الموضوع: النترا 2006 ؟؟؟؟

لو سمحت انا معروض عليا ألنترا 2006 عاملة في حدود 60000كيلو . و مطلوب فيها 63000ج و انا خايف منها أكشف عليها فين ، و ألنترا 2006 و لا كورولا 2005 ..... وياريت مميزات و عيوب العربيتين و شكرا

مانيوال ولا اوتوماتك

تكشف عليها في التوكيل وعند سمكري حرك

وعموم انا اشتريت وحده وقاعد في الهرم وممكن اكشف معاك على العربيه يعني بحيث اني ركبتها ومعايا وعارف عفشتها عامله ازاي

يا جماعة العربية دى فلتة من غبور منزلش ومش هينزل زيها تانى فى الفئة دى العربية معايا من الزيرو صوت موتورها ناعم ثبات ممتاز انا جبت بيها 190 ك محستش بتعويم وعلى طريق مصر اسكندرية الصحراوى قبل التعديلات الجديدة العربية دلوقتى عاملة معايا 160000 كيلو متغيرش اى جزء من العافشة حتى الان وبرغم ضعف المساعدين فى الفترة الاخيرة لاكن مريحانى فى السفر جدا طقم الدبرياج متغيرش حتى الان العربية متغيرش فيها اكتر من فلاتر وسيور وطلمبة باور بس دا كان بسبب سوء استخدامى انا لانى كنت بعصر الطارة اثناء الدوران للخلف , ربنا يباركلكو فيها والى عاوز يشتريها يجبها وهو مغمض شرط حالة العربية وربنا معاكو واسف على الاطالة بس انا عاشق للموديل ده

انا اشتريت النترا 2006 اتوماتيك فل ابشن
وحاسس ان طلعتها بطيئة وتجمعها فى الاول بطئ
والر بى ام بمجرد ما يوصل 2 صوت الموتور يبتدى يعلى
معى انى مغير الفلاتر ومنظف الحساسات
ياريت النصيحة

ممكن نوع البنزين المستخدم, ممكن الرشاشات مسدودة نتيجة رواسب, البوابة ممكن تكون محتاجة تنضيف واحتمال الى قبلك مكنش بيجرى بالعربية فا الموتور مش متفتح فا انت هتطلع طلعة بالعربية تجرى بيها مسافة طويلة والمقصود بالجرى تجميع سرعات عالية بس خد بالك من الردار

الموديل دا اكتر من ممتاز معايا موديل 2006
سحب العربية ممتاز الثبات اكتر من رائع قطع غيار متوفره وفي المتناول
صوت ناعم للموتور
بصراحة اكتر من ممتازة

العربيه ده اكثر من رائعه اى حد عايز يسأل عنها فى اى حاجه يقول لى انا معايا واحده 2005 هاى لاين فيها كل اللى انا عايزه فخامه وثبات وتسارع