شكرا لاهتمامك
انا فعلا كل الى قلتلهم و كل الى يعرفونى
بيقولولى روح لدكتور يبنى انت هتختفى !!!
عرض للطباعة
الف الف سلامه عليك يباشا بجد زعلتني والله وشفت كتير من ده فصحابي وقريبي بجد ملهاش حل غير اني اقولك لازم تروح لدكتور تغذيه زي ما الاخوة قالولك وتتعامل مع مشكلتك على انها مشكله فعلا وان الاكل هواه العلاج مش اقدر اقول اكتر من كده وياريت ارجوك متتفهش الموضوع بالله عليك متستهونش ومتستهترش بنفسك وصحتك
والله سمعت زي كلامك وده الي خلاني اسال وعلشان نتبادل اطراف تفكيرنا
هواه سمعت ان الحديد مش بيقلب اللحم عضل والمدرب ممكن ع حسب طريقته وتدريباته يخلي اللحم ينزل الاول وبعدين تربي عضل بس انا مش مقتنع حتي لو كلامه صح اكيد عايزني اجيله بس
انا عايز كلام علمي ومدروس لو اتاكدت هروح جيم مع رجيم واظبط تاني
هقولك نصايح من تجاربى يمكن تفيدك مع الاختلاف انى رياضى اصلا احنا الرياضيين مثلا لما بنبطل لعب وزننا بيزيد جامد لان الرياضى بياكل كل حاجا وبكميات كبيره فلما بيبطل استيل الاكل بيبقا ثابت بس المجهود بيقل جامد شخصيا بقا انا لما قعدت سنه مبطل مليت جامد ولما عوزت ارجع تانى بدات ريجيم خفيف مع جرى يومى حتى لو جرى خفيف زجيم باليل بس اتيل لعبك فى الجيم وانتا جسمك مليان محتاج حاجات معينه فبالطريقه ديه من بعد مكنت 90 نزلت ل75 وانا طولى 173 فقربت للمثاليه الخلاصه انك متعملش ريجيم لفتره معينه لا تعمل ليف استيل يستمر معاك علطول يمكن نتيجته متبقاش سريعه بس هتبقا نتيجه دايمه وانا سمعت ان فيه حاجا اسمها تفتيت الدهون باليزر ممكن تسال دكتور عنها اى سوال انا تحت امرك
حكاية انك تشيل أوزان خفيفة بس عدد مجموعات أكتر دي أكبر خرافة. عمر ما شيل الحديد ما هيخسسك. شيل الحديد مهمته انه يحافظ على العضل اللي عندك. للأسف ممكن تلاقي مدربين في الجيم يقولوا لك ان شيل الحديد بيحرق الدهون. كلام فاضي تماماً.
المشكلة انك وأنت بتخس، الدهون بتتحرق بس العضل كمان بيقل. عشان كده لازم تشيل أوزان عشان تحافظ على العضل. حتقولي طيب أنا أساساً مش مفتول العضلات ومش عاوز ابقى مفتول العضلات ومش عايز أشيل أوزان. مش هي دي القصة. القصة انك عندك عضل تحت الدهون وأنت مش واخد بالك ولو الدهون والعضل قلو في نفس الوقت هيكون شكلك غريب. لا حصلت رفيع ولا تخين.
كلام المدرب سليم. بس خلينا نتفق على مصطلحات. اللحم ده على فكرة عضل. أيوة، اللحمة اللي بناكلها دي عبارة عن عضلات البقرة. أنت لما قلت "لحم" كان قصدك دهون.
المهم، الدهون دي نوع خلايا، والعضل ده نوع تاني خالص.
عمر ما الدهون بتقلب عضل وعمر ما العضل بيقلب دهون.
المشكلتين:
* انك لما بتكون عايز تقلل الدهون، العضل بيقل معاها.
* انك لما بتكون عايز تزود العضل، الدهون بتزيد معاها.
عشان تخس، لازم تحرق الدهون وفي نفس الوقت تحافظ على العضل.
