سبراي حماية جسم السيارة في السفر (عاجل)

**عبد الرحمن اسامه** · 18-09-2009 03:18 PM

أرجوكم يا جماعة انا في السعودية و امبرح اشتريت سبراي حماية السيارة اسمه ماجيك كوت، بيكون شفاف علي جسم السيارة، اشتريته ب60 ريال قالي هيكفي مرة تانية معاك.
لما جيت جدة روحت اغسله تاني يوم ماوصلت علي طول قالي مش هيطلع غير بالصبون و انا عارف انه الصابون مع الشمع غلط علي بوية العربية، بس اعمل ايه اضطريت اوافق، و مش ملاحظ اي مشكلة حصلت في البوية.

هل استخدمه مرة تانية و انا راجع. و اشيلة بالصبون ولا احط حاجة تانية تكون بتتشال بالمية بس، مرة حطيت حاجة كده كانت ب10 ريال الرشة، مرة كان لونها بني و مرة عملتها كان لونها اخضر.

ايه رأيكو يا جماعة الحقوني انا خايف علي بوية العربية اوي.

انا همشي من هنا 2 يوم العيد، ارجوكم حد يرد قبل المعاد ده.

**medozaed** · 18-09-2009 11:17 PM

انا شوفت حجات جلد بتركب على كبوت العربيه من الامام بتحمى العربيه من الرمال بتركبها اثناء السفر بس مش عارف دى بتتجاب جاهزه ولا بتتفصل على كل عربيه هى بتخلى شكل العربيه وحش بس بتهيالى انها عمليه عن الرش بالاسبريه

**MoToRiZeR** · 19-09-2009 12:16 AM

انا أول مرة أسمع عن السبراي ده فا مش هقدر أفيدك للأسف .

**عبد الرحمن اسامه** · 19-09-2009 01:45 AM

شكرا يا جماعة، مستني ردود تانية

**zoro3027** · 17-02-2010 10:36 AM

أنا شوفت فى ليبيا بيعملو حاجة غريبة شوية لما يكونوا مسافرين مسافات طويلة وطبعا الجو هناك غير مصر خالص يعنى العواصف الرملية دى حاجة عادية جدا والرمل دة طبعا هو المادة الاساسية اللى بيتصنع منها الزجاج يعنى سعدتك تخيل حضرتك ماشى بسرعة 160 او 170 و دى طبعا سرعة عادية هناك وقدامك كومبيرسور رمل بيضرب فى بوية العربية طبعا بيخلى الدهان يجرب ومرة مرة بيتشال الدهان خالص وانا شخصيا شوفت عربيات كدة هما بقى فى ليبيا علشان الظروف المادية لبعض الناس مش ولا بد بيقوموا بتشحيم العربية بالشحم قبل السفر ودة بيكون عامل طبقة حماية لبوية العربية و لما توصل بالسلامة للمكان اللى انت رايحة تروح محطة بنزين و تنضفة وبكدة تحمى عربيتك بس دة طبعا للناس اللى بتسافر فى الطرق الصحراوية النائية لمسافات طويلة و معرضيين للعواصف الرملية

**hosar** · 22-02-2010 01:33 PM

جميلة جدا فكرة الشحم دى

**Eng.Sameh** · 22-02-2010 01:37 PM

صحيح . هوه الجزء الجلد اللي بيتركب على وش العربية ده بيجي منين ؟؟؟؟؟؟؟

**gemy215** · 23-02-2010 07:34 PM

انا اول مره اسمع عن الاسبراي الشفاف دا بس بتئهلي انو اكتر حاجه انتشار هوا الرش الي لونه بني شويه دا كنت بشوفه كتير جدا وتاني حاجه حكايه الجلد الي بيركب علي الكبوت دا كمان وممكن حضرتك تسأل عليها في الغرابي في الرياض عند الناس الي عندها فرش السيارات