الكابوس لسيد أبو حفيظة , ساخر , كوميدى , دمه خفيف , وبالذات حلقة شيف المطبخ لطبخة ( المرار الطافح )
عرض للطباعة
الكابوس لسيد أبو حفيظة , ساخر , كوميدى , دمه خفيف , وبالذات حلقة شيف المطبخ لطبخة ( المرار الطافح )
كرومبو الأصلي جدا
القبطان عزوز لأنه مبتكر و جديد
ونيس
ابن الأرندلي
الباقي كلام فارغ و خصوصا برامج المقالب السخيفة المدبرة زي 100.7 بتاع هنا شيحة و بركات و طارق علام و كده
و كل سنة و انتم طيبين
حاولت احب اى حاجة واندمج معاها بس للاسف معرفتش..لانى متابع السينما والافلام الاجنبية بشدة فعند تحويل الدفة الى الافلام والمسلسلات والبرامج المصرية بحس بجدانهم بيشتغلونا و انى اتفه من التفاهة وبضحك على مدى السطحية اللى انافيها-راييى الشخصى-
الحوار اليومي مع عمر الشريف دسم جدا على فكرة و ممتع.
مسلسل ونيس فقط
البرامج عمرو خالد
وبرنامج خواطر لاحمد الشقيري علي الرساله
وغير كده ولا بشوف ولا عايزه اشوف
الحقيقة مش متابع حاجة
انما اكتر حاجة كنت بشوفها
برنامج الداعية عمرو خالد -قصص القرآن 2
وبرنامج الداعية أحمد الشقيري - خواطر 5
وبرنامج الشيخ محمد العوضي - بيني وبينكم
وأنا كمان والله ... الحمد لله الذي عافانا من هذه العفانة
وبجد قصص الأنبياء لعمرو خالد تحفة ... ربنا يباركله ... تحليل رائع ومعاني قيمة وربط أحداث عبقري
ربنا يجعله في ميزان حسناته
بص الصراحة أنا من عشاق محمد صبحي وأعتقد أنه أكتر ممثل أنا بحبه ...
بس رأيي في المسلسل إنه فاشل في التصوير والإخراج والكلام مقطوع وبيقلب على مشهد وبداية المسلسل ونهايته سيئة جدا جدا جدا ... وبرضه محمد صبحي واقع في أخطاء أخلاقية كتير أوي زي مثلا لما كان قاعد عند اللبنانية في شقة لوحدهم بحجة إنها تعلمه أنجليزي ... رغم إن ده لا من الأصول ولا من الدين ولا حتة من الرجولة ....
المسلسل في رأيي أسوء جزء من الأجزاء ... وحاسس إنه الأول كان أحسن وأكثر إحتراما
بالمناسبة انا الحمد لله مش بتفرج على الدش لا في رمضان ولا بعد رمضان ... بس حبي لمحمد صبحي خلاني أنزل الحلقات من على النت بحيث أتفرج عليها بمزاجي ماتربطنيش بوقت معين
انا الى شدنى فى رمضان مسلسل افراح ابليس .....وبالغصب ساعت الفطار كرومبو ....ورامز حول العالم دة مشكلة بس للاسف مكنتش بعرف اشوفة كتير
بس الواد دة دمة زى العسل ...............