الموضوع: توكيل لا يطبق سياسة الامان و الجودة

بكل موضوعية هناك نقاط اريد ان اشير لها فى توكيل عز العرب :

حدث بالفعل :

1- فى صياتة عربيتى الجين تو موديل 2009 " صيانة 5000" حدث معى موقف غريب لم اصدقة من توكيل بحجم عز العرب. بعد استلامى العربة وجد انهم كتبو فى ال job ان العربة بها حدفة يمين. ذهبت الى شل المعادى الأتاكد عندما قام العامل برفع العربة وجدت ان هناك تسريب زيت من الكارتيرة حيث انهم نسو ا فى التوكيل الصامولة مرحرحة.

2- عند صيانة ال 15000 منذ يومين فى رمضان استلمت العربة من المهندس سيد و قال لى انهم غيرو الدسك الأمامى و التيل . و عند صباح اليوم التالى نظرت على الدسك غذا بى اجده به الكثير من الصدى من المنتصف و به بعض النقر .

ماذا فعلت فى كل موقف :

1- قمت بالأتصال ب مهندس امر و كان شديد الإحترام حيث قال لى العربية دى بتاعتنا و الغلطة مش هاتتكرر " راجل بجد محترم يعرف حقوقه مع العاميل و واجباته نحوه"

2- اما فى الموقف الثانى توجهت الى مهندس سيد فى موضوع الديسك فقام بسرد و شرح الكثير من النظريات المتفبركة فى علم الديسكات و عندما وجدنى فاهم الى حد ما قال لى توجه الى مهندس احمد مرزوق مدير الصيانة و عندما قام بمعاينة الديسكات قال لى انه حقى و يجب تغيره و لكن بعد الهيد حيث انهم فى ضغط عمل رهيب ... تفعمت وجهة نظره و دار بيننا حوار باسم " راجل بجد محترم يعرف حقوقه مع العاميل و واجباته نحوه "


و لاكنى اريد ان تكون الجودة فى العمل لدى الوكيل من اول مرة بمعنى اننى لا يجب ان اذهب مرتين او اكثر لنفس الشىء و إلا ما فائدة التوكيل و مشوار التوكيل.

و مع ذلك فإنى اشعر ان كوادر توكيل بروتون فى تقدم مستمر حيث هناك الكثير من الأسماء الشديدة الإحترام مثل مهندس أمين , مهندس سيد , مهندسة إيمان و الكثير منهم.

كل عام و خضراتكم بخير و تحياتى الى أعضاء النتدى اللاكثر من محترمين

Rajy

المشاركة الأصلية كتبت بواسطة mantoros

أشعر انكم تتعاملوا مع الموضوع ببساطة غريبة اوي الي درجة السلبية!!!!!
انا لو حصل الموقف الاول او الثاني كنت قلبت الدنيا و بعت -e-mails و قابلت المديرين و جبت الصنايعي من قفاه و جبت جزاء للمهندس المسؤؤل
يعني ايه زيت يتسرب بسبب صامولة مفكوكة و يعني ايه مهندس محترم يقول غير حاجة و هو ما غيرهاش!!!!
السلبية بتاعتنا دي اللي موديانا في داهية و غيركم كتير عربيتوا حتقع تحت ايديهم و ممكن ناس تموت بسبب اهمالهم و سكوتكم .اصل احنا اول ما مصلحتنا تنقضي نسكت و نشتري دماغنا.
انا لسة مستلم التيجو لزوجتي من ابو غالي و لما جيت في المعاد قالولي ان استني الاسبوع اللي بعده و حسيت ان في تأخير مقصود لمصلحة غيري!!!! المهم فورت المكان....بعت e-mail للمديرين في ابو غالي و قدمت شكاوي و تاني يوم الصبح كانت العربية جاهزة !!!
و ده كان قمة الاحترام انهم اهتموا و قروا الميل و اثنين مديرين كلموني.....بس ده كمان عشان انا مكنتش سلبي.

و خلونا نتغير و نغير الغلط من حولينا عشان ربنا يرضي عنا و بلدنا تكون احسن بينا

و كل عام و انتم بخير

عندك حق في كل كلمه قلتها المصريين سلبيين جدا ويستاهلوا الي بيجرالهم بسبب سلبيتهم وانهم مايعرفوش حقوقهم