في الفترة دي المفروض تعمل ثلاث حجات.
1) تقلل من كمية الأكل وتغير من نوعيته (ده لوحده موضوع كبير)
2) تجري أو تسبح أو تلعب سكواش (أي مجهود يخليك تنهج وضربات قلبك تزيد) لمدة أربعين دقيقة.
3) تشيل أوزان على خفيف. (عشان تحافظ على العضل)
بعد كده بتبتدي عملية بناء العضل مع محاولة عدم تكوين دهون. بس الكلام ده بيحصل بعد ما تخس وتكون عايز تحسن من شكل الجسم وتكون عضلات.
اولا شكرااا جدا على الاهتمام و سرعة الرد
:b4_039:
ثانيا : يعنى حضرتك شايف انى اعمل رجيم و انزل الجيم برضو ولا بلاش جيم خالص و انزل وزنى الاول بعدين اروح جيم و ايه رأى حضرتك انى امشى مع دكتور:36_1_40[1]::36_1_40[1]: ولا مع نفسى كده مع انى مجرب دكتور كنت ماشى معاه لقيتة مش بيعمل حاجه الا انو يدينى ورق فيه الاكل الى حكلة بس فبطلت معاه
انا عندى مشاية و بمشى عليها كل يوم نص ساعة فى حاجه تانية تسعدنى مع المشى و الرجيم ؟؟
شكرااااااااااا جدا لحضرتك و معلش تعبتك معايا
بص يا خالد باشا....انا كان طولى 185 وكنت 68 كيلو....يعنى حاجه تكسف....وكان دراعى ده عصايه بمعنى الكلمه...
انا لا رحت لدكتور ولا اى حاجه ولا وجع دماغ....اشتركت فى جيم من حوالى سنتين.....وكنت فى الاول تعبان وبشيل البار فاضى وبشوف ناس فى الجيم حاجه خرافه بس مهمنيش (وعلى فكره السنتين دول تقريبا صفصفو على سنه وشويه لانى مكنتش بروح بسبب الدراسه وغيره)
وبعد الجيم كنت باكل كويس مش هقلك كويس جدا ولكن فى المعقول...وانا دلوقتى وزنى بقا 85 كيلو...يعنى انا زيدت 17 كيلو ودول طبعا عضل وليس fat لان العضلات باينه ومش بيغطيها فات....انا مش بقلك انى بطل ولا حاجه بس هو دة اللى انا عملته وهى دى النتيجه....
الموضوع عايز صبر مش اكتر ...انا لاخت امينو ولا هورمونات ولا اى حاجه ومعيش فلوس اصلا ومش مستعد اجازف بصحتى...بس صدقنى هتحس فعلا ان صحتك تمام دة غير مظهرك وكمان اللبس هيبقى عليك تحفه....
العمليه كلها انك تشوف جيم كويس جنب البيت وتاكل كويس بعد الجيم...والمرين يكون صح...وهتحب الجيم على فكره...وجسمك بيبتدى يتفرد بعد شهرين والعضلات بتكبر بعد كده....
لو عاوز تقلل الوقت خد مكملات غذائيه ودى مفيش منها ضرر خالص لانها بروتينات فقط بس سعرها عالى شويه.....
واسف للاطاله....:O_stupid[1]:
دكتورة نرمين احمد شريبة
عيادتها في مصطفى النحاس فوق شاورمة ابو مازن و الدوار بتاع الفطير و رقمها 0222737084
10 على 10 مظبطة الغدة الدرقية لمراتي قبل و اثناء و بعد الحمل ....... زي الفل و بقالنا معاها سنتين تقريبا ....
