إزالة الأسمنت الملتصق بالسيارة (تحربة شخصية)

**tebeeb** · 18-09-2009 11:10 PM

فجأة اكتشفت العديد من بقع الأسمنت ملتصقة بجسم الشيارة على السقف والشنطة.
و طبعا لأن الأسمنت كان ملتصقا بالصاج، لم تفلح محاولة إزالته.
وهنا بدأت رحلة البحث عن وسيلة لإزالة الأسمنت.
بداية ذهبت إلى المشحمة، وكان ردهم أنهم لا يستطيعون إزالة الأسمنت.
ثم سألت من لهم خبرة بموضوع السيارات فدلوني على ورشة متخصصة بتنظيف السيارات، وعند الاتصال بهم أخبروني أن الموضوع سيتكلف 300 جنيه.
عندها لجأت للبحث على الشبكة الدولية ولم لأحصل على إجابة شافية، فقلت أحاول البحث باللغة الإنجليزية، ووجدت أحد الإجابات يؤكد وبشدة أن الخل العادي يمكنه فعل ذلك!
إذن علينا وعلى السوبر ماركت و اشتريت زجاجة خل بجنيه وربع، وباستخدام بعض المناديل وضعت كمية من الخل على أول بقعة، وانتظرت قليلا ثم بدأت مسح البقعة، وكانت المفاجأة أن الخل فعلا يذيب الأسمنت واختفت البقعة تماما.
وبعد حوالي ساعة من العمل برفق وحرص حتى لا أخدش الدهان بحبات الرمل تمت إزالة بقع الأسمنت بالكامل.

حبيت أنقل لكم هذه التجربة للإفادة، وربنا ما يحوج حد فيكم ليها.

**Ignition-Kid** · 18-09-2009 11:56 PM

Thanks ,much appreciated

**MoToRiZeR** · 19-09-2009 12:03 AM

أشكرك علي نقل التجربة .. و حرصك علي إيجاد حل عملي بنفسك بدون إستعجال
لأن أغلبية الناس في موقف زي ده يا هيخربشوا الأسمنت عشان يطلع و يبوظوا العربية .. يا هيدفعوا ال 300 جنيه !

**sleepyhammer** · 19-09-2009 12:06 AM

ألف شكر على المعلومة المفيدة جدا
ومبروك على ازالة الاسمنت

بس هل الخل مياثرش على لون العربية ؟؟؟؟

**ossamahelmy** · 19-09-2009 12:08 AM

الله ينور عليك

**SeMo_SiRiOnY** · 19-09-2009 12:17 AM

الف ميروك لازالة الاسمنت
فعلا حل اكتر من رائع لمشكلة صعبة فعلا

**D . a .\ AYMAN** · 19-09-2009 02:01 AM

الف شكر على الخبرة الرائعة اللى أفتدنا بيها

موضوع جميل جدا بصراحة

المشاركة الأصلية كتبت بواسطة motorizer

أشكرك علي نقل التجربة .. و حرصك علي إيجاد حل عملي بنفسك بدون إستعجال
لأن أغلبية الناس في موقف زي ده يا هيخربشوا الأسمنت عشان يطلع و يبوظوا العربية .. يا هيدفعوا ال 300 جنيه !

أنا من أول الموضوع ولما وصلت لحتة الـ 300 جنيه دول قلت ليه ؟؟؟؟؟؟!!!!!!!!!!!!! ... أنا أشيلهم بإيدي إنشالله أشيل البوية وأروح أرشها تاني على نضافة يبقى أحسن ... وطبعا أنا لو في الموضع ده بيتهيئلي كان ممكن أعمل كده فعلا ... جزا الله صاحب الموضوع خيرا عليه