الموضوع: موضوع للسؤال عن أي شئ في اللينكس

انا بفكر اجرب الينكس بس عايز اعرف فى برنامج بيركب على الينكس زى برنامج انترنت داوتلود مانجر على تحميل الكليبات من اليوتيوب ومصراوى
لانى مقدرش استغنى عن البرنامج دة

المشاركة الأصلية كتبت بواسطة yoko

مش محتاج برنامج زي ده لإن بعد فتح الفيديو ويتحمل على الصفحة هتلاقي في فولدر الtmp

كدة يبقى هجرب
فى نسخة اوبنتوا مساحتها 100 ميجا على دى فى دى العرب اية راى حضرتك فيها مع العلم انى لسة هجرب اللينكس اول مرة فى حياتى

المشاركة الأصلية كتبت بواسطة MTAK

انا لن اسأل و لكن اضع نقاط تجربتى و ارجو الرد عليها
"و كل ما سيأتى فيما بعد هو عبارة عن وجهة نظر خاصة بى"
بس فى البدايه انا اعتبر ان نظام التشغيل ما هو الا وسيلة و ليس غاية
و لقد استعملت اوبنتو 8.10 و 9.04 و منت 6
امكانيات جهازى
1.86 ghz
512 رام
60 هارد
2 mb كاش
"عتيق شويه"
اولا المميزات
حريه "و لن اقول غير ذلك"
امان "اى تعامل بالفيزا عن طريق النت باعمله من على اللينوكس"
واجهات جميله و حركات و لعب
الى اخر المميزات اللى موجوده بكل موضوع عنه

ثانيا "اللى مش عاجبنى فيه"
اولا تعدديه فظيعه توزيعات كتيرة جدا "ممكن تكون ميزة" بس بتصبح عيب مع واحد بيبتدى او كما قلت النظام وسيله فبيبقى مش عايز يقرأ حاجات كتيرة اوى و مقارنات علشان يبتدى يختار التوزيعه
بالاضافه داخل التوزيعه نفسها هناك كذا حاجه
زى جنوم و كدى و مش عارف ايه
و المشكله معظم الناس بتقارن بينهم على اساس واجهات و اشكال للديسك توب
بس لاقيت ناس بتتكلم عن برامج خاصه و و و حاجات تانيه صعب رؤيتها فى المقارنات العاديه
-----
تانى حاجه هو انك لازم يكون معك خط نت سريع مفتوح
طيب و الناس بتوع محدودى النت امثالى يعملوا ايه
--
حاجه تانيه سورس البرامج فين
يعنى على الويندوز معاك سورساتك و فرمت و نزل تانى من الاول مافيش مشكله
انما على اللينوكس اغلي الظن تنزل تانى بس من النت
"المشكله دى حلها جزئيا لى باشمهندس محمد و لكنها لا تزال بوجهة نظرى مشكله"
مش باقول غلابة النت مظلومين معاه
----
نيجى لما يكون عندك مشكله
و تدخل على منتدى و تلاقى اللى يقولك اكتب
sudo apt ..........................
او اى سطر اخر
و تلاقى ماعملش حاجه او عمل حاجه غلط
المهم انا كده بدل ما كنت بادوس next next finish
تحولت الى
افتح الترمنال و اكتب
طبعا حلها محلول بالقراءة و لكن وجدت ان الواحد عايز يقرأ كثير و كتب كبيرة علشان يحس انه فاهم كل حاجه معناها ايه
و هو ليس غايه بالنسبه لى و بالتالى بتمل بسرعه
و تحس تقرا فى حاجه تانيه افضل او افيد
----
الحاجه اللى مجنانى مش عارف اظبط سطح المكتب زى استاذ توت
كل ما اشوف صوره اتجنن
كل ما افتح بارتشن الاقى عمل زى شورت كت له و مش عاجبنى منظره
---------
اللى مضايقنى لما اشوف ناس بتقنع ناس تانيه باللينوكس انها بتركز على المؤثرات البصريه
فكرنى لما xp طلع و الناس كانت على 98 و 95
طيب و بعدين
حاسس انها عيبه فى حق اللينوكس مع انها مش غلطته
---------------------------------------------
فى النهايه تجربه جميله و تستحق حتى لو لم استعمله كثيرا
لانها اضافت الى بعدا تعليميا جديدا و فتحت دماغى على حاجات تانيه كتير
و اشكر كل من ساعدنى لتلك التجربه فى هذا المنتدى و لا اريد ان اذكر اسامى حتى لا اغفل عن احد
و اعتذر عن الاطاله

