| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 4 من 6 الأولىالأولى 1 2 3 4 5 6 الأخيرةالأخيرة
النتائج 31 إلى 40 من 54

  1. #31

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    hasad">

    مش عارف ليه يا محمد حاسس ان الموضوع فيه بنت و فيه رفض من الوالدة ليها


  2. #32

    الصورة الرمزية nabaster

    رقم العضوية : 19019

    تاريخ التسجيل : 15Sep2008

    المشاركات : 3,697

    النوع : ذكر

    الاقامة : Assiut

    السيارة: Peugeot 504 Mo.79 GR

    السيارة[2]: Skoda Octavia 2013 M/T

    دراجة بخارية: ...

    الحالة : nabaster غير متواجد حالياً

    Exclamation -

    اقتباس المشاركة الأصلية كتبت بواسطة أحمد كمال مشاهدة المشاركة
    مش عارف ليه يا محمد حاسس ان الموضوع فيه بنت و فيه رفض من الوالدة ليها
    جبت المفيد ده فعلا الي حسيته من اول قراية الموضوع

    بس انا عارف ان محمد خاطب مش لسا هيخطب ولا كده يعني

    A.Yakout


  3. #33

    الصورة الرمزية magomago

    رقم العضوية : 996

    تاريخ التسجيل : 17Jun2007

    المشاركات : 1,565

    النوع : ذكر

    الاقامة : TANTA

    السيارة: B.M.W. 318i model 2001

    السيارة[2]: دايو لانوس 2003

    الحالة : magomago غير متواجد حالياً

    افتراضي -

    اقتباس المشاركة الأصلية كتبت بواسطة mohamed_refaat مشاهدة المشاركة
    ( تسببت فى جرح كبييييييييييييييييييييييي يييييييير جداااااااااااااااااااااا لى فى حياتى )
    (وتسببت فى تقدر تقول كارثة فى حياتى حاجة لا تعوض باى حاجة فى الدنيا)

    اسمحلى ان اتدخل لان الموضوع شدنى ....لانه متكرر جدا فى كثير من البيوت
    واذا اردت المشورة فيجب ان تعلن عن الكارثه التى حدثت لك والتى لا تعوض
    لان هذة المواضيع نسبيه من شخص لاخر والذى يعتبر كارثة لك من الممكن ان يكون عادى لشخص اخر والعكس صحيح
    اما اذا منعتك الظروف من الافصاح على الملأ
    فاختار من تثق به وحاول ان يكون بينكم اتصال تليفونى لشرح الموضوع وتبادل المشوره
    والله الموفق

    بدون توقيع


  4. #34

    الصورة الرمزية Abdo_Eldesokey

    رقم العضوية : 9965

    تاريخ التسجيل : 02May2008

    المشاركات : 1,867

    النوع : ذكر

    الاقامة : 6 October

    السيارة: non

    السيارة[2]: Toyota Corolla 2003 1300cc A/T

    دراجة بخارية: non

    الحالة : Abdo_Eldesokey غير متواجد حالياً

    افتراضي -

    معلش أنا هتكلم في جزئية صعبة شوية ، لكن صدقنى هتريحك

    طبعاً الست الوالدة ربنا يديها طولة العمر هيجي يوم وهترجع للى خالقها ، واليوم ده محدش يعرف هوا امتى ، لكن كل الي أقدر أقوله إن تخيل لو اليوم ده جه وانت على خلاف مع والدتك .. هتقدر تسامح نفسك بقية حياتك ؟؟

    انسى كل المشاكل واحتسب الأجر والثواب عند ربنا ، وخليها دايماً راضية عنك مهما حصل ، محدش عارف مين هيموت قبل مين

    عشان لما تكون انت الى شايل منها ومستحمل أحسن 100 مرة من إنها هي الي تكون شايلة منك

