انا مسافر بكرة و رايح مرسى مطروح بعربيتى نوبيرا تو موديل 2001 بس المشكلة انى قلقان شوية علشان انا لسة شارى العربية من خمس شهور ودى اول مرة اسافر بيها مشوار طويل زى ده
ياريت حد يقولى ايه اللى المفروض اعمله قبل السفر
عرض للطباعة
انا مسافر بكرة و رايح مرسى مطروح بعربيتى نوبيرا تو موديل 2001 بس المشكلة انى قلقان شوية علشان انا لسة شارى العربية من خمس شهور ودى اول مرة اسافر بيها مشوار طويل زى ده
ياريت حد يقولى ايه اللى المفروض اعمله قبل السفر
اطمن على ضغط الاطارات و الميه و حاله الزيوت كلها و خلى معاك ميه احتياطى
مش أنت عملت السريفيس المطلوب
تغيير السيور ( وخصوصا سير الكاتينه وكشفت على البكره والشداد والطلمبه )
وغيرت الزيوت والفلاتر وأطمنت على الفرامل وخلافه
يعنى قمت بالواجب مع عربيه مستعمله
لو آه
توكل على الله
راجع على المية والزيوت (الموتور-الفرامل)
واكشف على الاستبن
وشوف ضغط الكاوتشات
وانت مسافر تتابع عداد الحرارة باستمرار
وان شاء الله توصل بالسلامة
اهم حاجة تكون مغير الزيوت و السيور وخصوصا سير الكتينة وتروح وترجع بالسلامة
انا مغيرتش زيت الفرامل و زيت الباور علشان لما كشفت عليهم لاقيتهم مليان و مش ناقص و ياترى لو حبيت اشترى زيت فرامل احتياطى معايا اجيب ايه
اهم حاجة بعيد عن العربية تخلى بالك من الرادار لانى اتقرصت منه على الطريق دة قبل كدة لان الطريق مغرى والسرعة المحددة 100 كم/ساعة فقط وخاصة فى ال 70 كم الاخيرة اللى قبل مطروح
وجوة البلد بعد البوابة 60 كم/ ساعة فقط حاجة ذل يعنى :fdsa: