فيه جامعة اسمها modern university كنت عايز اعرف اروحلها ازاى هما بيقولوا بعد كارفور
عرض للطباعة
فيه جامعة اسمها modern university كنت عايز اعرف اروحلها ازاى هما بيقولوا بعد كارفور
انت ساكن فين
عموما اركب اى حاجه رايحه القاهره الجديده او السلام وقله نزلنى عن الاكاديميه هاينزلك
لو جاي من الدائري من مدينة نصر في اتجاه المعادي
هتلاقي برج سما على يمينك لونه أزرق وزجاجي ومميز جداً
بص على يمينك بعده ب2 كم
هتلاقي نادي الصيد الجديد بالقطامية
بعد نادي الصيد هتلاقي بنزينة وطنية
خش الشارع اللي جنب بنزينة وطنية وخليك مع اللوحات الإرشادية
حوالي 1.5 كم تقريباً
لو جاي من المعادي هتنزل نزلة كارفور بعد محطة إمارات مصر
وانت عند إمارات مصر بص على شمالك هتلاقي بنزينة وطنية قدامها بالضبط
هتطلع من الناحية التانية
وهتدخل من جنب بنزينة وطنية زي الشرح السابق
وخلي بالك اليفط مكتوب عليها
الجامعة الحديثة mti
وتوصل بالسلامة
شكرا ليكم على مساعدتكم
انا من منوف وبوصل لغاية الدائرى . هل لو ركبت اى حاجة رايحة للسلام تودينى ؟
انت جاي مواصلات
بص يا سيدي
الحل الأسهل
تركب للسلام
ومن السلام تركب دائري حلوان
وركز على دائري لأن فيه السلام حلوان أوتوستراد
وقوله ينزلك عند الجامعة الحديثة أو عند بنزينة وطنية
أو ممكن تركب السلام المنيب دائري
ولو تعثرت المسائل فلم تجد ميكروباصات حلوان أو المنيب
ممكن تركب من أول نفق السلام
المنيب أو زهراء مدينة نصر
وعند الزهراء غير بميكروباص المنيب
وتوصل بالسلامة
وفي طريق العودة
تركب أي ميكروباص إلى كوبري المنيب
ثم المترو إلى شبرا الخيمة أو المظلات فعبود
زي ماتحب
وتوصل بالسلامة
متشكر جدا د/احمد
وبصراحة وصف تفصيلى حقيقى
وبالنسبة للجامعة الحديثة فهى لسه جديدة وحتفتتح السنة دى وهى غير الاكاديمية الحديثة