    الي مدخلش QNET .. مدخلش دنيا
    http://www.nilemotors.net/Nile/244377-a.html


  5. #35

    الصورة الرمزية evoo90

    رقم العضوية : 13543

    تاريخ التسجيل : 24Jun2008

    المشاركات : 2,716

    النوع : ذكر

    الاقامة : cairo-helwaan

    السيارة: EVO 5

    السيارة[2]: aveo LS 2009

    دراجة بخارية: no

    الحالة : evoo90 غير متواجد حالياً

    افتراضي -

    هى الاباء والامهات كلهم كده ؟؟
    بيتهيألى عشان هما كانوا عايشين فى زمن غير زمنا خالص ماكانش الكل معاه عربيات وماكانش كله بيخرج ويسهر ولا الحاجات كانت غاليه كده ولا موبايلات ولا نت ولا كل اللى احنا فيه دلوقتى وبصراحه الوالدين دلوقتى بقوا السبب فى كتير قوى من القرف اللى فى مصر لأن كتير مننا بيعمل حاجات من ورا والده ووالدته مش خوف بس احترام لكن الابهات المتحضره اللى بيحبوا اولادهم بجد واللى عارفين معنى اب وام بيقولوا لأولادهم اى حاجه عايزين تعملوها اعملوها قدامى اى حاجه اى حاجه ومايخوفش الابن منه
    لأن الاب المفروض يقول لنفسه ماهو كده كده هيعمل الشيئ الفلانى !!! طب مايعمله قدامى احسن مايعمله من ورايا ويتطور ويتقلب لضده
    انا اعرف ناس كتير جالهم عقود واحترافات بره لكن والدهم رفض وخرب مستقبله !! ليه يعنى ؟؟
    احيانا يامحمد فى ذنوب وخطايا لاتغفر ابدا ودى اللى بتغير مسار حياتك من جهه لجه تانيه وبتفضل طول حياتك فاكرها ماتنساهاش
    والحل حاجه من الاتنين :
    يا اما تختار شيئ وسط يرضيك ويرضى والديك
    يا اما تعملك حياه سريه تبسطك وتسعدك على الاقل تكون مستريح وتضحك فى وش والدتك وماتحسسهاش بالضيق حتى لو كنت عامل حاجه هى رافضاها من وراها ( طالما الحاجه دى ماتغضبش ربنا ) وخد بالك ان فى الاول وفى الاخر اللى يهمك ويهمنى ويهمنا كلنا هو الله عز وجل وبس الاب والام عليهم اشد توصيه فعلا بس دول بنى ادميين والبنى ادم بيغلط وبيعصى ربه مش معنى انهم والديك يبقى مابيغلطوش وكل قراراتهم صح ولازم تتنفذ احنا مش ملائكه احنا مجرد بشر اطفال واباء وامهات وشيوخ وعلماء وكله كله زى بعضه كل من طينه واحده
    حاجه اخيره موجه للأباء
    انا صغير بالنسبه لكتير هنا فى المنتدى ومنهم اللى ربنه رزقه وبقى اب
    لكن اسمعوا الكلام ده ولو غلطان قولولى
    الاب او البنت من صغرهم بيحتاجوا شراره واحده بس ( زى الموتور الديزل اصل شغله كله شراره واحده فى الاول وبعدين بيعتمد على نفسه ) يعنى الوالد والوالده بيعلموا ابنهم براحتهم وعلى مزاجهم ويعلموه الصح والغلط والحلال والحرام وبعدين يسيبوه هو يختار حياته براحته والوالدين يراقبوا من بعيد مايتدخلوش الا لما يلاقوا ابنهم بدأ يخرج عن الطريق والتدخل يبقى توجيه ونصيحه للطريق الصح مش ارغام وفرض

