرة علي توليد الطاقة عموما احنا نتمني ان يكون فية تطوير وانشاء الله يكون علي ايد المصرين لية لا وسلام

**Hegazio** · 17-09-2009 09:44 PM

This is exactly what I'm Sayin...Nothin evolved with new exceptionally concept to change the same old concept iiiio

**SAMEH_FOUAD** · 18-09-2009 01:56 AM

انا نفسى يعدلوا السلبيات اللى موجودة فى المواتير العادية ,يعملوا حاجة تلغى الشنابر ,ويصغروا حجم الماتور ,وبردة يخرج قوة اكبر ,يقللوا استهلاك البنزين يعنى يخلوة بحد اقصى فى ظروف القيادة العنيفة مثلا 5 لتر فى 100 كيلو ,كل دة هايفرق بعد كدة
بس تقريبا هما لو عملوا كدة مش هايبيعوا قطع غيار بعد كدة ودية سياسة اكيد

**tabeb** · 18-09-2009 03:47 AM

لسه كنت بفكر في الموضوع ده النهاردة

**kareemhisham** · 18-09-2009 04:02 AM

معلش بردو لازم نشوف كنا فين و بقينا فين !!

بعد ما كانت المواتير 3000 و 4000 سى سى و بتطلع 150 ولا 200 حصان .. دلوقتى بقة الموتور 1400 سى سى و بيطلع 160 حصان ..

و فكرة المواتير مش هتتغير غير لما نطلع الاستفادة القصوى منها .. و دة مش هيحصل قريب لان الاتجاه العالمى دلوقتى بقة ناحية المواتير الكهرباء ..

و ممكن تشوفوا معرض فرانكفورت المعمول دلوقتى فيه كام عربية كهرباء هتخش حيز الانتاج السنة الجاية .. دة بورش عملت عربية hybrid !!!!

فالاول هتبقى مواتير نظيفة بس ضعيفة و واحدو واحدة هتتحسن و الاسيوين و الاوروبيين هيتنافسوا - هما بيتنافسوا حاليا الحقيقة - فى تصنيع مواتير اكثر نظافة و قوة ..

الموضوع كبير اوى و اكبر من انهم يركزوا فى انهم يغيروا الconcept بحاله لان فى مواتير اصلا بتعمل ارقام خيالية - بوجاتى و مثيلاتها و سيارات الفورميلا 1-

**mohamed_prog** · 18-09-2009 06:34 AM

المشاركة الأصلية كتبت بواسطة Hegazio

فيه واحد من كام سنة هو الوحيد اللي اخترع موتور يستطيع توظيف طاقة حرق البنزين بطريقة تراكمية و ليس ترددية هو ( توينكل) و المحرك علي اسمه أو ( روتاري ) و المحرك كان 1300 سي سي بيطلع بتاع 250 حصان !

دة محرك رحوى أو ما يسمى بالروتارى rotary engine ودة اخترعة عالم ألمانى اسمه فليكس وانكل(Wankel engine) فى بداية الخمسينيات لمزيد من المعلومات راجع الرابط التالى:

Rotary engine

على فكرة فى واحد أردنى عمل بعض التعديلات على المحرك دة وسماه باسمه (آسندر) ممكن تعمل بحث على Asender engine