الوداع يا يابان - سرى للغاية -

**محمد محمد** · 20-09-2009 09:48 AM

المشاركة الأصلية كتبت بواسطة dr ahmed abdelghany

هى اليابان استكبرت على إنتاج العربيات وللا إيه؟
أمال انتاج اليابانيين بيروح فين دلوقت؟

تركيزهم دلوقتي بقي علي انتاج السيارات الهجين اللي بتشتغل بالكهرباء وده علشان نوع جديد فبيفضولو المصانع الرئيسية اللي عندهم دى عالم دماغها شغالة 24 ساعة يا دكتور.

**sa3dawy** · 20-09-2009 10:33 AM

انا مش شايف اى مشاكل ... المهم انها ... تويوتا ... صانع السيارات الاول فى العالم ;)

**Samir Elshahawy** · 20-09-2009 10:41 AM

علي فكرة العربيات الياباني زي (لانسر - تويوتا - هوندا) بيتم تجميعها و تصنيع نسبة كبيرة منها في مصانع (ميتسوبيشي - تويوتا - هوندا) الموجودة خارج اليابان في دول شرق أسيا (تايلاند - تايوان - ماليزيا) و ده اللي أنا شوفته لما كنت بأشتغل علي خط شرق أسيا / شمال غرب أوروبا و كنا بندخل اليابان و ننزل عربيات و منتجات أخري من دول النمور الي اليابان

ماتستغربوش !!!

اليابان نقلت معظم مصانعها خارج اليابان و بتصنع فقط الصناعات النظيفة الغير ملوثة للبيئة و ذات التكنولوجيا المتقدمة جدا جدا و المرتبطة بصناعات الطيران و الفضاء

**Sharky** · 20-09-2009 12:24 PM

المشاركة الأصلية كتبت بواسطة dr_mak

غرييييييييييييبة ماليارس اصلا ماليزي اول مرة اسمع ان اليارس كانت ياباني .....دا حتى سبب ان اليارس مش منتشرة في الخليج انها مش يا ياباني

كلام غير مظبوط

المشاركة الأصلية كتبت بواسطة se_coralsea

ياريس أيه اللي مش منتشرة في الخليج , ده أنا كل ما أقف في أشارة ألاقي علي الاقل 3 أو 4 عربيات ياريس و الباقي يا أما كرولا يا أما كامري

كلامك مظبوط يا استاذ سمير
الكويت و السعودية منتشرة فيها الياريس

المشاركة الأصلية كتبت بواسطة dr ahmed abdelghany

هى اليابان استكبرت على إنتاج العربيات وللا إيه؟
أمال انتاج اليابانيين بيروح فين دلوقت؟

اللى أعرفه ان السيارات الصغيرة الـ 1600 سى سى فيما أقل خلاص مابقاش يتصنع فى اليابان و اتنقل للبلاد المجاورة اللى العمالة و الصناعات المغذية للسيارة فيها أرخص من اليابان

**mostafa3000** · 20-09-2009 12:39 PM

علي كدة الواحد يدور علي الاوربي

**محمد محمد** · 20-09-2009 04:48 PM

المشاركة الأصلية كتبت بواسطة mostafa3000

علي كدة الواحد يدور علي الاوربي

ما هو حتي الأوروبي مش بيتصنع في بلده ولو علي تخفيض الجمارك مصانع تويوتا وغيرها هايجيبولنا عربيات بعد كده من مصانعهم في اوروبا.

**lonedoctor** · 21-09-2009 12:11 PM

المشاركة الأصلية كتبت بواسطة dr_mak

غرييييييييييييبة ماليارس اصلا ماليزي اول مرة اسمع ان اليارس كانت ياباني .....دا حتى سبب ان اليارس مش منتشرة في الخليج انها مش يا ياباني

ياريس مين اللى موش منتشرة فى الخليج؟
انت عايش فى بلد فى الخليج؟

**aliabutaleb** · 21-09-2009 01:17 PM

طب ما نخللي زيتنا في دقيقنا ونجمعها إحنا في مصر يمكن ترخصلها 700 ولا 800 جنيه :)

**M.Mekawy** · 22-09-2009 01:12 PM

الحمد لله لحقتها يابانى
بس كدة صباح الخنقة , من اول 2011 مثلا مش هنلاقى اى حاجة يابانى اطلاقا بتنزل مصر , الواحد يسوق كورى باة باذن الله بعد عمر طويل لما نيجى نغير العربية