    عارف انا والدى بيكرهنى جدا جدا وانا كذلك ومش هقولك بلسانى انا انه دكتاتورى فعلا بلسان كل اللى يعرفنى وشاف والدى واللى بيعمله اخواتى واهلى كلهم معترفين بكده انه مش كويس خال معايا وبيحاول يدمرنى بجد حد هيسأل عن السبب هقولكم عند مش اكتر فاكر نفسه هو كل حاجه وهو اللى بيحيى ويميت جمله بسيطه من لسان والدى ( انا اللى يتعوج عليا اعوجه اكتر وماببكيش على حاجه ) تخيلوا مدى الكره عارفين اتعوج عليه دى ايه ؟؟
    مثلا اناقشه فى حاجه الاقيه هب فيا وكأن القيامه قامت ممكن مره واحده تلاقيه داخل عليا الاوضه وقعد يزعق لوحده كده والله
    اقوله فى ايه ايه اللى حصل يقعد يزعق طب ايه مالك انا كلمتك هو انا عملت حاجه انا قاعد فى حالى تلاقيه شعلل اكتر هى دى العوجه وقله الادب فى نظره انه لما يقولى حاجه برد عليه واقوله ليه او اناقشه
    لكن للأسف لازم اتحمل انا فى مرحله ماينفعش ابعد فيها عنه لانه دلوقتى هو اللى بيصرف عليا من اكل وشرب وتعليم ودى اهم حاجه وزى مانتوا عارفين انى داخل خاص يعنى عايز مش اقل من 10.000 جنيه فى السنه وطبعا ماينفعش اشتغل وانا بدرس وازاى هجيب المبلغ ده فى السنه دى المشكله انا ممكن اشتغل واكفى نفسى اكل وشرب ولبس ومكان اعيش فيه لكن كل ده بالاضافه للتعليم صعب جدا
    اتحطيت وسط معادله صعبه قوى !!!! لازم اعدى من وسط النار وادوس فى الشوك عشان اوصل
    خلى عندك عزيمه واصرار اديك شايف برغم المأذق اللى انا فيه بس لازم اوصل بأى طريقه من الطرق عندى امل
    اتمنى يكون عندك امل انت كمان ..

    لمتابعه تصميماتى
    Willkommen bei Facebook | Facebook


  6. #36

    الصورة الرمزية Lion_Heart

    رقم العضوية : 4491

    تاريخ التسجيل : 19Jan2008

    المشاركات : 2,738

    النوع : ذكر

    الاقامة : Mansoura

    السيارة: ----------

    السيارة[2]: Excel 1300

    دراجة بخارية: ------------

    الحالة : Lion_Heart غير متواجد حالياً

    افتراضي -

    اقتباس المشاركة الأصلية كتبت بواسطة nabaster مشاهدة المشاركة
    الموقف باختصار يا محمد كان لشاب لسا يادوب مخلص الجامعه ولسا دي اول وظيفه هوا فيها

    كان عينه علي بنت قريبته ومكنش ناوي يتقدم الا لما يحس انه قد الموضوع ده بحيس ميترفضش (لان كان يعتبر في فرق في المستوي الاجتماعي)

    المهم الحمد لله ربنا وفقه وخطبها والكلام من ده بس كانت العقبه والدته وكل شويه مشاكل معاه

    بس هوا كان رايه من دماغه ولحمد لله ربنا تممله علي خير واتجوز البنت دي

    مش هقولك يا محمد انه عاش 15 سنه من اسوء سنين عمره كل يوم مشاكل وخناق وكل يوم نفس الموشح

    بس زوجته دي اصراحه تستحق يتعمل ليها تمثال

    استحملت والدته لكل الي كانت بتعمله معاها من شتيمه لتهزيق لكلام ميصحش يتقال علي زوجة ابنها

    بلاوي يا محمد

    ومكنتش حتي بتقول لجوزها علي الي حصل لما كان بيرجع من الشغل

    وكانت تقوله روح زور مامتك لانها كانت مضايقه شويه

    علي فكره يا محمد الولد ده وحيد علي 6 بنات

    تخيل وصلت بالام دي بعد ما اتوفي جوزها (والد الشخص ده) انها وزعلت كل املاك جوزها علي البنات بس بدون اي اعتبار للولد ده مع انه ابنها الوحيد

    بس هوا كان بيحتسب الاجر عند ربنا كان بيقول انا الحمد لله ربنا سترها عليا ومش محتاج اي شيء منها

    بس كان بيقولها كلمه واحده بس

    كان بيقولها مش هتلاقي غيري انا وولادي الي يشيلو الخشبه بتاعتك

    واخد موقف من كل اخواته البنات

    مر الوقت وحتي الشقه الي كانت فيها عطيتها لبنت من البنات وهيا راحت لشقه تانيه في دور عالي ومحدش كان مراعي ان العمر بيمشي لقدام مش بيرجع كله فرحان بالحاجات الوقتيه

    كبرت وابتدت تعدي الـ 60 سنه

    ومبقيتش تقدر تطلع للدور العالي وبنات امبارح الي كانو بيتمنولها الرضا ترضي

    دلوقت كل واحده في شقه ومعاها جوزها مين طيب دلوقت الي هيستغني عن شقته؟؟؟

    افتكرت دلوقت كل كلام ابنها دلوقت بس شافت عجزها وافتكرت ان القبر بيقرب

    راحتله الشقه وعرضت عليها حسابها كله الي في البنك يكون تحت امره

    علشان بس يرضي عنها ويسامحها

    والله والمنظر ده شوفته قدام عيني والله العظيم وطت علي ايد مرات ابنها وكانت عايزه تبوسها وقالتلها انتي عملتي الي معملتهوش معايا بنت من البنات

    كانت بتطلب بس انهم يسامحوها وانها فرقت في المعامله بس علشان العند ومعملتش حساب لاخرتها

    بس ابنها رفض ياخد اي شيء وقالها الله اعلم مين هيموت قبل مين وسيبي كل شيء لوقته

    البنات الي كانو امبارح فرحانين بالتوزيعه الي في نظرهم ده العدل

    انهارده عرفو بقيمة اخوهم لما دي حصل معاها مشكله ومحدش عرف يخلصها غير اخوها

    ولما دي كانت هتجوز بنتها ومفيش الي يشرفها غير اخوها ودي ودي ودي ودي

    دلوقت بس عرفو بقيمته بس هوا متكلمش وكان بيراعي ربنا في العجوزه دي ولا كان بيلوم حد فيهم

    واتوفت امه يا محمد بس اخر كلمه قالتها وكان هوا جمبها انه يارب يكون مسامحها

    معلش يا محمد الموقف ممكن يكون طويل شويه

    بس ده مش موقف ده عمر

    بس بتمني تستفيد من الموقف ده وتراعي ربنا في والدتك وسيب الايام تثبتلها انتا مين

    الزمن كفيل بأي شيء

    ومتنساش ان دي والدتك

    ده ملخص يا محمد وما خفي كان اعظم واعظم واعظم

    a.yakout
    معاك حق وما خفي كان اعظم واعظم واعظم...........................و اعظم كل بيت او عيلة فيها اللى يتكتب فى مجلدات .
    ربنا يهدى نفوسنا جميعا .

    اللهم اجعل قلوبنا عامرة بالإيمان


  7. #37

    الصورة الرمزية nabaster

    رقم العضوية : 19019

    تاريخ التسجيل : 15Sep2008

    المشاركات : 3,697

    النوع : ذكر

    الاقامة : Assiut

    السيارة: Peugeot 504 Mo.79 GR

    السيارة[2]: Skoda Octavia 2013 M/T

    دراجة بخارية: ...

    الحالة : nabaster غير متواجد حالياً

    Exclamation -

    اقتباس المشاركة الأصلية كتبت بواسطة evoo90 مشاهدة المشاركة

    عارف انا والدى بيكرهنى جدا جدا وانا كذلك ومش هقولك بلسانى انا انه دكتاتورى فعلا بلسان كل اللى يعرفنى وشاف والدى واللى بيعمله اخواتى واهلى كلهم معترفين بكده انه مش كويس خال معايا وبيحاول يدمرنى بجد حد هيسأل عن السبب هقولكم عند مش اكتر فاكر نفسه هو كل حاجه وهو اللى بيحيى ويميت جمله بسيطه من لسان والدى ( انا اللى يتعوج عليا اعوجه اكتر وماببكيش على حاجه ) تخيلوا مدى الكره عارفين اتعوج عليه دى ايه ؟؟
    مثلا اناقشه فى حاجه الاقيه هب فيا وكأن القيامه قامت ممكن مره واحده تلاقيه داخل عليا الاوضه وقعد يزعق لوحده كده والله
    اقوله فى ايه ايه اللى حصل يقعد يزعق طب ايه مالك انا كلمتك هو انا عملت حاجه انا قاعد فى حالى تلاقيه شعلل اكتر هى دى العوجه وقله الادب فى نظره انه لما يقولى حاجه برد عليه واقوله ليه او اناقشه
    لكن للأسف لازم اتحمل انا فى مرحله ماينفعش ابعد فيها عنه لانه دلوقتى هو اللى بيصرف عليا من اكل وشرب وتعليم ودى اهم حاجه وزى مانتوا عارفين انى داخل خاص يعنى عايز مش اقل من 10.000 جنيه فى السنه وطبعا ماينفعش اشتغل وانا بدرس وازاى هجيب المبلغ ده فى السنه دى المشكله انا ممكن اشتغل واكفى نفسى اكل وشرب ولبس ومكان اعيش فيه لكن كل ده بالاضافه للتعليم صعب جدا
    اتحطيت وسط معادله صعبه قوى !!!! لازم اعدى من وسط النار وادوس فى الشوك عشان اوصل
    خلى عندك عزيمه واصرار اديك شايف برغم المأذق اللى انا فيه بس لازم اوصل بأى طريقه من الطرق عندى امل
    اتمنى يكون عندك امل انت كمان ..
    لالالالالالالالالالالا اسمحلي يا ايفو

