اول مرة اجري بالعربية بتاعتي فوق ال 120 كم /س و المفأجاة اني لاقيت الدريكسيون في ايدي زي المية بصراحة انا اترعبت مش عارف اذا كان ده العادي بتاع اللانوس ولا انا عندي مشكلة ارجوا الافادة من وحوش الدايو . وكل عام وانتم بخير
عرض للطباعة
اول مرة اجري بالعربية بتاعتي فوق ال 120 كم /س و المفأجاة اني لاقيت الدريكسيون في ايدي زي المية بصراحة انا اترعبت مش عارف اذا كان ده العادي بتاع اللانوس ولا انا عندي مشكلة ارجوا الافادة من وحوش الدايو . وكل عام وانتم بخير
انا اكتر حاجة جبتها كان 110 بعد كده خفت
العمر مش بعزقة
الكلام ده كان علي الاوتوستراد يوم جمعة الصبح
بصراحة قلبي وقع في رجليا مش عارف الناس اللي بتقولك 150 و 160 دول بيحسوا بايه
هو فى الفيرنا الوضع كدة طبيعى
اعتقد مش حتفرق كتير عن اللانوس
لا مش طبيعى
اكيد فى مشكلة عندك فى العربية جربت ترصيص ؟؟
جرب رصص واظبط زوايا لانة مش طبيعي
يا جماعة الراجل بيقول إن الدركسيون خف وده عادى على السرعات العالية كلامكم كويس لو العربية بتغربل (الدركيسيون يهتز مع السرعات العالية) أو بتحدف - لكن لا مشكلة فى عربيتك - فى التأنى السلامة و فى العجلة الندامة - و لو فكرت تجرى كده تانى معلهش لازم تأمن على حياتك -
اكيد لازم يخف على السرعات العاليه
امال لو جريت حبتين كمان هتعمل ايه
بالنسبه للسرعات انا بمشي في المتوسط 140 الي 150 بالدايو لانوس و بتكون عاديه لذا اعتقد انه توجد مشكله في الزوايا او الترصيص فيجب ظبط الزوايا و تصليب العجل بمعني نقل كل كاوتش الي الجه العكسيه (امامي يمين يوضع خلفي يسار و هكذا) و النصيحه عدم تخطي سرعة 170 باللانوس لاني لااثق فيها اكثر من ذلك اما النوبيرا ماشاء الله وصلت بيها لسرعة 200 بدون اي مشاكل
و شكرا
والله مشيت بالانوس 200 ربع ساعه علي اسكندريه الصحراوى عربيه باااااااااااااااااااااااا ااااااااااشا
راجع على حالة المساعدين و الكاوتش
MMamdouh
مع احترامى لكلام حضرتك الكلام ده مش سليم
راجع على العفشة عندك وزوايا العربية
انا بجيب بيها 170 ومبزودش علشان الطريق مش بيساعدنى ومش قارص على الموتور
my lanos went unstable only after 150 km/hr so check your alignment and tyres
أصلا انا اعرف ان الباور بيفصل في السرعات العالية ... صح ولا غلط ؟
لأ اللانوس مفيهاش حساس ضغوط لمكنة الباور
على ما عتقد و الباور ميكانيكى مش كهربا زى الألنترا
الف شكر ليكم يا جماعة علي الردود انا مشكلتي اني بحس ان الدريكسيون خفيف جدا جدا ولكن العربية في منتهي الثبات
و انا في اقرب وقت باذن الله هظبط زوايا وهرصص وهقولكم علي النتيجة
انا لغايه 170 ثبات زي الفل
ومن 170 لغايه 200 بلعب ساعتها فى عداد عمري
انا واثق ان قصده الدركسيون خف جدا
ان العربية عامت منه وااقل لمسه يمين او شمال كانت بتوديه
عموما مشكلتك عفشة و كاوتش و ان شاء الله هتلاقيه الثبات اتظبط
تصدقوا بقالى كتير مجربتش سرعات عالية بالعربية
يجى داخل فى 4شهور العربية ممسكتش طريق تجمع فية زى الناس اخر ظروف الطريق ال130
