ماتخافش
عرض للطباعة
ماتخافش
ولاااااا الدمووع ... ولا يهمك خالص .. بس متكررهاش طبعاَ .
هي ضررها "علي المدي الطويل" تأكل التيل بتاع فرامل اليد
اعتبر ان واحد صاحبك خد منك العربيه و حب يترسم و شد خمسايه صغيره !!!
هيحصل ايه ؟؟
ولا حاجه لانها خمسايه واحده بسسسس
الاضرارا بتبقى على المدى الطويل مش من اول مره
الف شكر اخواني انا كدة بجد اطمنت انا كنت فاكر اني بهدلت العربية كدة
بس معلش متزعلش منى
ازاى محستش انها مشدودة
انا عندى فى الاوبترا العربية متتحركش من مكانها
اكيد ذودت بنزين جامد
بس خير متقلقش مفيهاش حاجة هية بس لو اتكررت
ومبروك على العربية
زي ما كل الاخوة قالوا ان الحاجات دي بتبان على المدي البعيد والتكرار واكيد مدام حصلتلك مرة وزعلتك
هتفتكرها المرة الي بعدها وكل مرة حصلتلي وقفلتني لان العربيه جديده ومن ساعتها متكررتش
معلومه باين من كلامك ان العربيه لسه جديده واعتقد معملتش اي صيانات لو فعلا كده ومعملتش صيانه الالف متخفش خالص لان العربيه بتبقا الهاند مريحه وباين انك مبتشدهاش اوي لان العربيه مشت عادي
معلومه مهمه توضح انك مشديتهاش جامد وانها مش مترجلشه فمفيش اي خساير حصلت باذن الله اطمن
ولا اى حاجة ولا حتى تحط فى دماغك ...... كنت تعبان فى مرة من السواقة وخليت صحبى يسوق بدالى وانا فردت لكرسى ونايم وطول الطريق شامم ريحة شياط ومش عارف من اية ولما وصلنى البيت وبيركنها جى يشد الهاند لاقة مشدود .. للعلم انو مشى بيها حوالى 10 كيلو ....وكمان كان خبط كلب صغير بس الحمد لله مامتش وكنا بنحسبة هو الى عامل الريحة دية ههههههههه ...متقلقش خالص ولو حاسس انها ضعفت ممكن تعملها رجلاش ب 15 ج.....
متقلقش يا موسكي بس اتعود قبل ما تتحرك بالعربية شيك على كل حاجه الاول .. ده امان ليك وحماية للعربية ... وبعدين متقلقش مفيش اي حاجه .. هو كل اللي حصل شوية سحب بنزين زيادة كده بتاع عشرة جنيه :) ولا تزعل يا عم فداك
وربنا يديك خيرها يا رب ويكفيك شرها .. قولو امين