    انتا كده غلطان غلطان غلطان لبكره الصبح كمان

    في ايه يا جماعه احنا هننسي نفسنا و لا ايه؟؟؟؟

    الناس دي ابهاتنا وامهاتنا مش ناس من الشارع دول الي ربنا وصانا عليهم

    ايه الي بيحصل ده؟؟؟؟

    بقي يا ايفو والدك بقي مجرد خزنه بتصرف منها مؤقتاعلشان بعد ما تتخرج تستقل بذاتك؟؟

    المفاهيم اتغيرت ولا ايه يا جماعه؟

    يابني ليه واخد الامور بصدرك كده؟؟؟

    انا علي فكره اكبر منك بحاجه بسيطه ففاهم الي حد ما تفكيرك ماشي ازاي

    يا ايفو الكلمه الحلوه بتهد جبال

    لما ابوك يدخل عليك يزعق قوله نعم يا حاج عيني ليك راضيه هتلاقي الي هايج ده وقاعد يزعق هدي خااااااالص وبقي حمل وديع ويمكن اصلا يسيبك ويمشي ويستغرب ايه الي بيحصل ده

    وبعدين ما يزعق زي ما هوا عايز يعني هوا بيزعق فين؟؟؟ مش بيزعق في بيته؟؟؟ يبقي ملكش حاجه عنده وسيبه يزعق

    حاول كل شويه تتمسح فيه والله مش عيب انك تتمسح في ابوك ده ابوك ومتقوليش كرامه

    ده ابوك يا رايس ولازم تتعامل معاه بدماغه هوه مش بدماغك انتا يا الي لسا مكملتش 20 سنه مع (احترامي ليك طبعا)

    علي فكره انا مش بعمل كده مع ابويا بس في اسلوب تاني لاني فاهم دماغ ابويا ماشيه ازاي

    ومش معني كلامي انه يمشي كلمته عليك

    في اسلوب للحوار يا ايفو مثلا يعني جه ومتنرفز عليك قالك هتعمل كذا وغصب عنك

    اسكت ومتردش سيبه يخلص الشحنه الي فيه

    سيبه يوم واتنين وبعدين في لحظة صفا روح وقوله يا حاج انا امكانياتي ودماغي مش هتخليني اقدر اعمل كذا

    سيبني اجرب الشيء الي في دماغي علشان ابقي احسن واحسن واتناقش معاه بعدين مش لازم في وقتها واختار وقت يكون لواحده

    انتا من كلمتين عرفت بيهم شخصية والدك بيحب يشوف ان كلمته هيا الي ماشيه في البيت والكل بكلمه واحده بس بيغضعولو هوا كده وشخصيته كده نرضي بيه ولا نبدله بواحد تاني؟؟؟

    اديله مقامه وخليه يفرح بالي عايزه بس تعالي بقي ليه بعدين وظبط امورك معاه بس بعيد عن اي فرد في البيت ويكون رايق

    يعني مثلا لو كان بيقعد علي كافتريا انزله في الوقت ده او لو كان شغله بغرفة مكتب مستقله روحله وقت الشغل ونقي ربع ساعه ولا حاجه يكون فاضي فيها واقعد معاه وحكي معاه

    اعرف يا ايفو دماغ ابوك وشوف نقطة ضعفه وعيب اوي كلمة ابويا بيكرهني وانا بكره ابويا