مش عارف الناس اللى بتالف وعاوزة تودى الناس فى داهية
اولا اللى بيقول انه مشى ربع ساعة على 200 فى اللانوس وبيقول عربية باشا
لو ده حصل فيه شىء من اتنين
يا اما عدادك فيه عيب لان ماتنساش برضو دى عربية رخيصة ومش هاى تك اوى فعدادها مش بيرفكت لان اساسا قدرة موتور اللانوس اخره فى السرعة علشان تكون عارف 170 واى سرعة على العداد بعدها يا اما العداد بيخرف يا السواق شارب وعاوز تعرف كلامى هات واحد بمرسيدس او بى ام وقول له ثبت السرعة على 190 ولو جدع هاته
الشىء التانى لو دركسيون العربية على ال 120 بقى خفيف جدا فده مش طبيعى
المفروض ان الباور فى كل العربيات الجديدة حاجة اسمها verified power steering يعنى كل ما تسرع هو يتقل علشان يديلك امان اكتر لان طبيعى العربية ولو مش باور مش بتحس بتقل دركسيون فى السرعة بالعكس بيبقى ميه ودى مشكلة البيجو القديم لكن وانت واقف الدركسيون حجر فالباور بيعمل العكس بيخلى العربية فى خالة الثبات او السرعة البطيئة سهلة التحكم جدا لكن لما السرعة بتزيد والدركسيون يخف طبيعى مش معقول الباور يزود المشكلة ويخلى العربية ريشة فى هوا فبيتقله سنة لاعطائك القدرة على التحكم فلو العكس عندك راجع دايرة الباور ونصيحة فى التوكيل
الدركسيون بيخف بعد الـ 120 كم ده طبيعى جدااا ومش بيتقل ولا حاجه
مع العلم ان العربيه بتكون ثابته ومش بتحدف خالص
واكيد اللى مركب جنوط 15 مش زى اللى مركب 13
علشان بس الناس تاخد بالها من نقطة 170 ده السرعة الامنة اللى بيوصى بيها المصنع
بعد كده عادى انت مع نفسك
واللى ماكنش الراجل تعب نفسه وكامل العداد 220 كان خالها زى 128 180 اخر العداد
المفروض ان لم السرعة تزيد الدركسيون بيتقل ومش بسهولة ان يكون زي المية معاك زي مبتقول عشان ياحلو لو في مطب هو ولا حاجة صادفك في الصرق المنيلة بتعتنا دية الي فيها العبر للعالم كلة ممكم تلاقي نفسك في حتة تاني خالص غير اتجاة السير لو ايدك اتهزة شوية نتيجة مطب الهوة
ويحدث مالا يحمد عقباة
:36_1_40[1]::36_1_40[1]::36_1_40[1]::majd(4)::majd(4)::36_7_4[1]::36_7_4[1]:
فى التأنى السلامة
على فكره اللي بيحصل ده طبيعي جدا بعد 120 مع اللانوس و مع كتير من العربيات اللي في نفس الفئة......
انت بس مش متعود تجري بالعربية بس لو جريت بيها كتير هتعرف ان ده طبيعي جدا...العربية بتبقى خفيفة بعد 120 فعلا.
انا كده الامور دخلت مع بعضها عندي في ناس بتقول ان ده طبيعي وناس بتقول ان فيه مشكلة مع العلم العربية مش بتحدف ولا بتعوم المشكلة ان الدريكسيون بيبقي خفيف جدا جدا يعني من لمسة الاقي العربية حدفت جامد علي العموم انا رايح للعفشجي بتاعي يوم الاثتنين وباذن الله هقولكم علي النتيجة
متشتتش نفسك و اسمع اللي بقولك عليه
اكشف على الاربع فرد كاوتش
وخلي العفشجي يراجع عالمساعدين
جرب لانوس تانية عند 120 عشان تعرف انت مش متعود لعى العربية ولا عربيتك فيها حاجة
MMamdouh
ظبط الكاوتش والمساعدين وشيك عليهم كويس
مستنى النتيجة
لا فى حاجة عندك مش مظبوطة اللانوس بتجيب لغاية 160 من غير مشاكل