cbr 250 fire ب5000جنية بس

انا ياجماعة جديد فى المنتدى....بس عجبنى جدا....ومحتاج رأى عتولة الريسات فيها
فى موتسكل cbr250 fire معروض بسعر رحيص عليه ب5000جنيه بس اخر الفصال



بس محتاج حاجات----الموتوسيكل بحالة متوسطة محتاج اسكرينة وورق دبرياج ومحتاج عداد كامل ومحتاج فيبر كامل ومحتاج الكترونى وكاوتش وراء...




انا فكرت اجيبه واظبطو واركب ريس انا الى مجددو على ايدى واول واحد يركبو
بس ياجماعة انا محتاج رايكو بجد......يعنى اجيبو ولا بلاش احسن....والحاجات دى تتكلف كام بالتفصيل-وينفع يرجع جديد ولا لأ
معلش ياجماعة انا هتعبكم معايا......وياريت كل الى عارف حاجة يقولها لو سمحت
وشكرا

أولا أهلا بيك فى المنتدى
ثانيا أنا أول مرة أسمع عن السعر ده لكن لما وصفت حالة المكنة قولت أه كده معقول :beatdeadhorse5:
هى شكلها كده خلصانة على الأخر وحتتعب :fdsa: كتير لحد مترجع تمشى تانى ( مع أنى شكاك فى الأمر)
فالأحسن أنك تصرف نظر عنها وتشوف حاجة تانية تكون كويسة ومستعملة برضة وأن شاء الله حتلاقى مكنة تكون كويسة

وده رأى المتواضع وفى أنتظار بقية الأعضاء الأكثر خبرة منى

زى ما قال الاخ فايتر مرحبا بك فى المنتدى انتا ذكرت حاجات كتير بس ماذكرتش الموتور باى عيوب وطبعا خدها قاعدة الموتوسكل ماتور طالما الماتور سليم متقلقش من حاجة
ولك عرض باسعار التكلفه
1 / ورق دبرياج من 50 جنيه وانتا طالع وكله على حسب الجودة
2 / فيبر 750 جنيه تقريبا
3/ الكترونى حوالى 350 جنيه تقريبا
كاوتش ورا 700 بالجنط الحديد من غيره 350 الى 400 وبردو على حسب الجوده
انما الاسكرينه انا معرفهاش فا مش هقدر اقولك على سعرها
لوحسبنا كل الحاجات دى هتلاقى فى حدود
يعنى قول 1200 جنيه تقريبا لو حسبنا بالجنط الحديد بلاسكرينه ونديها 300 جنيه مثلا يعنى قول هتقفل 2000 مرتاح و300 جنيه مصنعية الميكانيكى يعنى بسيطة الحاجات مش جامدة اوى بس اتاكد ان فى حالة ان المكنة تدور لمبه الزيت ال فى الكونتاك تنطفى واتاكد بردوا ان الكرتيره بتجمع مع طبه الزيت كويس لحسن تكون مفوته
اخوك خـــــــــــــــــــــــا لد

شكرا ليكم على سرعة الرد
بس هو الموتور الحاجة الوحيده الى سليمة بحاله جيده

خلاص سير على بركة الله والله انتا لو قريب منى كنت اجى معاك اشوفهالك

فعلا لاقيت المكنة دى متبهدله.....بعد كمان ماشوفت مكنة cbr 250 عادى موديل 89 على 7000 وحالتها حلوة....ايه رايكو فيها دى...
cbr 250 موديل 89 mc19 ......الموتور لسة معملو عمرة وبتلين بس فيه جوان وش السلندر...بسبب ان الميكانيكى مربتوش كويس بعد العمرة
الفيبر سليم بس فيه طبعا بعد الخرابيش البسيطة وشرخ واحد مش باين
بس الموتور نضيف جدا....يعنى وهو بارد بيدور مابتلش ولا حاجة معنو لسة كمان بيليند
وهو يعتبر محتاج كوتشتين ورا وادام......ومحتاج الجوان وش سلندر
ايه رايكم فى ده وفى سعرو......ومين الافضل فيهم

الاول افضل بدام موتوره محلش بس هيا ايه الاسكرينه دى ؟؟؟؟؟؟؟؟؟؟

الاسكرينه ده هيه حتة الزجاجه البلاستيكيه الاماميه
اللى بتغطي العدادات.......زي البارباريز يعني
ده 120 جنيه تقريبا
وفى منها المصري المعفن ب 80

مشكور اخ استار على سرعه الرد ولك خالص تحياتى

اتمني لو الاخ لومبارجيني يكتب ارقام اي حد من الاتنين او الي هو ماخلصش فيه بس ياريت علي وجه السرعة والحاله وتتكلف كام علشان تبقي علي الاقل بتقضي المشاوير علما بأنه بأذن الله هايكون اول ريس اركبه وأول موتوسيكل ملكي.....وأسف لو ازعجتكم ....ولكم جزيل الشكر

ياباشا لو الماتو سليم خده على بركه الله وانا ارشحلك واحد من احسن الناس الى بتشتغل فى الريس فى مصر بجد وعن تجربه شخصبه ممكن يروح معاك يبص عليه و يقوله على الفايده وهو الى هيصلحهولك كمان والله العظيم الراجل ده محترم جدا اسمه ( محمد شامبو ) فى السيده عائشه رقمه اهوه ( 0103066116) قوله انا من طرف عبدالله بتاع شبرا

تسلم يا باشا وربنا يكرمني واخلص فيها في اقرب وقت ....والف شكر ليكم جميعا علي المنتدي الرائع ده ....واتمني المزيد في التقدم ليكم يارب