انهى احسن فيات اونو ولا 128

**blue_1177** · 21-09-2009 04:59 PM

المشاركة الأصلية كتبت بواسطة amrbakly

يا راجل اتقي الله و جالك قلب فعلا علي رأي سمسم

يعني انت مفرملتش قبل كدة بـ 128 و العربية زحفت معاك، ولا مثلا مجربتش تاخد غرزة علي 60 و تشوف التعويم اللي يحسسك انك راكب عوامة جمصية (من جمصة) رائعة

شوف من الأخر الأونو واخدة كل مميزات الـ 128 و اللي هي فعليا ميزة واحدة و هي رخص قطع الغيار، ما عدا بصراحة الإكسسوارات اللي برة لأنها تقريبا من حيث الفوانيس و الإكصدامات و القصص دية نفس اسعار الهيونداي مثلا، إنما الميكانيكا نفس اسعار الفيات القديم تقريبا

اما بقي عن مميزاتها هي شخصيا، بالميت حتضمن انك تجيب 120 مرتاح بدون اي مجهود و انت محمل العربية، كمان حتضمن تركب 4 بني أدمين مرتاحين لأنها مثلا أوسع من البولو و الإيبيزا و الكليو و الأي 10 و الأتوس و البرايد ( دول اللي ركبتهم و قارنت بيهم)، ثانيا سقفها عالي

كمان سحبها كويس بدون تكييف و لو بتكييف علي السرعات العالية مفيش اي فرق

و اكملك لما ارجع بليل

اصل دى ان شاء الله هتبقى اول عربيه اشتريها وانا لسه جديد فى موضوع السواقه دا ومعرفش اى حاجه عن الميكانيكا فعاوز عربيه تبقى سهله ومتتعبنيش وفى نفس الوقت متبقاش مكلفه وشكلها يبقى شبابى وكان ليا سؤال بالنسبه لفوانيس الاونو اللى ورا هل فى منها اشكال مختلفه تروش العربيه كده
وعلى العموم انا فى انتظار حضرتك تكمل

**amrbakly** · 22-09-2009 04:10 AM

المشاركة الأصلية كتبت بواسطة blue_1177

اصل دى ان شاء الله هتبقى اول عربيه اشتريها وانا لسه جديد فى موضوع السواقه دا ومعرفش اى حاجه عن الميكانيكا فعاوز عربيه تبقى سهله ومتتعبنيش وفى نفس الوقت متبقاش مكلفه وشكلها يبقى شبابى وكان ليا سؤال بالنسبه لفوانيس الاونو اللى ورا هل فى منها اشكال مختلفه تروش العربيه كده
وعلى العموم انا فى انتظار حضرتك تكمل

ما هو انا برضة الأونو دية اول عربية ليا، بص العربية مريحة و كويسة، بس نصيحة خلي ايدك فيها علي طول متسبش حاجات لحد ما تكبر و تمشي بنصيحة الناس اللي تقولك لما تقف صلحها

بالنسبة لموضوع وش الفانوس مش عارف بس اساسا وش الفانوس بتاع الأونو اللي ورا غالي اصلا، دة المضروب بخمسين جنية فمش عارف بقي اللي فية شغل يبقي بكام

كمان من ضمن مميزات الأونو سهولة الصيانة و تحديدا لو كاربيراتير مش حتلاقي معاها اي مشكلة في القصة دية، مشكلتها بس ان عفشتها ناشفة فعلا حبتين

العربية من اول 89 لحد 93 كاربيراتير ايطالي
من اول 94 لحد 99 كاربيراتير بولندي
من اول 2000 لحد 2002 ما بين هاف انجكشن و انجكشن( مش متأكد قوي) بولندي برضة

من بعد كدة الشكل الجديد برازيلي 1300 سي سي فاير انجكشن

بالنسبة لموضوع الكماليات في منها تكييف و فوج لايت و 2 قزاز كهربا و دية نادرة شوية

غير كدة العادية و دية من اول البولندي كلها فيها سنتر لوك كمالية اساسية.

بس لو عندك اسألة تاني اسأل يا ريس

**blue_1177** · 22-09-2009 05:39 AM

المشاركة الأصلية كتبت بواسطة amrbakly

ما هو انا برضة الأونو دية اول عربية ليا، بص العربية مريحة و كويسة، بس نصيحة خلي ايدك فيها علي طول متسبش حاجات لحد ما تكبر و تمشي بنصيحة الناس اللي تقولك لما تقف صلحها

بالنسبة لموضوع وش الفانوس مش عارف بس اساسا وش الفانوس بتاع الأونو اللي ورا غالي اصلا، دة المضروب بخمسين جنية فمش عارف بقي اللي فية شغل يبقي بكام

كمان من ضمن مميزات الأونو سهولة الصيانة و تحديدا لو كاربيراتير مش حتلاقي معاها اي مشكلة في القصة دية، مشكلتها بس ان عفشتها ناشفة فعلا حبتين

العربية من اول 89 لحد 93 كاربيراتير ايطالي
من اول 94 لحد 99 كاربيراتير بولندي
من اول 2000 لحد 2002 ما بين هاف انجكشن و انجكشن( مش متأكد قوي) بولندي برضة

من بعد كدة الشكل الجديد برازيلي 1300 سي سي فاير انجكشن

بالنسبة لموضوع الكماليات في منها تكييف و فوج لايت و 2 قزاز كهربا و دية نادرة شوية

غير كدة العادية و دية من اول البولندي كلها فيها سنتر لوك كمالية اساسية.

