انا عاجباني ال a516 بس الناس بتخوفني منها وبيقولوا ان الصاج بتاعها ورق عاوز رأي اصحاب العربيه واللي مجربينها وشكرا مقدما
عرض للطباعة
انا عاجباني ال a516 بس الناس بتخوفني منها وبيقولوا ان الصاج بتاعها ورق عاوز رأي اصحاب العربيه واللي مجربينها وشكرا مقدما
الحكاية مش حكاية صاج
الموضوع اكبر من كدة
عربية يعني موتور وعفشة وعوامل امان واسم
وانا شايف سعرها يجيب حاجة مستعملة ياباني او كوري
ناس اشتكت منها و ناس بتقول زى الفل و الله اعلم
لا انا سمعت ان عبشتها كويسه وموتورها متسيوبيشي مفيش عيب فيها غير انها صيني والصاج بتاعها ورق
انت لو جيت للحق فكل العربيات الزيرو الحاليه كلها ورق مش الاسبرانزا بس
هديك مثال واقربها العربية الفيرنا ربنا يبعد عننا شر الطريق شوفت لها حوادث كتير
لما شوفتها حسيت انها علبة كنز بيبسى كأن طبقتها بايدى يعنى صفيح خالص
طب ياريت تبقى صاج كانت هتكون امتن شوية
العربية مع خالى و زى الفل
استلام شهر 12 /2008
و خالى سواقته زى الزفت و مبيروحش التوكيل و بيعمل الصيانة برة
و الحمد لله العربية ماشية زى الاكس
ممكن تزود حاجة بسيطة و تجيب الاسبيرانزا m11 افضل من 516
متنساش الاستخارة
العربية حلوة و صاجها مش هيبقى أخف من اللانوس والفيرنا يعني...وأكبر دليل على نجاح هذه العربية هو انتشارها كتاكسي أبيض..أنا لما ركبتها حسيت بالقوة و الراحة...
بالنسبة لموضوع الصاج ، الاسبرانزا صاجها مقارب للهيونداى بس أمتن شوية ، انا قعدت على سقفها متهزش
متور ال 516 تكنولوجيا ألماني تجميع نمساوي و ال 620 هي الميتسوبيشي Galant
من كتر اللى قرأته على a516 استنتجت انها ارزاق يعنى انت وحظك
لكن هى عربية كويسة بالنسبة لسعرها ومنتشرة جدا فى وقتنا الحالى
وطبعا لو بتدور على الاوبشن والكماليات مفيش حاجة زيها فى نفس سعرها
لكن لو مش مهمة عندك الاوبشن والكماليات وبتدور على الاقتصادية فى قطع الغيار
وسعر اعادة البيع انا ارشحلك اللانوس افضل
وربنا يرشدك للاختيار الامثل
هي انتشرت=تبقي اكيد عربية مش وحشة