اممم خليني ارد علي اللي مش عاجبك :)

1- تعدد التوزيعات هو عشان تعدد فلسفه بناء البرامج ! يعني مثلا لما يكون عندك اختيارات كتير احسن ما يكون عندك
هي حاجه واحده و خلاص
التعدد دا بقي بيدور بين حاجات للمبتدئين و حاجات للمتقدمين و كدا يعني :)

يعني صعب واحد اول مره يجرب يشتغل علي سلاكوير ! حتي في محترفين ممكن بيتبهدلو عشان ينزلو توزيعه زي جينتو !!
جينتو دي تنزيلها فيلم رعب اساسا !!

الفكره امسك توزيعه "اي توزيعه" اقعد عليها شويه و افهمها و بعد كدا اي حاجه تانيه حتجربها مش حيكون فيها فرق غير حاجات بسيطه

فكره جنوم او كيدي او اكس فيس او الواجهات الكتير دي جزء كبير من اللي بيحددها هو الذوق الشخصي + امكانيات الجهاز يعني كل برامج جنوم حتشتغل علي كيدي و كل برامج كيدي حتشتغل علي جنوم برضه مفيش مشكله
بس هي ذوق شخصي في شكل الواجهه اللي بتتعامل معاها و جهاز يسمحلك :)

بالنسبه لبرامج خاصه زي ما قلت ممكن تستخدم برانامج من هنا لهنا كدا يعني :)

يعني مثلا برنامج حرق الاسطوانات k3b اغلب اللي شغالين جنوم بيستخدموه عشان هو الافضل مع انه من مشروع كيدي اساسا :)
ان كنت انا شخصيا بفضل مشروع كيدي بس مش وقته اقول الاسباب هنا

2- موضوع خط النت دا نفس المشكله في ويندوز بس عشان ويندوز مفيهوش فكره المستودعات فا مش بتحسها

يعني عاوز اي برنامج بقوم داخل موقعه و احمله و بعد ما ينزل ابدأ اسطبه و كدا

الابديتس ممكن تتجاهلها بس تنزل السيكيورتي ابديتس و خلاص

3- تقصد السورس كود ؟ ولا تقصد الملف اللي هو .deb او .rpm ؟

4- موضوع سطر الاوامر دا حتحبه جدااا لو اتعودت عليه حتحبه جدااا + انه بيضيف طريقه للي عاوز ينجز او عاوز يحللك مشكله بسرعه

يعني بدل ما اقولك ادخل كنترول بانل و ادخل و اختار و علم علي ايه و كدا اسهل ولا اقوم مديك سطر كوبي بيست ؟

5- توت مشتغل علي kde و علي توزيعه PCLinuxOS حتي التوزيعه دي بتستخدم اصدار اقدم من كيدي 3.5 و احنا دلوقتي في كيدي 4.3 :) عندك الحريه حتي انك تستخدم اصدارات قديمه عادي :)

مش زي ويندوز اللي الماسنجر بيقدم بيفرضو عليك الابديت :)

6- فعلا هو دا اسلوب الاقناع مهما قلت للناس حمايه و فيروسات و حر و بتاع ولا حد حيهتم اديهم فيديو لكومبيز حتلاقي كل الناس بدأت في التحميل

مساء الخير
انا متابع بعاكوا الموضوع من أولة ومستمتع جداً بالاسئلة والردود المبنية على خبرة فعلاً موضوع ممتاز
اسمحولي اشارك معاكوا بالسايت ده لانه مفيد جداً
Linux Online - Applications
بيحتوى على مجموعة هايلة من البرامج اللي ممكن تستخدمها مع اللينكس
تقبلوا تحياتي