قبل ما تروح ..... نصيحة ..... حلل الآتي
TSH
Free T3
Free T4
مهم جدا التحليلين الاخيرين يكونوا free مش total t3, t4
لو ال Free T4 تحت ال 0.8 و ال TSH فوق الخمسة يبقى انت عندك نقص في افرازات الغدة الدرقية و محتاج تكميل لهرمونات جسمك عن طريق تعاطي اقراص تحتوي هرمون ال T4 بجرعة تجددها لك الدكتورة بحساسية شديدة (الجرعة لو قليلة مش هتعلى كفاية و لو عالية خطر عالقلب) ..... و لازم متابعة شهرية باعادة التحليل و الذهاب للدكتورة تاني لتظبيط الجرعة
نفس الكلام لو انت Low Normal
يعني ايه؟
يعني الطبيعي لل Free T4 يكون من 0.8 ل 1.8
لو انت 1.0 او اقل يبقى انت كده Subclinical
يعني انت مش مريض اكلينيكيا بالنقص بس عالحركرك و برضه محتاج العلاج
نقص افرازات الغدة الدرقية اعراضه للاسف مش مميزة و شائعة و ناس كتير مش عارفة انه عندها .... اعراضه
- ارهاق و كسل
- زيادة وزن
- ضعف الاظافر و الشعر و سقوط الشعر
- الاحساس بالغثيان من حين لآخر
- نقص الرغبة الجنسية
- الاحساس بالبرد و عدم القدرة على احتمال الجو البارد و لو بارد بشكل بسيط
يعني ممكن جدا ناس كتير تعزوها الى التعب و الشغل و الكلام ده
و على فكرة ده خطر جدا جدا جدا في السيدات لان لو حملت بدون علاج و متابعة هيتسبب بولادة جنين و العياذ بالله نموه العقلي منخفض بدرجة خطيرة ..... لازم متابعة شهرية مع تزويد او تنقيص الجرعة بمعرفة الطبيبة المعالجة للتاكد من عدم انعكاس المرض (منخفض يتحول الى مرتفع او العكس) او عدم كفاءة الجرعة و الاحتياج لزيادتها ..... و انصح المتزوجين حديثا بعمل التحليل لزوجاتهم للاطمئنان قبل الحمل و لو لا فدر الله فيه انخفاض يبقى لازم يتعالج قبل الحمل و العلاج سهل و بسيط (حبوب بالفم يوميا) ....
ممكن ايضا عمل بعض تحاليل و اشعات لمعرفة اصل سبب نقص الافرازات .
الفحوصات مثل
- تحليل الأجسام المضادة للغدة الدرقية و هرمونها في الدم
- سونار على الغدة
- و في بعض الحالات مسح ذري على الغدة او سحب عينة حية و تحليلها
..... الاسباب عادة هي:
- عدم تكون الغدة اثناء التكون كجنين في بطن الأم
- صغر حجم الغدة
- وحود اورام حميدة او خبيثة بالغدة
- نقص اليود في الجسم
- التعرض لنظائر اليود المشعة
- وجود اجسام مناعية مضادة للهرمونات التي تفرزها الغدة (مرض هاشيموتو)
لو ال Free T4 عندك فوق ال 1.8 و ال TSH تحت ال 0.5 يبقى العكس ...... عندك ارتفاع و محتاج تاخد مضادات لهرمون T4 عشان تكسره...... بعض الحالات الحرجة تحتاج احيانا لازالة الغدة تماما و الاعتماد كلية على الهرمون التخليقي (بالفم)..... و برضه لازم متابعة شهرية مع اعادة التحليل ...... و الاعراض هي بالظبط عكس الاعراض ....
- نشاط مفرط و أرق
- نقص وزن و شهية مفتوحة جدا
- زيادة الرغبة الجنسية
- الاحساس بالحر احيانا
الحمل في انخفاض الغدة الدرقية خطر على الجنين الا انه في الارتفاع خطر على الأم .... لان الحمل بيرفع اداء الغدة و هي اصلا عالية و ده حمل رهيب على قلب الأم ....... يعني برضه لازم ما نهملش المتابعة ....
ارجو ان اكون افدت
ملحوظة : انا مش طبيب و دي معلومات عامة قابلة للخطأ و الصواب ..... و يا ريت حد من الأطباء معانا هنا يراجع على كلامي