بس لو عندك اسألة تاني اسأل يا ريس

شكرا ليك يازعيم بس كنت عاوز اعرف الاونو لو حالتها كويسه دلوقتى تعملها كام ؟
وكل سنه وانت طيب

**amrbakly** · 22-09-2009 06:10 AM

المشاركة الأصلية كتبت بواسطة blue_1177

شكرا ليك يازعيم بس كنت عاوز اعرف الاونو لو حالتها كويسه دلوقتى تعملها كام ؟
وكل سنه وانت طيب

بص يا ريس انا بقالي فترة مش متابع سوق العربيات بتركيز، بس شوف علشان متتخدعش قوي السوق مش واقع قوي زي ما الناس فاكرة و خاصة لو العربية حالتها كويسة لأن اللي معاه عربية حالتها كويسة النهاردة بيتنطط علي الناس و كمان لأن الزيرو عمال يطلع مبينزلش و متصدقش اللي يقولك السوق بينزل لأن اللي بينزل هو العربيات اللي مش لينا مثلا عربية تمنها 200 الف تبقي 195 مثلا ولا بتاع دة ميعتبرش نزول

خدعة ان السوق واقع دية خدعة عملها التجار علشان يوقعوا الغلابة اللي زينا يشتروا منهم رخيص و يبيعوا غالي

بس اعتقد انها بتلعب من 25 لحد 30 مثلا حسب الحالة

**semsem_uno** · 22-09-2009 01:06 PM

من 22 لحد بتاع 27 الف

**blue_1177** · 22-09-2009 04:17 PM

شكرا يارجاله وربنا يسهل والاقى حاجه حلوه كده انا ناوى اشترى ان شاء الله على العيد الكبير لو حد بقى ادامه حاجه حلوه يبقى يقولى
والمبلغ المتاح هيبقى فى حدود 25 الف ان شاء الله

**shshtawy** · 23-09-2009 01:55 PM

بجد الرجاله قلولك الى فيه الكفايه وبجد احسن عربيه انا ركبتها
والله العظيم انا بتطلع بيها على الدائرى مبقلش عن ال 140
ومره جبت بيها 160 على الصحراوى
عربيه بسم الله ما شاء الله تحفه
اقولك انا الميكانيكى بتاعى بيحب يشتغل فيها الحوض بتاعها واسع جدا والموتور ممكن تشيله على ايدك
واقولك كمان فيها حاجه غريبه مش عارف ده ميزة ولا عيب لما بتجيب العربيه سرعات عليا مش بتحس انك جايب السرعه دى غير لما تبص فى العداد انا بسوق على طول عربيه زوج اختى ميجان طبعا عربيه تحفه بس انا لما بجيب ال 100 بحس بسرعه العربيه انما الاونو والله العظيم مش بحس بال 100 خالص فيها وتجميعها جميل جدا واعطال نادره والحمد لله

العضو الفاضل الرجاء مراعة كتابة لفظ الجلالة و المشيئة بالطريقة الصحيحة
________________________________________
مشرف الأوروبى 1

**egyptawy2010** · 23-09-2009 03:34 PM

طيب هى uno موديل 2000 تعملها كام وياريت حد يقولنا هى احسن ولا كيا برايد
برضه ياريت حد عنده صور لها يدينا فكرة عنها

شكر وكل سنة وانتم طيبين

**monsif** · 23-09-2009 04:41 PM

المشاركة الأصلية كتبت بواسطة blue_1177

السلام عليكم
عاوز اعرف الفيات اونو 1000 سى سى احسن ولا 128 1300 سى سى موديل تسعينات
اصلى حاسس ان الاونو ضعيفه اوى وخصوصا انها 45 حصان

الأونو أيطالى و ال 128 مصنعه فى مصر.
الأونو فيها تكييف .
الأونو قطع غيرها مش غاليه أوى بالنسبه للجوده بتاعتها
أستهلاك الاونو أحسن فى الوقود
الأونو أسرع
من الأخر الأونو أحسن

**monsif** · 23-09-2009 04:47 PM

المشاركة الأصلية كتبت بواسطة blue_1177

طيب الاونو افضل ولا كيا برايد هاتشباك وخصوصا انهم فى نفس السعر تقريبا

الأونو طبعا , البرايد دى عربيه العواجيز فى رأيي . غير طبعا أنى منحاز للفيات لأن ده القسم بتاعنا.

الموضوع: انهى احسن فيات اونو ولا 128

LinkBack

أدوات الموضوع

عرض

-

-

-

-

المواضيع المتشابهه

سؤال عن فيات اونو 93انا معرفش حاجة في العربيات والنهاردة شوفت اونو 93 على 27500 حالته

انهى لاب توب احسن واحد

انهى موتور احسن و انهى عمره اطول

انهى احسن ال سيفيك 92 ولا ال crx ؟؟؟

مين احسن كيا برياد العصفورة ولا فيات اونو

الكلمات الدلالية لهذا الموضوع

المفضلات

المفضلات

ضوابط المشاركة