    مفيش اب في الدنيا بيكره ابنه بالعكس ده الوحيد الي بيتمناك احسن منه ابوك

    ولو فعلا وصلت للمرحله دي يبقي انت السبب ومش حد غيرك

    ابوك شخصيته كده و عايز يتعامل كده متعه يا سيدي بالي هوا عايزه ابسطه بكلمة حاضر

    وزي ما قلتلك ظبط امورك معاه بعدين واعمل الي في دماغك

    انا قلت الي عندي يا ايفو واعتبرتك اخويا الصغير وكلمتك زي ما بكلمه بظبط انا اديتك النصيحه نفذتها لنفسك ولو منفذتهاش لنفسك برضه

    اعتبرها يا ايفو تجربه تجربه لمدة اسبوع واحد وان شاء الله مستني منك الرد علي النتيجه

    وفي الاخر الي بيشيل قربه مخرومه؟؟؟؟؟؟؟؟؟؟؟؟

    A.Yakout


  8. #38

    الصورة الرمزية Ahmed_Gadalah

    رقم العضوية : 31038

    تاريخ التسجيل : 24Jan2009

    المشاركات : 1,491

    النوع : ذكر

    الاقامة : Qalubia

    السيارة: لا يوجد

    السيارة[2]: بيجو 307 sw 2007

    دراجة بخارية: لايوجد

    الحالة : Ahmed_Gadalah غير متواجد حالياً

    افتراضي -

    ربنا يهدي الحال
    وحاول تراضيها مهما حصل لان لو دعت عليك دعوة هتعيش طول عمرك في هم وحزن وغير عذاب الأخرة
    وبيحصل معانا كلنا مشاكل مع امهاتنا وابهاتنا وانا نفسي ياما حصل مع والدتي وخصوصا بعد اما والدي الله يرحمه مات
    وبستحمل لان ربنا أمرنا بكده


    لا اله الا أنت سبحانك اني كنت من الظالمين


  9. #39

    الصورة الرمزية human

    رقم العضوية : 20140

    تاريخ التسجيل : 25Sep2008

    المشاركات : 6,879

    النوع : ذكر

    الاقامة : Cairo

    السيارة: مافيش عربيه تانيه!!

    السيارة[2]: ميجان

    دراجة بخارية: عجله شوبر

    الحالة : human غير متواجد حالياً

    افتراضي -

    اقتباس المشاركة الأصلية كتبت بواسطة mohamed_refaat مشاهدة المشاركة
    الموضوع لية اسباب كتير ومتعددة ولكن فى النهاية وهذة هى المشكلة انى بكرهة واحدة من اقرب الناس لى هى والدتى ايوة والدتى
    مش قادر اسامحها لانها تسببت فى جرح كبييييييييييييييييييييييي يييييييير جداااااااااااااااااااااا لى فى حياتى
    ورجعت بعد كدة تانى فرقت فى المعاملة بينى وبين اخوانى
    وانا للاسف جربت كل حاجة وكل طريقة علشان اسامحها لكن مش قادر
    فقولت اسال اخوانى فى المنتدى يمكن الاقى مساعدة
    انا على فكرة مش من نوع الابناء العاق او المتغطرس انا عادى زى اى ولد ولكنها استغلت فى هذة النقطة وتسببت فى تقدر تقول كارثة فى حياتى حاجة لا تعوض باى حاجة فى الدنيا
    انا عارف ان الجنة تحت اقدام الامهات ولكن احيانا تحصل اشياء يكون صعب شفائها نفسيا فعلا صعب ...
    ارجو الجدية فى الاجابات ... واتخاذ اسلوب جدى .
    وشكرا يا احلى منتدى ......
    يا سبحان الله
    انا تقريبا عندى نفس المشكله بقالها كذا سنه حوالى 7 سنين
    و جوايه و مش عايز اصفى خالص بس انا بعامل فيهم ربنا

    بزورهم و اسأل عليهم و اخرج ماما و اجيبلها اللى عايزاه و لو عايزانى سواق بعملها سواق

    ساعات اعصابى بتفلت من دون مبرر بسبب تراكم الالم بس برجع اندم و اصالحها
    ده عشان ربنا يا محمد

