-
أرجو المساعدة ( جين 2)
السلام عليكم
كل سنة وانتم جميعا بألف خير - عيد فطر مبارك عليكم
ياريت المساعدة يا شباب فى ان انا عاوز اشترى جين 2 مستعملة استعمال زيرو يعنى ماتعديش 20 الف ك وتكون اوتماتيك فول ابشن .
ياريت لو يعرف اذا كان التوكيل بيبيع عربيات مستعملة ولا لاء ؟؟
وكمان لو حد قدامه عربية بالمواصفات دى يقولى .
وكمان حد يفهمنى حته ان صوت الموتور عالى شوية دى ايه بالظبط وهل دى كانت فى موديل 2006 بس ولا فى كل الموديلات ؟؟؟..
رجاء تعزرونى ان انا على قدى قوى فى موضوع العربيات كمان دى ان شاء الله هاتكون أول عربية ليا .
بس طبعا اكيد انتو عارفين ان الجين تو بتخطف الانظار على طوووووووووووول .
انا اسف لو الموضوع ده حد سأله قبل كده ..
وكمان سؤال : لو انا روحت اشتريها مستعملة اعمل تشيك على ايه قبل ما أوديها التوكيل يشيك عليها.
وهل التوكيل بيعمل تشيك على العربية بجد ولا اى كلام وبعد كده البس فى الحيط ؟؟؟
شكرا لكل الاعضاء .
-
متابع للاهميه لاني انا كمان زيك بالظبط بس الفرق اني عايزها منوال
-
طب يا استاذ ايمن ممكن نتعاون فى الموضوع ده .. ؟
-
فعلا التوكيل بيبيع يوسد و مفايش حاجة بالمواصفات الي انت عايزها موجوده دلوقتي
بالنسبة للصوت هو مش عالي ولا حاجة هو سبور شوية بس يعني مش ناعم
بالنسبة للتشيك لازم تعرف الاول هل رشة برا ولا لا و هكذا رشة جوة ولا لا و رشت ليه و فين وتابع الصيانة فين و لو كل دا تمام تشوف التوكيل
-
صباح الانتشار يا جين يا منتشرة ( ربنا يستر )
طبعا محمد قال المفيد وزيادة
-
انا كان قدامى جين 2 موديل 2008 عاملة 12 الف كم فابريقه بره وجوة واتوماتيك فول اوبشن سوده وكانت فى معرض وقالى صاحبها طالب 80 الف جم بس ده طبعا قابل للتفاوض . تفتكروا ممكن تخلص على كام ؟
وفى واحدة تانية نفس لمواصفات بس لونها نبيتى وقالى فيها خربوش وعاملة 22 الف كم وقالى طالب 75 الف جم وبرضه الكلام ده قابل للتفاوض .
ياريت لو فى حد اشترى يوسد قريب يقلنا الاسعار تخلص على كام .
شكرا لكل الاعضاء على اهتمامهم وردهم .
-
هي ال 80 دي ممكن توصل ل 77 تبقى كويس جدا
و التانية 73 كويس جدا بردوا
-
أنا عندي جين 2 2009 اوتوماتيك فول اوبشن عاملة 9500 كم انا مش عايز ابيعا بس بفكر ممكن ابيعا بكام: أعتقد في حدود ال 75-80 ألف , بالنسبة للصوت , موديل 2009 صوته هادئ جدا وبرضه لو بتحب الصوت يبقى تقرص عليها الصوت يعلى شوية زيها زي أي عربية , فعلا الصوت بقى هادي كتيير رغم اني اعتقد معظم الناس بتحب الصوت الاسبورت العالي - وانا مش منهم - عشان كده فرحت اما اشتريتها ولقيت صوتها هادي.
طبعا لازم تشيك على العربية عند حد بيفهم وتجرب كل حاجه فيها وتمشي بيها كمان وتسمع صوتها.
أرجو اني أكون أضفت لمعلوماتك حاجه وربنا يوفقك.
-
احمد عمارة
شكرا على اهتمامك وربنا يكرمك
بس لو بتفكر تبيع انا ممكن اشترى منك ونتكلم
محمد عبد العال
مش عارف اقولك ايه .. ربنا يخليك ..دايما بتبدى اهتمام بالاستفسارات .
-
في جن 2 2008 هاي لاين اللي هي بالعتب والكساحات ومثبت السرعه واوتوماتيك طبعا مافيهاش اي مشاكل ابدا ماشيه 60000 كم
العربيه مع واحد من اسيوط وتشوفها زيرو فعلا ماشاء الله لدرجة انه مغير كل حاجه في التوكيل وكمان غير الكاوتش على 50000 كم
طالب فيها 85000 جنيه الاخر
تحياتي
Content Relevant URLs by
vBSEO 3.6.0 PL2