اشتريت الشيفروليه لانوس و لكن ....

**lovey_prince** · 18-09-2009 12:49 AM

السلام عليكم
اولا باركولي اانا اشتريت الشيفروليه لانوس و استلمتها امبارح و فحصتها كويس عند المعرض و لكن ....
و انا مروح بيها حسيت بصوت خبط في الجمب الشمال ورا كل ما باخد بيها نقره او حاجه تهز العربيه في الاول قلت ممكن تكون الطاسات و العده الي في الشنطه هما الي بيخبطوا فنزلت و شلتهم وحتطهم في الكنبه و لاكن بدون جدوي فقلت اما انزل و اهز العربيه من ورا و اشوف ايه النظام فمرجحتها من ورا و سمعت صوت تزييق و مش عارف من ايه و هل ده لوه علاقه بالتخبيط ولالا
شكرا

**samirayad** · 18-09-2009 12:58 AM

أولا مبروك على السياره
ثانيا
ألقى نظره فاحصه على السوسته الخلفيه الشمال
وشوف كده الجلده الفوقانيه والسفليه ( أعلى وأسفل السوسته )
موجودين الأثنين ولا فيه واحده ناقصه مثلا

لو كله تمام
روحلهم التوكيل وخليهم يراجعوا على رباط مساعد الجنب ده
أحتمال يكون عاوز تأكيد رباط عليه

**tananybasha** · 18-09-2009 01:47 AM

لما تعمل صيانة 1000 كم هيربطوا العفشة و كل حاجة هتبقى زى الفل و قلهم على الصوت و متقلقش ان شاء الله خير

**ahmedhilmy** · 18-09-2009 04:42 PM

الف مبروك

**waleedrahmy** · 19-09-2009 12:07 AM

انت في مرحلة تليين كل جزء في العربية ما تقلقش من الاصوات استني عليها شوية

**lovey_prince** · 19-09-2009 05:11 PM

شكرا ليكو كلكوا و الله يبارك فيكم و علي حسب اعتقادي ان اول صيانه للانوس بعد 5000 كم و انا شكلي هعمل كده هقولهم في التوكيل علي الصوت وربنا يسهل

**bshndi** · 20-09-2009 01:44 PM

سيدي اللورد بعد التحية وكل سنة وإننت طيب يبدو إن عندك حق في مشكلة في المساعدين أو في جلد السوست الخلفية كما قال السيد المهندس / عياد ، وباين كده علي بتوع منصور إنهم بقوا بيكروتوا في إخراج العربية من عندهم نتيجة الطلب العالي علي السيارة هذه الأيام ، أنا عندي مساعدين العربية الخلفي ميه لدرجة إني بشك في إنهم حاطين لي واحد مستعمل لأن بضغط علي عربية أوبل في الشارع نزلت بصعوبة وردت مكانها تاني بدون هزة ، لكن عندي الدنيا سايبة قولي إنت رايح التوكيل إمتي وممكن نروح مع بعض ولو أحد الأعضاء المحترمين يقولنا نحجز في أحسن فرع إيه يبقي كده المجهودات تعمل بشكل فعال ، وإوعي تقولي إنك عاوز تروح فرع الطيران لأنهم هناك بهوات وتقريبا مش فاهمين أي شيء عن البطيخ .
تحياتي