    انا دايما حاسس انى فى غايه الاختلاف عن ابويا و امى والله ساعات بحس انى مش ابنهم اصلا

    بس هتعمل ايه؟ ريح ضميرك حتى لو بتام دمك محروق

    يا ريس ده انا لما باخد ولادى هناك ببقى حاسس انى بموت و نفسى امشى بس برضه باجى على نفسى

    ربنا يكرمنا

    مصر هتفضل غالية عليا
    -------------------------------
    الديك الحلبي هايفضل يدن لغاية ما يتدبح


  10. #40

    الصورة الرمزية Imhotep

    رقم العضوية : 22719

    تاريخ التسجيل : 20Oct2008

    المشاركات : 3,543

    النوع : ذكر

    الاقامة : Egypt

    السيارة: none

    السيارة[2]: Accent rb

    دراجة بخارية: none

    الحالة : Imhotep غير متواجد حالياً

    افتراضي -

    hasad">

    القدرة على الغفران تتأثر عكسيا بمقدار الجرح الذى تسبب لنا فيه احد..... و المشكلة تتضاعف اذا كان الجرح سببه احد الاحباء الينا و احد اعز الناس و اقربهم الينا...... انا نصيحتى ليك انك ترفع عينيك من التركيز على المشكلة...... اخرج منها اخرج براها..... لان طول ما انت حاصر نفسك فيها و لا تكف عن النظر اليها فلن يتوقف الجرح عن النزيف...... حاول تشوف الموضوع من جميع جوانبه...... و التمس الاعذار لمن اذى مشاعرك..... شئ اخر انا متأكد منه...... رغم ان المتسبب ف ىالالم لك هذه المرة هو اقرب الناس اليك...... الا ان فيه شئ انا متأكد منه...... هو انه لا قدر الله لو لقيت اى حاجة و لو بسيطة جدا حصلت و ضايقت والدتك و سببت لها اى الم فأنا متأكد انك مش هتستحمل عليها الهوا الطاير و هتبقى مستعد تعمل اى حاجة بس متشوفهاش متألمة و سيظهر من داخلك الحب الحقيقى الذى تكنه لوالدتك...... وهو المشاعر الحقيقية التى بداخلك من نحو والدتك...... صدقنى انا فى فترة مبكرة من فترات حياتى كنت بلوم اهلى على اشياء كتيرة كنت اعتقد انهم السبب فيها...... لكن لما كبرت و نضجت...... مبقتش باحمل لهم الا كل الحب و التقدير و الاحترام...... ويكفى مجهودهم و تعبهم و شقاهم عشان يربونى انا واخواتى باحسن ما فى استطاعتهم...... وقلقهم المستمر علينا و على مستقبلنا وعلى راحتنا رغم ان كلنا كبرنا و عدينا سن الرشد الا ان الاب و الام لا يتوقفان عن ممارسة دورهما فى حياتنا..... وهو الدور الذى لا يستطيع القيام به اى احد غيرهما......



 
صفحة 4 من 6 الأولىالأولى 1 2 3 4 5 6 الأخيرةالأخيرة

المواضيع المتشابهه

  1. الكل يدخل بسرعة يمكن يقدر يساعدنى :(
    بواسطة ibrahem_elkhabery في المنتدى مشاكل وصيانة تكييف السيارة
    مشاركات: 3
    آخر مشاركة: 02-07-2011, 04:50 AM
  2. الكل يدخل بسرعة يمكن يقدر يساعدنى :(
    بواسطة ibrahem_elkhabery في المنتدى ورشـــة نــايل مــــوتـــورز
    مشاركات: 9
    آخر مشاركة: 01-07-2011, 01:54 AM
  3. ممكن حد هنا يساعدنى لانى زهقت من العربية وشكلى هبعها
    بواسطة mazikagamda في المنتدى دايــو+شيفرولية لانوس
    مشاركات: 19
    آخر مشاركة: 06-07-2010, 11:52 PM
  4. عايز حد يساعدنى لانى تعبت بجد وخايف انى اشترى فيات
    بواسطة bembodeniro في المنتدى فــــيات
    مشاركات: 50
    آخر مشاركة: 03-02-2010, 07:43 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2